¹ La vuhula, eau, pou la kilisi te la Uru, eau tututolaeamu eme ge tuga mela marokala oilo tela tilola ale eme oilo vola. ² Eau tututoleamu eme ge la tahalo ale vagotalo emei la pou tahola mela hatetolala, masaga e tabaramu oilo la gilogo. ³ Eme ge vagari ge sautola la vikapopola oilo tela kalulu mela tia madila, ⁴ La vovo isa moli me la kalulu isa moli, a maemoli la tilola taume tai a oilo tela tautaulailo. ⁵ La Uru isa moli, la tautaulailo isa moli, mela vuluhi isa moli, ⁶ E Deo isa moli ale tama gato tomi, eia loata tomi la papaga tomi a loio tegite tomi me a oilo la papaga tomi. ⁷ E tato tomi isasa eia abi tia gato la gilogo koramuli la uru la viabila te Kraist. ⁸ A mae moli la merera vei tia: "la imala eia hiliti soata la mori, eia vituga tomi egite ale pou la totorobo soilo la kilisi,me eia abia gite la valua me hatavile la viabila." ⁹ La masova la ale "eia lovo soata," a mae moli ale eia lovo sotalo goilo la ba ale otalo sele lailo la magasa? ¹⁰ Eia moli ale lovo sotalo eia moli lovo soata sele la ilo lalage, la vuhula eiage volu oilo la papaga tomi. ¹¹ La vabila te Kraist isahari ge Aposel, isahari mae Propet, isahari e Evangelis, me isahari e Pasto me Titsa. ¹² Eia abi la opis ale ge igo vagari egite la valua te Deo ale maroka tela igolu tomi, ge vimagiri la lotu te Kraist. ¹³ Eia solo la vimagiri la valua tetala karamae etato tomi ge guvi oilo la vikapopola tela tautaulailo mela mari te latule Deo, me etatoge matuha ge guvi oio te Kraist ale viruru. ¹⁴ E Kraist vimagiri vagari e tatou la vuhula e tato katige mae eguliki ale suku lahu gotigu golagulagu mae la mago ale pigi, mae la lovi la vimari mala vasigologolola tegite la valalua, ¹⁵ Oio vola, vei la selela oilo tela gilogo, e tato ge kusi soata oilo tela gauru usu oilo tetala ale eia la mapala, ale eia e, Kraist. ¹⁶ E Kraist vimagiri la vovola tomi, me eia tabuli tomi me eia vagari sele loio tela tuhala, la imala egite isasa ge vigolu kapopo, age igo la vovola ge kusi me age magiri soata oilo la gilogo. ¹⁷ Oilo vola,eau veia me eau totosuku eme oilo te aleie oilo tela Uru. via eme umala tige mahuli mae egteu e Gentael mahuli mae vola. oilo la gabutala ale la masovala ouka, ¹⁸ La irovi tegiteu soloio maligoma.egite ba malau sele loio la mahulila te Deo la vuhula la matatola uru sele oio tegitu, mela hate giteu vagari sele. ¹⁹ La mahela giteu ouka me egite tau egite oio la gabutala giteu lou, ala egite sloio igigo la papaga ale kama kora. ²⁰ Ale kama la gauru ale eme ge vimari oilo te Kraist. ²¹ Eau rovia eme loloti le eia,me egite vimari le eme oilo vola. mae la seslela oilo moli te Isus. ²² Egite vimari me via eme ge tautaro la vulovulomu ale pala, tautaro la tahalo ale pala. la tahalo ale pala eia marapa la vuhula la gabutala la vasigogolola uru. ²³ La vimari ale eme abia via eme ge vahalaba la kalulu la gabutalamu tomi, ²⁴ Eme ge vikai le emei la tahalo ale halaba ale puhi tia oilo la taro le Deo--oilo la seselela mela marokala ²⁵ Oilo vola, lake taro la vasigologolola , me amuto isasa ge vei la selela soio tegite tabarabara mutou, la vuhula e tato tomi isa moli. ²⁶ Eme ge igo tolo me umala igigo la iriru. la haro umala ge sosivo tomi la igotolola taume. ²⁷ Umala abiala la tahalo kama kora la ba. ²⁸ La tahalo ale pakalikali eia umala tige pakalikali. eiage igolu vagari, igo la igolula tela limamu, la vuhula eme ge tahoka la papaga ale eme ge vabila soio tegite ale pou la savelela. ²⁹ La merera ale kamakora isa umala ge sibitala loio la haremu. vei moli la merera ale ge vahiliti e tabaramu oata, ale koramuli la masagala tegiteu, la merera taume tai ge visuli egite ale lolo emei. ³⁰ Me umala igo barabara la kalulu moroka te Deo, me oio moli tetala eme abi la taro tela logo ale e Isus loto rivu eme. ³¹ Tau gale tomi la tia barabarala, la hate masila, la igotolola, la mera galola, la sukutavula, me ale tomi ale kama kokora. ³² Igo la vulovulo ale tartigi soio tamuto isasa, mela tia ale tartigi, lube la iriru tamuto isasa, mae moli e Deo oilo te Kraist lube la iriru taume.