¹ ARI ANGELO ABAYNAGINTA NA AGO TAUR TUQULAM. ULAMAN ULIG ARAQ HEVEN-IB TURAM OGIB GEWOQSA YA AHOL WAY AHOL WAQSA YAY ARAQ SISAQTA ABE MIL HASTA AGO AMBIT AN IN ULIG NA HI TUQ UGIY. ² UGAN IN YAY NA AGO DAN EZ TIHAS, HASAN MO FAQ AQSIN YAY AQEZAB NAB tuwahtiqyaq bilaqne ay humab araq ayahta oyad aqasin gwahtiqaqta nazaq. Faq aqasin yay nab gwahtiqad zeq ame isihsa kait dub tiqiyyaq. ³ Sa nagah araq bilaqne siksik madawrek nogta kabemmo faq aqasin na amuganib gwatiqim ogib haresmo tileh yaqay. lehad teq in zaway araq bilaqne kahkah gigo zaway nazaq nogta in waqiy. ⁴ Zaway waqan teq in siksik madawrek na kazaq gibilaniy, ne ogib sisihun teq kawsin-kwasan teq ay bunmo hi gimeqin toniy haqiy. Haiq haqiy, ne on mataw God agotow gimaqbelab a hi usaqta naqmo ne gimeqin toniy haqiy. ⁵ Gimeqin tonad ginol emid hi moqiy haqiy, santitiy naqmo ne on mataw na negsa le kalam abaynagin nazaqmo iyan haqiy. Ari santitiy in negiyta na in bilaqne kahkah on mataw giluman gisan titiyaqta nazaq no iyyaq. ⁶ Teq kam nab on mataw gisan titiy naqmo diq hiqiysa in moqgo diq hiqiysa in moqgo adanteqin naguneq teq in ahol a hi wag daqay.In moqgo diq ginad bilaq daqayta teq haig mog in giben lel haseq titukdaq. ⁷ Siksik amdawrek na giwaqan bilaqne hos bab emgo abalawun giholib usaqta nazaq nogta. Teg in gifaqinib balaw araq bilaqne king gifaqinib balaw gol-ibta emayta nazaq nog ussa in ginobun bilaqne mat anobun nogta nazaq ya gibiy . ⁸ Teq in giqensan sisaqmo diq bilaqne on asor giqensan sisaqta na nog teq in gite bilaqne laiyon gite nog. ⁹ Sa bab emgo abalawun atoranta gibanib usta na in bilaqne tubusan ain-ib emiyta nazaq neq in melad ogta in giban isihim us.Teq in melad giben gayik ahulan bilaqne hos kabemmo wilka kabemmo hureqim bab emnan lehayta nazaq nog ya huritta . ¹⁰ Teq siksik madawrek na gbilikin bilaqne kahkah gibilikin gilumaqta na nog. in kalam abay naginmo on mataw gimeqin tongo azawayin gibilikib lisaqta. ¹¹ Siksik madawrek na gigo king inaqta. King na in angelo-ta teq in yay sisaqta abe mil hasta nabosaqta hibru nanib angela naanan kazaq biyayta. Abadon haqayta teq Grik nanib in anan Apolyon ahqayta. ¹² Ari afaqan adnmebta na tihiqiy. Teq ne gidek emiyi, afaqan amebta na abe ban afaqan giger teg boldaqta nawa lisaqta. ¹³ Ari angeia b-ta na ago taur tuqulam. Ulaman God amen tamaz em abanan gol-ibta God anognib turaqta ago abeqil awewer ate inaqta na gilikmanibm, at araq araq gwahtiqim gamuk bilaqsa ya hurit. ¹⁴ Mat aqez na in angelo b-ta taur wazim tura na kazaq bulion .angelo aweweqmo yuw Yufretis-ib giqirquran osayta na ni gihasid in lehiy ham. ¹⁵ Haqan in angela aweweqmo giqirquran osiyta na tigihas. Angela a weweqmo na in uilg nambo teq kalam nabmo teq kam nabmo teq zeq adulan nabmo diq gwahtiqeq on mataw kabemmo ginol emid mo daqayta na ago in giqirquran osiyta. In anelo aweweqmo na gihasan in on mataw kabemmo ginol eman tumoq bugiy. ¹⁶ Ari teq mataw hos- ibta ganim diq le bab emiyta na ya hurit. In kuluwmo diq 200 milyon nazaq. ¹⁷ Ad yago sen qway nab mataw hos-ib ossa ya gibiyta na giwaqan kazaq dig ya gibiy. Mataw na gigo bab emgo abalawun atoranta giban isihim usta na awaqan kakaqta teg rawezta teg maliyta. Teg hos na gifaqin bilaqna lalyon gifaqin nog. In giteb faq amileqtyeg fag agosin teg gig afantamalyta anan salfa haqayta na gwahtiqeq lehyaq. ¹⁸ Nagah ezeqman meqin diqta faq teq faq aqasin teq gig afanta maliyta na in on mataw kabemmo ginol eman moqiyta. ¹⁹ Ari hos na gigo zaway in gitenmosib teg gibiliknib usaqta. Teq in gibilikin awaqan bilaqne naga ahulinaqta afaqin inaqta nog.Nazaq iyan in ginaghan giger na amalib on mataw gimeqin ton yaqayta. ²⁰ Ari on mataw asor afaqan nagan giwaqan a hi moqiyta na in os tutad in ginad buliyad gigo daqmeqinta na a hikidik hulos yaqay in bugaw meqinta teg God katiyta gidulan gibenab emim giyon lotu em yaqayta. Nagah na gidulan gol teq silva teq ain baras teg gig teg ay nagan gimalib in giqem ya qayta. Teq God katiyta na saw a hi waqayta teg in a hi loq gelayta teg in gidek emad gamuk a hi huritayta. ²¹ Ad on mataw na ginad buliyim gigo dag in mataw asor ginol eman moq yaqayta na teg in liqiy em yaqayta na teq in nagah haresmo rin ton yaqayta na in a hi hulosiymo