¹ Iba ya yesina iwata,Kakamutu, iyanu yabairo araisi, i daira me. ² I da ba, ya iwata adinaro Firifi suro urumu daiwere wourada, nono emema ure yanae utebitaro oferi daiwere wourebisi.Nono Godinu sina weada, danu sinaro inare kekei usitema Godinu sina webisiro, ure yanae uweta uwara fatate iya ufitae utebitaro ma, umaini iyarawa usi. Godinu sina wefene usiroma kekei daiwere atasi. ³ Ewe sina da mui orofa uwara bairoma farawa, iga buga me, meo me. ⁴ Iya yesina Godima maba uite, maowere mune anika odi, danu sina wefene baue, eme yaru maeta me roma Godi mane yaru matada danu ibi mane we madai ufeisi. dana iyanu toto ubarenaro erasu. ⁵ Iba iya me sara meo sina wefene farawa, ewe sina we madinunu ufene, wawi ufene farawa. Godima iyanu totoro erasu. ⁶ Adinaro Godinu ario eme bairo munawa, abairoma ini, nono mui uwara bairo ma ini. ⁷ Yesu Kerisoma danu waiya ufene, baue iya we muni, iba danu Afosoro uwara sisi. Iba iyae da me ure nuda toba yowa ari uwara, baya mutuma umanu aruma adarabu yawoteibaita enanari yaba utaisi. ⁸ I irau awawa uweta darei, roma yabaue iyanu unu daiwere usite, iba yaini awawa uwe matanaisi, Godinu sina mane me, roma nono iyanu awawa yaini gonuro uwe matafeisi. Iba ya yesinane iyanu unu daiwere yabairo ibinu. ⁹ Iba ya imue eyawe, kakamutu, dumuini, wabaraini, yaba waiya utebaisi, iba yabairo urumu mui damafeisi, roma Godinu sina mane weifero nauteifoita. ¹⁰ Ya yesinane eta, Godi daini eri, anene tamuaru, irau aiye mane, nono iyanu uweta, sineta irau mane, iyanu ba imueta abairo mane imutaisi. ¹¹ I darei enanari, ya iwata, anene yaini gonuro ibisi, iyari eno Babama danu aruma adarabu ini ibasu, enanari ibinisi. ¹² Abairo irau sina waisi, a yawotaisi, a mayaru utaisi. Iba Godinu irau aiye ba ario dareiro ane daini danu ibeta orofa urero ibifasu, Godima ya yesina uwo wada, eno wasu. ¹³ I ubiroma, kekei were Godi bairo yaru matada, Godinu sina we muni, i sina adinaro iyana abairo weisi naui, i da Godinu sina ubi. I sina da mui amara bairo munawa. I ba Godinu sina aini ibada anu ubarenaro waiya utasu, iba a ba da bairo ba imueta imutasu. ¹⁴ Iba ya kakamutu, adinaro diudiya suro, Godinu dai sosi su yawoetebita, Yesu Kerrisonu ibiroma. Anu su uwara ubima a ure yanae uta ba, iyari enanari Diusi su uwara bairo uta nono abairo ini eno uta. I dai diusi uwara ma Yesu Keriso utate, nono adinaro Godina sina webou uweta uwaraini diusi su uwarama utate, nono umana iya ure yatuta. Uma Godi ba imutawa,nono mui uwaraini yesina ure yanae utebaita. Uma unu tawa mui uwara bairo Godinu sina weta, nono mui uwara urero aneta. Danu ubi umanu daira uweta sineta uma bairo wate faribinu. Roma duburo iyanu maowere muneta amara Yesu Keriso, nono owere fafisu wabararo, uma dairama maremu ufisu. ¹⁷ Roma, kakamutu, me fuiya ratu matane anika odi. Totoro ubarenaro meroma, nono ofero mane. Iyanu unu daiwere yabairo afete, yanu ibo naitei ere mataneta unu ubinu. Iyanu abairo afene unu utaisi. Na Foru, nanu unu abairo amane ba unu utautane, roma seitanima garau usinu. ¹⁹ Yanu unu de ane, yaru, botai bosowo,, iyanu kaka Yesu Keriso nono owere fafiye areifiro, ane rao woufete fare danu iboro inafeisi? I de aba anaina?. Iba a iyanu ario ini nono yaru.