¹ Maia kunana,nahea ni rata a naro kimi kamumu na dala i kupo ni tami e huriki a turamu.Nahea ni bele manga bakovi ni tatami nahea ni voko a turamu ranga nahea ni tatami na ngava kimi muholi. ² Manga e huriki a koma karaba i Vitolo na ni ruru,palupu kunana,ioe o vitolo na ngava ne Viri Dagi na dala ia ioe o kara ni vaka tora ni luhoi tora ne vomu ne Deo. ³ Ioe o tahoka ni luhoi muholi manga e Viri Dagi,ia bakovi ni rata kamumu hateka ne vomu. ⁴ Valai ne viri dagi e Isu,erei i manga kedo i tahoka ni mahuri lakea e huriki a bakovi a ngatavine ri mari koi vona pali re Viri Dagi e Deo i pasia ge manga kedo ia mahala hateka ne vona. ⁵ Pali matou moto manga kedo i tahoka ni mahuri,i ru kadolua e viri dagi na ni vaka bele a ruma na hanune teu pali rata ioe o bele manga prist i kiripiripi na ni habi ra ni habi i tamudi taku vona e viri dagi na ni vivi pololilo ne Isu Kristo. ⁶ A buk e Viri dagi i tahoka a ngava i maia,"masia,Saion iau a vaka pesi a tagana kedo,i pasia i dagi hateka mapanga,pali erei i luhoi tora vona,bari kama ge hataki a ni maruhu. ⁷ I manga ni mata kilaka e Deo i tabuli turamu ioe erei luhoi turea.Pali a kido i ratea a bakovi i rata ruma i rata vorokia,ra kido ia i bele manag a kido muga liu na tangana ruma. ⁸ " Ia i manga kido tara ni sibo vona ni boru.Re huriki ria ri boru ria ri loho taro a ngava ri ni pasi mavonga na ni retina leho. ⁹ Matou kunana e Deo i pasi,na ni bele kiripiripi na ni rata leho na ni muga vinara vona.Kunana.Matou a bakovi a ngatavine Deo muholi.Na ni takitalea e virika maki kamumu e Deo i rata.Ia i gale matou na naro na uvo ge valai pololilo na ni para karaba. ¹⁰ Muga liu,matou kama moto made manga a bakovi a ngatavine muholi,pali ngane moto made manga tara na bakovi angatavin ne Deo hosi kama moto tahoka ni dodo ne Viri dagi pali ngane matou moto tahoka ni dodo. ¹¹ Huriki a tara erei iau ngaru matou,iau a matai matou manga bakovi ngatavine na ranga mavonga moto hataroa ra ni ngaru na kakaine matou,i vaubi pololilo ne matou. ¹² Ioe o vaka siri a naro Malala na kurukurune huriki a bakovi a ngatavine.Kama ri lohoka ne Deo,bara ri rata pile ioe manga a bakovi ni rata sin.I mavonga ria bari matai a leho kamumu vomu lakea ri kavu rikea a rane Deo na tahuna e Kristo i hamule valai. ¹³ Na ni kavu rike a rana en Viri dagi e Isu,i muri mai a ngava ne huriki a bakovi a ngatavine erei tahoka pede ni muri mai a ngavane king,narana,e king i tahoka ni tora dagi. ¹⁴ Ia i pasia king,narana,Deo i rudu ria rigi nugu tata e huriki erei i rata naro hale lakea i ta kamumu ne erei i rata maki i malimali. I a ni ngaru e Deo ne vomu ni rata naro kamumu,ra hini o rata maia ioe baro habia a ngavane huriki a tara erei i putu purua ngavane Deo. ¹⁶ Made manga Viri uka maki ge madoko vona,nahea ni rata naro hali.Uka,made manga voravora ni Deo. ¹⁷ Vaka siri a naro kamumu ne huriki lobo mu ngaru e huriki ranga manga e turamu mu magege ne Deo mu kavu rikea rana kunana. ¹⁸ Matou a voravora,habi matou ne huriki ri muga matou moto polo tanu ne ria.Kama ne huriki a bakovi ge rata kamumu ne matou moto go polo tano ne tou.Moto rata naro ge palupu ne huriki lobo ne hurika tara erei i rata hale matou. ¹⁹ Pali i kamumu ne vomu na ni vivi na tahuna ioe o hateka ni madihi turana a maka ni toni i kupo gala turana ni mava na rana ioe o lohoka vona e Deo vomu. ²⁰ Pali arana mapa kamumu i dava bakovi erei i rata naro hale bari bole a ni madihi na rana ioe o rata kamumu,ri ioe bara o vivi na rana,Deo bari habia a rana i dagi ne vomu. ²¹ Ara vuhuna ni luhoi e Deo i pasi matou maia,matou ranga bara moto kapiloho na ni madihi.tahuna e Kristo i kalohoa a ni madihi i mate ne vomu ,ia i vakasiri a maki ne vomu boro muri maia lakea o ratea a naro i palupu manga ia i ratea. ²² Kristo kama i rata naro hale pali ia kimi i tami e virika bakovi. ²³ Na parava e huriki bakovi ri rata halea,ia kimi rata hale ria.Parava ria ri ngaru ni ra balakia,ia kimi ngaru ni kolia.ia i habi mulea ne erei a bakovi i lohoka ni luhoi kadoa. Deo ia kunana i kalohoa vuhuna na ni halenga ne teu na kakaina na parava ia i mate polo meli na kai tavalavala,teu nahani rata naro hale tege ramai a naro i malimali.Deo i longo mai matou vona ra maka halenga e Isu i bole na kakaina. Muhoi hateka moto manga a sipsip i velu,pali ngane moto hamule ne Isu,erei ia a mata kari kamumu na sipsip turana ni mahuri malaku ne matou.