¹ Eguiteu la tahalo ale igogolu tartigi egi te ge togo la uru giteu ale babaha egiteu tela igogolu, Egite ge igoa maele la vuhula la isale Deo mela vimarila tetala egite la valua kage mera bara ovola. ² Egiteu la tahalo la igolu ale la uru giteu eia la tahalo la lotu egite umala ge vareagagila la vuhula egite vitaume tabara, ouka, egte ge igolu taho moli. La vuhula la uru giteu eia la tahalo la lotu mela gilogo. Emege vimari egiteu vei palaea la papaga aleie. ³ Mae la tahalo isa via ge vimari la valua me hatavile la merera ale sele ala moli la merera tetala isapolo loio tela merera te la uru gatou e Isus krais mela vimarila te Deo, ⁴ Ale eia pakasa moli la mari tetala eia la golu bulahu moli, ale eia masaga molia viage vulo papahi moli la merera tomi ale tabuli ti palati me eia ge igo marapa la valua me hatavile, egite ge vaigo ge vipou bara kabili tegiteu, ⁵ la vulovulo la vipou bara kabili tela valua me hatavivile a loio tegite la valua ale l a gabutala giteu kama tartigi. Egite polo pepe la merera la seselela me egite gabutala veia lavulovulo la tilimuli la iri eia la gauru la ilabi la uati. ⁶ Lavulovulo la tilimuli la uru mela malopila mela seselela age visuli rivu lou eme, ⁷ Etato kama ababi isa la paga sotalo la mautu la magasa, ala etato kama ge abi tai isasa la paga loio vola. ⁸ Ala la ilali me la kairobola etato ge sagege molila. ⁹ Igoe egiteu ale masaga ge guvi mae la tahalo la vuliti age boru soilo la tovolaila, me soio tai la mai, egite ge boru soilo la gabutala ale kama kora mela vulovulo ale ka tartigi, me soilo tai la papaga ale vitilomu eme oilo tela marapala. ¹⁰ La vulovulo la masaga uati eia la vuhula papaga tomi ale kama kora. Egite la valua me hatavivile usu masaga la uati poketaroti la vulovulo la tautaulailo ¹¹ Alamoli eme, la tahalo te Deo, lake taro la papaga aleie. Emege tuaka tavu la magiri matatala, mela vulovulo le deo, mela tautaulailo, la ilisulisu, magiri vagarila, mela tia madidila. ¹² Eme ge vikue vagari oilo la tautaulailo ale tartigi. Sautola vagari la mahulila ale la kaluvula ouka ale eau tolati eme soio vola, me tela rova tomi ale eme veipala tia tela mata giteu la valua me hatavivile. ¹³ Eau abiamu egiteu la mera vagarila tela matane Deo, ale abia giteu la papaga tomi la mahulila me tela matale Krais Isus,eia moli igo la merera ale tartigi oio la matale Pontus Paelat. ¹⁴ Eme ge sautola vagari la merera vagarila me la marokala oio tai ale matata kara mae la guluvi la Uru gatou e Isus Krais. ¹⁵ E Deo ge tau matagaga la guluvi le Krais oio tela imamala tetala sesele e -Deo, ale vibalava ti eia meia moli e Suara, eia e King ale pou la pulou la uru me eia la Uru ale baumuli la papaga tomi. ¹⁶ Me eia moli la mahulila ale la tapasi la ouka me eia mou oilo la matagaga ale guvi, la tahalo isa kama hiloa ouka tabatiro tavua, e tato ge togo eia la vuhula vagari ale la kaluvula ge ouka. Amen. ¹⁷ Emege veia gite ale tahoka vuliti otalo la mautu la magasa egite umala ge osaosa me egite umala ge tautau la gabutala gite oio la vuliti tegiteu. Egite ge tau moli la gabutala gite oio te Deo. Eia moli ababia gatou la vuliti ale sesele etato ge momoge ovola. ¹⁸ Eme ge veia giteu ge igo la vulovulo ale tartigi egite ge tahoka usu oilo la igolu ale tartigi, me egite ge masaga la valalua tomi me egite ge la tahalo la mutelela. ¹⁹ Oilo tela gauru alele egite ge tau kovua egiteu la vuhula la papaga ale ge gomai, la vuhula egite ge sautola la mahulila ale sele ²⁰ Eme e Timoti, baumuli la rova ale abitiamu. piligi taro la paua mela gabutala marapala tela paga ale kama sele la mari te la tahalo. ²¹ La valua isahari vaisale ti la papaga aleie oilo vola egite galo ti oilo la tautaulailo. La gilogo ge vikapopo le emei.