¹ Ari angelo araq heaven hulosim gehitiqsa ya ahol way in yay abe milhasta na ago ambitan teq sen araq ayahta inaqmo abenab wazim ad hasim. ² Hitiqim in nagah ahulinaqta ayahta na tuwaz. Nagah ahulinaqta na kwaziqmo osta teq anan giger mat i gigilehunan bilaqaqta haqayta teq santa haqaytamo. Angelo na in nagah ahulinaqta na wazim sen-ib irquran in ulig 1,000 nazaqmo tuqos. ³ Teq angelo na satan irqurim in wazim yay a be milhasta nab hunegan woqan in adanin atoranmo ot, satan gwahtiqeq on mataw a ta hi kat negdaq haqad. Ari satan irqurid ossa ulig 1,000 na le tihiqiy bugid nab teq in adanin hasid in asanib gwahtiqeq kam asitmoqmo a ta luwdaq. ⁴ Ari ya marorgo ban tawonta kabemmo gibiy. Sa mataw kabemmo ban nagab ossa ya gibiymo. Ossa God in gibenab maror eman in mataw hazizrib gilum kemad osiy. Teq on mataw kabemmo Yesus anan helmo haqad abin iluwad taq in God ago gamuk waz naqmo hiqiyita na giwitan ya gibiymo. Mataw na gigo daq nazaqmo usan iyan in gigo bab baqiribmo ginat urot tayan maqiyta. teq in karuwkwasikta na atowun aibenab teq gimaqtoelab a hi waqadin karuw kwasikta na ago ahol adulan na inaq gimen lotu a hi emiytamo mataw na kayeq ta iyim osad in nagah bunmo giwamuzad osiy. ⁵ Ossa on mataw tumoqiyta asor na bunmo in kam nab kayeq a hi iyiyta. Haiq i ussa le uliq 1,000 na tihiqiyid teq in kayeq tiqiy daqayta. Ari mataw dimdimunta nawa kayeq iyita na ni mataw ni mataw danmeb hodhod hulosea eraq daqayta na gigo dauhibta. ⁶ Mat aw nog kam amebta nab kayeq iy daqayta na in God ago on mataw tawon doqta iyeq tidimniy haseq os daqayta. Moq gigerta na in on mataw na giwazid a hi Krais inaq gigo mataw tamaz emayta tiqiyeq tuqos daqay. Ad uliq 1,000 nazaq in Krais inaq king iyeq osad nagah bunmo tigiwamuz daqay. ⁷ Satan timeqniy has, ari abeb uliq 1,000 na tihiqiy buugid teq in satan adanin hasid in asanib bo fugwahtiqdaq. ⁸ In bo asanib tugwahtiqeq teq in on mataw og saw bunmo osayta na gikat negad tiluwdaq on mataw na ginan giger God haqayta teq magog haqaytamo satan in on mataw na kat negad gihureqsa in God ago on mataw nenaq bab emgo haqad bo humab tuwol daqay. Mataw humab wol daqayta na in kabemmo diq bilaqne kamisdekib ibur usaqta nazaq nog. ⁹ Teq ya on mataw na gibiysa on og saw bunmo hulosim bolim God ago uliq in anan anad bilaqaqta na lilut ugim turad in God ago. On mataw tawonta wiq nab osiyta na bunmo gimen tawan emiy. Teq haiq, heven-ib faq gehitiqim bab meqinta na bunmo ginoyworan tumaq bugiy. ¹⁰ Moq bugan teqin mat gikat nagta anan satan haqayta na wazim hunegan in fag ayahtab gig salfa oyad usaqta nab le tuwom. Fag na bmo karuw kwasikta ayow nantut katiyta na inaq osayta. Ossa in satan hunegan wolehim in ezeqman iyim nenaq fag nab tuqosiy. Mataw ezeqman na in tuteqmo zeqab taromab inaqmo santitiy waqad tuqos daqay. ¹¹ Ari king ago ban araq ayahta husta tursa ya ahol way. Ad mat ban tawonta nab ossa ya ahol waymo. In ban ban ossa og ayow kait inaq rabunim titikiy. tukim lehad teq in mataw gimab ulilem daqayta na abitan haiq iyiy. ¹² Sa on mataw tuwoqiyta bunmo gibin inaqta teq gibin haiqta inaqmo eraqim ban tawonta na ameb tursa ya gibiy. Gibiyad buk asor gihasan ussa ya ahol waymo. Ahol waqsa in buk ta araq has toniymo. Buk araq nab in on mataw os kayeqmo kuluwa-kuluwmo os daqayta na giholnan mar tanan. Ari buk ta asor iturimo gohasiyta nagah in on mataw biyahta na kayeqmo osad daq emiyta na giwagamun amulik-mulikmo gimar tonan usta. Na ahol waqad in giyon meqin bilaqsa in gigo daq ahunibmo amenin tuwaq yaqay. ¹³ Sa mataw kamismebwoqan kamis gineqan moqiyta na kamis gihulosan in hazizir ayahta nab tugwahtiq bugiy teq mataw tumoqiyta gigo uliq na nazaqmo in mataw nab osayta na bunmo gihulosan tugwahtiq bugiymo. Mataw moqiyta na bunmo gwahtiqim tursa mat king ago ban tawontab osta na in amulik-mulik gigo daq meqinta kwaziqmo in emiyta na tigilum kemay. ¹⁴ Teq daq na abeb in moq ayow mataw tumoqyta gigo uliq anan hades haqayta na inaq gihuneganie fag ayahta nab tuwoqiy. Faq ayahta yuw akuroran nogta na in anan moq gigerta haqayta. ¹⁵ Teq mat aw nog in giholnan buk mataw kayeqmo kuluwa-kuluwmo os daqayta nab a hi usid na in giwazeq gihunegid le faq ame ayahta nab tuwoq yaqaymo.