¹ Gingan huguan 6-anai Yisu gikua Pita, Jems ingka Jon, Jems raingk gan, ingka kurinai tak gihan ngaring hahuan basinta tawagungk. ² Yisu gisuf ingka rining gan Rungan gikas rumangan. Maran gan Rungan girim gisu gubuak, ingka bumpungk gan rungan gisapasip gisu zah baruru gayang. ³ Anungka gahigut arutak Moses wat Elaija gikas in ginia hup wat Yisu. ⁴ Pita gararab anai in ginia wat Yisu gisuni, ''Suraham, nanai mimungk agi mpai ani. Ini agua nuguam, yangan zi yahawam tagur basar hirukangkua basinta, mangan agua gam, ingka mangan Moses gan, ingka mangan Elaija gan.'' ⁵ Gubuak Pita ru nia hup, gabagah basinta sapasip ayang giba gahumpun kurinai sib, ingka wasak i gabagah garat basinta ginia, ''Nani nanai zi Gariak ngangk, zi gikab i nuguang gangk, rungan garagia zi nuguangk gangk. Gisunai in agam wayangua i hup gan tak.'' ⁶ Gubuak garam gan yangua hup anai, kurinai giguan raham in gikab maran gan giruk gihan buamp. ⁷ Ingka Yisu giba gishatah kurinai in ginia wat kurinai, ''Agam wangkiti guan ayang.'' ⁸ Ingka kurinai garantab gihan wagungk ka ma gararab garam mangan gamuk, Yisu basinta tak gimpai. ⁹ Gubuak kurinai ru banua ba buamp i ngaring, Yisu ginia hup bumur wat kurinai gisuni, ''Agam ma gisangk yania wat garam mangan i wah aus agam rarab ayang, yasangk Garam Gariak gan takirun zuah i parat garam mamp ayang gan.'' ¹⁰ Anungka garam gan gikantui gin gisuni, ''I aus in garam wayant butua gan ginia gisuni Elaija yanungk yaba gayang?'' ¹¹ Yisu gisuntai gin ingka ginia, ''Elaija yangan yaba ingka yamari wah manga mangan zuah. ¹² Ka zi ginia wat agam, Elaija ru giba, ka garam guzun ma gararab nanai amuk. Miayah. Kuri gigab mais i nanai. I nangkui su karu nanai tak Garam Gariak gan yangan yakua waya gayang i garam bangkian.'' ¹³ Ingka garam gan gararab gisuni Yisu ru nia wat kurinai i Jon Mpui Rurub gan. ¹⁴ Gubuak kurinai ba kas i hain abingk garam marikum mpai iayah, garam basinta giba gagantu hagan nugun i Yisu hagan in ginia, ¹⁵ Suraham, wakab sampam i zi gariak marub gangk, rungan gikua rini mais bunimp in gikua waya gayang raha raham. Gubuak santan rungan gapuruk giha zah ma i mpui. ¹⁶ Zi gikua nanai gihai agua garam gam, ka kurinai ma gisangk yamari gin amuk.'' ======= ¹⁴ Gubuak kurinai ba kas i hain abingk garam marikum mpai iayah, garam basinta giba gagantu hagan nugun i Yisu hagan in ginia, ¹⁵ Suraham, wakab sampam i zi gariak marub gangk, rungan gikua rini mais bunimp in gikua waya gayang raha raham. Gubuak santan rungan gapuruk giha zah ma i mpui. ¹⁶ Zi gikua nanai gihai agua garam gam, ka kurinai ma gisangk yamari gin amuk.'' >>>>>>> refs/heads/new ¹⁷ Anungka Yisu gisuntai gisuni, ''Agam kuri gab nangkui mais in ma bumur amuk, gubuak hurahua zi yampai bi agam? Gubuak hurahua yangan zi yania wat agam? Wakua gariak anai wabai zi.'' ¹⁸ Yisu ginia ganun mais, ingka ganun mais gazagari gariak marub anai, ingka i gubuak aru nanai gan gariak gikas mimungk zuah. ¹⁹ Gingan Yisu garam gan gibai gin ingka ginia, ''I aus in agai ma gisangk i yaku ganun mais pias?'' ²⁰ Yisu ginia wat kurinai, i aus in, agam bumur gam kutik. Zi ginia nizun wat agam, ini agam gab bumur kutik sangk gisu gar tuguat gan, yangan agam yania wat ngaring anai, ''Waka tuab waha bigaba, ingka nanai yangan yahan ayang ingka ma wah mangan nanai yangan barabin i agam amuk.'' ^{21 22} gubuak kurinai mpai Galili, Yisu ginia wat garam gan gisuni, ''Kuri yangan yakab Garam Gariak gan yaha i bangkian garamsagat gan, ²³ ingka yangan kurinai yazumir i yamamp ayang, ingka i huguan hirukangkua basinta rungan yangan yatakirun zuah.'' Garam gan gimpai ntuh irun in wayant santan. ²⁴ Gubuak kurinai ba Kapenaum, garam ku sakuak takis gibai Pita in ginia, ''Kidungwaga agam gam girim takis ma miayah?'' ²⁵ Pita ginia, ''Nizun.'' Ka gubuak Pita katang ha tagur, Yisu gakantui gin gisuni, ''Saimon, agua wayant aus? King i kitamp ani gan gikua takis i kuri suaus? I kuri gan tak ma i kuri hain mangan?'' ²⁶ Gubuak Pita nia, ''I garam hain hiruk.'' Yisu ginia wat Pita gisuni, ini i su nanai, in kuri gan ma gisangk yarim takis amuk. ²⁷ Ka agi ma gisangk yakab kuri ku takis gan yapuruk i mais amuk. Agua wahan mpui nkiak ingka warim mpirim in waku bipi. Waku bipi agua nungk kua i bipi sibangu, gubuak agua ritib i garat gan agua yangan yararab silva sakuak basinta gimin. Wakua sakuak anai in wakab takis zi gangk ingka agua gam wat kuri ku sakuak takis.''