¹ Eau e Pol, e Silvanus, me e Timoti soio tela lotu ale omai e Tesolinika oilo te Deo e tama gato me la Uru gatou e Isus Kraist. la gilogo mela tia madila ge vikapopo le amutou. ² La imala tomi amite vei tataho e Deo ile amuto tomi tela imala ale amite toi amuto oilo la kilaka tamiteu. ³ Tela mata le Deo tama amite gabutala la igolu la tautaulailo tamuto, la igolu la gilogo, la magiri vagarila tela tautaulailo oilo te la uru gatou e Isus Kraist. ⁴ Tabarabaragu e Deo masasga amuto, amite rovia eia hilovi ti amuto, ⁵ La vuhula la lotu gomai tamuto kama oilo moli la merera, ouka a vikapopo mela vagarila, oilo tela kalulu maroka, ale vagari. oilo tela ba alele, amuto tai rovia amite erese la valalua amite kabili tamuto la vuhula ⁶ Eme igo sele la vulovulomu mae amite me la uru,la imala eme abi la merera oilo tela tivuravurala eme abia vikapopo mela kalulu maroka. ⁷ A viguvia mae, eme magiri mae la vitovomulila soio tegite Masedonia me Achaia ale tautaulailo. ⁸ Loio taume la merera te la Uru tali sogala, kama oilo moli e Masedonia me Akaia, la tautaulailo taume oilo te Deo tuga ti soio tela baba tomi. ala amite kati lou ge vei isa la paga soio vola, ⁹ La papaga tomi alele taupala la gauru la ilabi la paga kabili tamuto, me tela gauru ale mave amuto vulo tavu e Deo loio tegite la puhi golo via ge lotu tavu e Deo ale mahulili me eia sesele, ¹⁰ Eme tai oio pou tatali e latula ge loata la ilo lalage, ale eia vimahuli rivu eia loio la pileho---- e Isus vimaramara ti e tatou loio la hate masila te Deo ale ge gomai.