¹ Ari angelo na in yuw mataw uluwim kayeqmo kuluwa-kuluwmo osayta na tiqiqisihun. Yuw na bilaqne galas hikliyan nog iyad usaqta. Teq yuw na in God ayow sipsip amidon inaq gigo ban tawonta na aqiradnib gwahtiqim lehaqta. ² Ad uliq na amuganib yuw na agerab ay anon neqim kuluwa-kuluwmo osayta na tursa yuw na ay asenlotab lehaqta. Ay nawa na anon amo amo 12 nazaq giqemaqta. Ad kalam araqab in anon araq emaqta. Emad in nazaq emim emim lehaqta. Ad ay na anan in on mataw em bunmo giwastitaygo usaqta. ³ Teq nagah bunmo God kusluw negan meqniyim giqusayta na in uliq nab a hi us daqay. Sa God ayow sipsip amidon inaq gigo ban tawonta uliq na tursa God ago kabibiy on mataw in ayon lotu tiqemid os daqay. ⁴ Ad mataw na in God anobun ahol waqsa God aholnan mataw na gimaqbelab tuqusdaqmo. ⁵ Tarom tihiqiydaq. Sa zaq teq lam nagan bunmo gikabiyan tihiqiydaqmo. ezaqgo iyahta God ahol anuwan in ago on mataw gimalib tuhuramdaq. Sa on mataw na kuluwa-kuluwmo king iyed tuqos daqay Yesus teq hidmo ta boldaq. ⁶ AriGod ago angelo na ibilenim bilam, gamuk ka hol diqtaqmo ham God bilamta nazaqmo in tugwahtiqdaq ham na ezaqgo iyahta God inmo anad nantut negsa in ago gamuk bilaqyta ham. Ad in ago kabibiy mataw nagah teq hidmo gwahtiqdaqta na giqishungo haqaq in ago angelo eman kawaqmo tubol ham. ⁷ Haqad in ya ibilan, Yesus bilam ne gidek emiy ham. Ya hidmo ne gigo hib tilehaiq haqad in bilam ham. On mataw God ago nantut agamukan buk kab ussa muzinayta na in tidimniyim osayta haqad in bilam ham. ⁸ Ari yaqmo Jon ya gamuk ka huntta teq ya nagah ka bunmo ahol wayta. Ya nagah ka agamukan tuhuritim teq ya imeb nagah ka ahol tuwaqummo ya God ago angelo na anognib ibakbakan wun laquwin turad in ayon lotu tiqemdaiq hay. ⁹ Sa angelo na ibilan, say ham ni nazaq hi ton ham ni nimaqbaban God ago nantut nagan teq on mataw bunmo gamuk buk kab ussa muzinayta na in God ago kabibiy emayta ham. Annazaq nogmo ya in ago kabiy emaiqtamo ham ni God amomo ayon lotu em ham. ¹⁰ Ad in ta ibilenim, nagah abeb teq gwahtiqdaqta ago agamukin buk-ib usaqt ka ni hi ulilem ham na ezaqgo nagah na gwahtiqdaqta akakman sinsin tiqiy ham. ¹¹ Hazaq iyan em mataw daq meqmeqinta emayta na in daq meqinta naqmo em tuteq a lehiy ham sa on mataw daq amebay inaqta emayta na in daq amebay inaqta naqmo em tutiy ham. Sa on mataw daq dimdimunta emayta na in daq dimdimunta naqmo em tutiy ham Sa on mataw God amomo anadin emayta na in God amomo anadin em tutiy ham ¹² Yesus bilam, ne gidek emiy ham. Ya hidmo ne gigo hib tilehdaiqta ham. Ad on mataw giben naw ya negdauqta na kawa ya ibenab giqusaqta ham mataw daq ezaqta emiyta nazaqmo ya amenin tinegdaiqta ham. ¹³ Nagahbunmo gilulin na yaqmo ham ad nagah bunmo hiqiydaqta akaman na yamo wazaqta ham ya mat aqen diqta ham ya nagab bunmo wolnet bugim osauqta ham. ¹⁴ On mataw gigo tubusantisuholiyta na in tidimniyim osayta ham in gibin ineq iyeq ay anon neqim kayeqmo kuluwa-kwluwmo osayta na tineq daqay ham ad God in gihulosid in uliq ayahta na ago dan ezab le tugwahtiq daqay ham. ¹⁵ Teq mataw daq meqmeqinta emayta na teq liqiy emayta na teq an haresmo hureqayta na teq mataw ginoleman moqayta na teq God katiyta muzayta na teq nan katiyta bilaqayta na teq daq katiyta emgo ginad diq bilaqayta nagan bunmo in bilaqn gaun asannaqta meqinta nog iyeq God ago uliq dimunta na asan ban tuqos daqayta ham ¹⁶ Haqad in bilam, yaqmo Yesus yaqgo angelo eman in gamuk ka ni nibilennan nawa ningo hib lahta ham . Nazaq iyan ni gamuk ka tuteq yaqgo on mataw gidauhan bunmo gibilen ham. Ya devit asenlul amuganib gwahtiyta ham teq uliq boy na yaqmo ham. ¹⁷ Ari God ago bugaw dimunta in Yesus bulonim bilaqaq, ni bol haqaq. Sa sipsip amidon awe na nazaqmo in bulnim bilaqaq, ni bol haqaqmo. Sa ne on mataw nan ka huritayta na ne bunmo kazaq in buloneq bilaqiy, ni bol haqad ne nazaq haqiymo. Ari mat aw nog yuwnan moqad ginat ziziqzqta na in boliy. Teq mat aw nog yuw mataw uluwini kay eqmo kuluwa-kuluwmo osayta na uluwnan ginad bilaqaqta na in boleq yuw na samanmo waqeq uluwiy. ¹⁸ ri ya on mataw God ago nantut agamukan buk kab hurita na bunmo awaz meqinta kazaq ne gibilenaiq. Mat araq anadibmo gamuk ta asor muturta nantut ka amalik emid teq buk ka ago daq meqmeqin diqta teq gwahtiqdaqta na bunmo God ginuweq mat naqmo amalib emid in aholib tugwahtiqdaqta. ¹⁹ Teq mat araq anadibmo God ago nantu ananin usaqta ka ago gamuk araq walemid God in mat na walemid innagah dimdimunta buk ka anan bilamta ka a hi waqdaq mat nazaqta na in ay anon neqim kuluwa-kuluwmo osayta na a hi neqeq in God ago uliq tawonta nab a ni osdaqtamo. ²⁰ Mat nagah teq gwahtiqdaqta ananin kawane gimen bilamta na in bilaqaq, helmo haqaq. ya hidmo ne gigo hib tilehdaiqta haqaq. Hel diqtaqmo . Iyahta Yesus ni bolmo bol. ²¹ Ari i gigo iyahta Yesus in God ago on mataw tawonta na bunmo agem dimunta neqsa in osiy. Nawaqmo.