¹ Kaha, tuayenu tuseze kuvaleka ca mezi a kilisitu nakuya kulutue mukukola. kati tuliale ha kutangesa ca kualumuka kufuma kuvipangi via vatsi na kutsiliela muli Njambi, ² cipue kukutangesa ca mbatiza, kusaleka mavoko, a kusanguka ca vatsi, kaha na muono uahaya miaka. ³ Tukulinga naua omu vene ngue Njambi natutavesa. ⁴ Muomu kaci kuaseua kuli vaze vakele nakuivua, vaze vantompele vuana vua muilu, vuze vatambuile Muzimu Uakulele, ⁵ kaha vaze vantompele viuma via Njambi mezi na zindzili kumiaka ikeza, vunoni vaze vakahona - cikakaluua kuvakangula vakevo naua na kualumoka. ⁶ Eci muomuo vasukikile Muana Njambi vavene naua, kaha muvantu vavengi vamu vuisile ntsoni ikeye. ⁷ Muomu livu lize liakunua mema a kalunga aze ekunokelaho, kaha lieku sokesa vimbuto via viukila kuli vaze vaka vifuti vazatele - eci cikeko cifuti ceku tambuila vivezukiso kuli Njambi. ⁸ Vunoni ngue likusokesa zimbimbo navisoka via mungu, cikapihia kaha akasuena kuhiehi na cisingo. Kukumisa ceni akakala mukuuema. ⁹ Vunoni vatuhisa kuviuma via cili kutalesa haliove, cilemo, viuma viatalesa ha kuovoka, cipue tuhu ngoco tuekuhandeka muakufua ngue omo. ¹⁰ Vunoni Njambi akanuka. Kali kasuva vipangi vienu kaha kulema cimuasoluesele halizina lieni, muomuo muovuele vantu zieni, kaha mucili naku vovola vakeko. ¹¹ Netu tuazanga enu vose musoluese vipangi vienu nakuheta kuntsongo, mangana lutsilielo luenu lukale nazindzili. ¹² Eci mangana enu muhone vulenda, vunoni kavangeyenu vaze vali nalutsilielo na kuvandamena kusuana ca lisiko. ¹³ Muomu omu Njambi mualisikile kuli Avilahama, alisingile ivene, nomu muahonene uakulisinga uahiana uahi. ¹⁴ Uahandekele ngueni, ''Ange njikami kisuila enu nakumihia kaha nakumihia cikota.'' ¹⁵ Munjila nkana eyi, Avilahama akatambula via lisiko nomu munaunda muku vandamena. ¹⁶ Muomu vantu vekulisinga na muntu uze ava hambakana vakeko. Kuntsongo hamilambu yavo iva livua sianene kuzata ngue kuhulisa muacili. ¹⁷ Kaha Njambi uatondele kuva soluesa cukuma civuasiano cakuhona kualumuka cacili mukuzanga ceni, uali hakeleko eci naci tavasiano. ¹⁸ Ualingile eci mangana evi viuma vavali vikahone kualumuka - kaci kukula cacasi kuli Njambi kulionga - etu, uze itua tsiliela, akakala na zindzili ziakutukuasa nakumana na zindzili ku lutsilielo luatumine kulietu. ¹⁹ Cikeko tuli naco ngue ngundzi ya muono uetu, cikeco ca cili cakola vene cikakovela mucize ca kala munima ya ntanga, ²⁰ Omu Yesu , ou ua ile ntsimbu kanda etu. kaha uakele sasendote uakama ua ku miaka yose ya haya miaka ku Melekizendeke.