¹ Yunda, ngamba ya Yesu kilisitu na muanetu Tiango, kuli vaze vekusana, vacilemo muli Njambi Tata, na kusueka Yesu kulisitu. ² Ngozi yeni na kuunda na cilemo cikale cilane mulenu. ³ Vacilemo, oku Ange njakele nakupanga viose kukusoneka halienu vuovoke vietu viahiana, Ange njasonekele kulienu nakulemesa enu ku yanda halu tsilielo luze luakutsiliela kamolika vose kuli vantu zia Njambi. ⁴ Muomu vantu vamosi vanavandela mukati kenu. Ava vantu vaze vava hakele cimueso ca cihiso. Vakevo vantu vakakusahula Njambi vakevo vanalumuna ngozi ya Njambi yetu muli vasukuluetu, kaha vaze vavianene Mukuluntu uetu umo lika na Muangana, Yesu kilisitu. ⁵ Vunoi Ange njazange kumuanukisa enu - cipue tuhu muasulu naku ntantekeya eci - nguenu Muangana uovuele vantu kufuma mucifuti ca Ingito, Vunoni kufuma haze eniekele vose vaze kava mutsilielelele. ⁶ Naua,vangelo vaze vahonene kulama vahela viavo via zindzili, vunoni uze asile kuingila cihela cacili - Njambi uavalamene vakeko mu malenge a miono, mulima, naha li tangua lia kusompa. ⁷ Kaha ngue Sondoma na Ngomola na zimbaka ziazinguluka vakeko kuvahia vavene havu pangala na kusinganieka muyati yose yavu samba vua vupangala. Vai niungile ngue cimueso cavaze vakuyanda kuzangamesa ca miono uahahia miaka. ⁸ Vunoni munjila imolika, evi vilota naua via pihisa mivila yavo.Va vianene zindzili, kaha vekuhandeka viuma via kusauntu hamo va vumpau. ⁹ Vunoni cipue Makaeli kangelo uakama, hatsimbu yakele nakuhamika na ndemone na kuzungila na ikeye ha muvila ua Mosesa, kacukililile nakuneha via kuzungilila kusompesa hali ikeye. Vunoni ua handekele ngueni, ''Muangana uange amitenukile enu!'' ¹⁰ Vunoni ava vantu vakuzunga viose viva kulinga vantantekeya via laza, vuakufua ngue tusitu vakuhona kuntantekeya, evi vikeko viuma vize viekuvenieka vakeko. ¹¹ Cikele kuli vakeko! muomu vananende mu munjila ya Kaini vana ntuntila kukusevuka ca Mbalame linga va nganiale.Kaha va nanonga mu Nkole ya kuviana. ¹² Ava vantu vikenia ku mavue acilemo ca vilika, Vilika via ntsoni yanu - tuniungi vaze vakulilisa vavene. Vali ngue masuelue akuhona mema akupekumuka na luhundzi; miti, ya ku lalumuka ngue kuntondue kayesi - na mihoko inatsi kavali, kuitukula. ¹³ Mankania mu cisali, vukalu vukuntuntula lifulu lia ntsoni; kukomoka zintangantanga, zi kuendangana milima vaifumisako kunahu. ¹⁴ Enoke, uamu citanu na vavali kufuma kuli Andama, uapolofetele hali vakeko nakuamba ngueni, '''Tala! Muangana anakuiza na makulukazi a ingi na makulukazi ava kaku lela. ¹⁵ Ana kuiza nakusompesa hali vose. Ana kuiza nakupayesa vose vakuhona kutsiliela, kaha navipangi viavo via mezi api ngue avekuhandeka vaka vupi vakakuhona kutsiliela uahandekele hali vakevo.'' ¹⁶ Ava vakeko vaka kunienieta, kulinienga, vekukavangeya cizango ca vandemone vavo, kuzumbangeya camakuli hali vakuovo. ¹⁷ Vunoni enu, vacilemo, anukenu mezi aze ahandekele munima kuli kapolofeto uetu Muangana Yesu Kilisitu. ¹⁸ Vahandekele kulienu nguavo, '' Mutsimbu yakukuminina kukakala vaka kumieseka vaze vakakavangeya cizango ca njambi yavo.'' ¹⁹ Vikeko evi vize viekuneha kahandu; vakele vamucifuti kaha kavakele na muzimu. ²⁰ Vunoni enu, vacilemo, likolesienu enu vavane mulu tsilielo luenu, kaha vundilenu mumuzimu uakulela. ²¹ Kalenu enu vavene mucilemo ca Njambi, kaha vandamenu ngozi ya Muangana uetu Yesu Kulisitu akaneha muono uahahia miaka yose. ²² Kalenu na ngozi kuli vaze vaka zimpata. Ovolenu vakuenu vahukulenu kufuma kutuhia. ²³ Kuli vakuavo kalenu na ngozi na vuoma. Zindenu amba mazilo avuzalo vua kumuvila. ²⁴ Kaha kuli uze akuhasa kuminiunga enu kufuma kuku nsuntsuka na kuneha enu kumana kameso a vumpau vieni mukati keni cakuhona mapenga kaha na ndzolela yakama, ²⁵ kuli Njambi kaha muovole kuhitila muli Yesu Kilisitu Muangana uetu, kuzumbangeya cikale cenu, vulemu, vusuana nandzili, kumeso tsimbu yose, vuavuno na miaka yose. Ame.