¹ Vuno kuli evi vituli na kuhandeka vikeko evi: Tuli na sasendote uakama uo natumama kulivoka lia cilio cituomo ca Vuamgana muilu. ² Akala ngamba mu cihela ca kulela, tembele ya vusunga ize ya Muangana, kati ya muntu, ikeye ua iktungile. ³ Muomu vose va sasendote vakama vava kundika ku kombeleya vuana vuvali na vikombelo. Ngoco ca pande kukala nacuma ca kukombeleya. ⁴ Vunoni ngue Kilisitu uakele hamavu, menga kakele sasendeto cahi, hakulinga kuli vaze veku kombeleya mavuana kueseka na lusimbi. Valamene vitambuluiso na vimbembesi via viuma via melu. ⁵ Mosesa ikeye kaha iva nanguile kuli Njambi ha tsimbu ya kutonda kutunga tembele: Njambi uahandekele ngueni,'' Tala vize panga viuma viose kuesekesesa numu munjakuleke ove kumuncinda.'' ⁶ Vunoni vavuno Kilisitu natambula vipangi via kupulakana, ngue naua omu muahiana cikuma kucivuasiona, liakala ha kuhiana cikuma. ⁷ Muomu ngue civuasiono ca katete kacakele na ha hakupayela, Menga kakuakele civuasiono camucili vali. ⁸ Muomu Njambi uauanene mulonga na vantu, uahandekele ngue, ''Tala, matangua anakuiza - mukeko muana handeka Muangana - hatsimbu Ange injika panga civuasiono caccihia mundzivo ya Isaleli na kundzivo ya Yunda. ⁹ Kacikakala ngue civuasiono ci njapangele nava kukuenu hali tangua lize Ange linjatelele vakeko nalivoko lia kuva tuamenema vakeko kufuma mu Ingito. Muomu kava zangamene na kukavangeya civuasiono, kaha Ange na kanjava talele vakeko - muana nahandende Muangana. ¹⁰ Eci cikeko civuasiono cize cinjikapanga nava kundzivo ya Isaleli kufuma mumutangua aze - mukeko muana handeka Muangana. Ange njikahaka zisimbi ziange mulienu, kaha Ange naua njikasoneka vakeko hamitima yavo. Ange njikakala Njambi yavo, kaha vakakala vantu ziange. ¹¹ Kakukakala kulongesa mukuavo muvatungila na muntu uose kuli muanaye, nakuamba ngueni, 'Ntantekeya Muangana,' Muomu vose vakanji ntantekeya ange, kufuma kutnsongo yavo na kuheta kukukama cavo. ¹² Muomu Ange njikakala na ngozi havupi via vipangi viavo, kaha vupi viavo kanjika vuvuluka naua cahi.'' ¹³ Hakusana eci civasiono ''cacihia,'''uahandekele hakatete civuasiono ca laza, kaha nevi vinezako via laza kaha lili kuhiehi nakuzimuka.