¹ Iau e Jems,a voravora e Deo turane Isu Kristo,a here lakea na tara ne Israel ri ravulu taku a polona i rua ri made na tabeke na malala lobo, a haba ni haro kamumu ne mua lobo. ² Hurika turagu,mu vivi vakaroro na tahuna mu vakorokoro turana ni mava. ³ Mu lohoka maea re virika ni toni nga biri ratea ni luhoi tora matou ge tora. ⁴ Mu pesi tora mu kalohoa ni mava,pali bara mu bele tora liu,lakea kimi go kapo vona tara naro ne Deo. ⁵ Pali tara matou ge ngaru a ni luhoi kamumu,ge nanea e Deo.E Deo biri habi a maki kupo vona lakea kimi ge tahatea tara bakovi i nanea. ⁶ Pali ra bakovi i nane Deo ge tahoka ni luhoi tora ge tora ge nahani tamudi rua na maki tara.A viri i tamudi rua ia i manga a dari i kule lakea a vilu i kule laea. ⁷ Ra bakovi ia ge nahani luhoi maea ge bolea tara maki ne Viri Dagi. ⁸ Ra bakovi ia i loho rua,ia kimi muri maia ra ngava i ratea. ⁹ E huriki a bakovi ni luhoi tora ri made manga bakovi i uka maki ria rigi vivi,na matane Deo ri tahoka a rane ria i dagi. ¹⁰ Pali a bakovi i tahoka maki ge vivi na tahuna e Deo ge rupurua a rana,na arana e viriki a maki vona biri lobo lakea ia biri mate manga vuana kukuni. ¹¹ A haro i kara madihi lakea i kere a kukuni i maparu puru a vuana,pali a bagetuanga ne ria i velu.Manga kunana a bakovi i tahoka maki bari mate i hataro a maka maki vona. ¹² E Deo biri vakabagetu a bakovi erei i pesi tora na ni toni.Na tahuna ia i pesi tora i pahadanua ni toni,ia biri bolea ni mahuri i tabuli vakaroro e Deo i gamai ni habi ne huriki erei ri ngarua. ¹³ Na tahuna a ni toni i bele na bakovi tara ge nahani ta maea,"e Deo i tonau,"a vuhuna e Deo kimi rata naro hale,pali ia kimi ge toni e huriki a bakovi ni rata naro hale. ¹⁴ Pali a ni ngaru hale na tamudina bakovi takutaku i toni tou,i lalu lakea tou i tami tou. ¹⁵ Na tahuna a ni ngaru hale na tamudina i bele dagi,i bele manga sin,na tahuna a sin i bele dagi,i vaka bele a ni mate. ¹⁶ Mu nahani longoa tara bakovi ge tami matou,mua a turagu kamumu. ¹⁷ E virika ni habi kamumu turana ni habi malamala i valai ne Deo.Ra ni habi iea i puru valai na tamana ni para.E Deo kimi ge mapulo manga hanuna maki i bele pali lalea i lobo. ¹⁸ E Deo i pasi teu ni habia ne teu a ni mahuri kamumu na tahuna te luhoi tora na ni ta muholi vona,mavonga bara te bele mange tuna a tabua ne virika maki lobo i rata. ¹⁹ Mu lohoka vona ra hini nga,mua maka turagu kamumu,huriki a bakovi lobo rigi longo kamumu a ngava,rigi nahani malaviriri ni ta,pali rigi nahani hate madihi malaviriri. ²⁰ Na arana a bakovi i hate madihi kimj ge rata maki malamala e Deo i ngarua ge rata. ²¹ Mavonga mu hataro e virika naro hale na sin.mu rupuru mua mu bolea ni ta ne Deo i rua na tamudine matou,pali biri kori matou. ²² Mu ramaia ni ta ne Deo mu nahani tahoka naro ni longo kunana ngava,pali mua mu longo kunana mu tami mule mua. ²³ I tara bakovi ge longo kunana ngava lakea kimi ge murimaia,ia i manga bakovi i matai mulea na tuku. ²⁴ Ra bakovi ia i matanono kamumua pali muri i vano i mata longkaborongi vona matana. ²⁵ Pali a bakovi i mata kamumu na lo i kiripiripi biri rata bakovi i bele malimali pali ia i rata mavonga kunana kimi longo kunana lakea kimi longkaborongia,e Deo biri gamaia na ara maki i rata. ²⁶ I tara bakovi ge luhoi maea ia a bakovi ni vasileki pali kimi matakari kamumua ngavana,ia i tami mulea a tamudina,a ni vasileki vona a maki tavula. ²⁷ A naro ni vasileki muholi na matane Deo Tata i maea, a naro ni kori e hurika ko ma i uka e tamana e kinana pali e huriki a ngatavine a rihine ria ri mate pali ri made na ni mava.Mu made kiripiripi na naro hale na malala.