¹ Ale loio tela mulugaluga goio tela tavile isa la hilovila oata tegiteu me latatula, eau masaga sele eia oilo tela merera la selela---- kama eau moli, ouka egite tai ale roviti la seselela---- ² la vuhula tela merera la selela ale tabuli ti oilo tegatou me age vikapopo mele etato la tapasila ge ouka. ³ La gilogo, la tia gorila, mela tia madila ge vikapopo le etatou loio te Deo tama gatou me loio te Isus Kraist, e latule tama gatou, oilo la seselela mela gologo. ⁴ Eau sagege sele la imala eau gomai eau poga isahari e latatu muto tatuga oilo la merera la selela, a maemoli ale amite abi ti la mera vagarila loio te tama gatou. ⁵ Ala igoe eau tahi sele emei, tavile---- kama mae ale eau kekesia muto la mera vagarila ale halaba, ouka ale isa moli etato abi tia loio tela silokoloko---- mae etato ge masaga sele etatou isasa. ⁶ Ale la masagala, via etato ge tuga oilo tela mera vagarila tetala. ale la mera vagarila, a maemoli ale amuto lolotia loio tela silokoloko, via eme ge tuga oilo vola. ⁷ Egite la valua la vasigologolola usu gali ti soilo la mautula, egite kama vei palaea mae e Isus Kraist guvi oilo tela vovo. aleie la vasigologolola me eia e AntiKraist. ⁸ Eme matavu lou emei, soukage eme ge galo loio tela papaga ale etato tomi igolu ti oilo vola, la vuhula eme ge abi la mapa ale viruru. ⁹ La tahalo ale sugu moli solagu alamoli eia sele kama magiri oilo la vimarila te Kraist eia kama tahoka e Deo. me la tahalo ale magiri oilo tela vimari, eia moli sekela tahoka tomi egira e tamala me latula. ¹⁰ Mae la tahalo isa gomai taume alamoli eia kama vahari la vimari aleie, umala kaka tavu eia soilo la luma taume umala tai sagege roborobo eia. ¹¹ La tahalo ale sagege robo eia me eia tai ge igo la vulovulola ale kama kora le. ¹² Eau tahoka la papaga usu sele ge kekesia mu ovola, alamoli eau kama gabutala viage kekesi egite tela pepa mela gome. age mave, eau gabutala viage gomai taume etala ge pou vikapopo tio eau ge veiamu, la vuhula la sagegela tegala ge viruru. ¹³ E latatu le hatavilemu ale la hilovila oata tetala sagege robo emei.