¹ Ngoco, hakulinga vatuzingilikele kuvunga lia kama liava vakaleho, tuayenu tuliale heka na kulema cose navu vueku tulemuuisa. Tuayenu tusimpe nakutunta neci civatuhakela kulutue yetu. ² Tuayenu to unde kuli Yesu, uakeleko na uakukola mulu tsilielo. Muomu ndzolela yavo hakele haliange, uayenguile na cilindakano, na kutumama kuli voko lia cilio cituamo ca Njambi. ³ Sikaho singanieka hali ikeye, ikeye uambatele cihela kufuma kuva kavupi hali ikeye, mangana muhone kukala vakulezumuka mu tima yenu na kueca. ⁴ Kanda muviana cipue kulua na vupi nakuheta hamaninga; ⁵ kaha muasuvu kukuasa cize civamilekele enu vuavuno: ''Muanange uayala, kati usinganieke muamupi kukulongesa ca Muangana, kati ulezumuke hatsimbu iuakele naku muolola ikeye. ⁶ Muomu Muangana uekulongesa vaze va lema, kaha uekuzangamesa vose vana vava mala vekutambula.'' ⁷ Muli nakuyanda ngue kulilongesa. Njambi uakupanga nenu ngue muvana veni. Muomu muana kuali ise keku mulongesa? ⁸ Vunoni ngue kaukukala nakulongesa, eci vantu vose civali pangelelele, kaha umuana uavupangala kaha kati umuaneni. ⁹ Kaha naua, tuakele nava tatetu vaze vakele nakutulongesa etu kaha tuakuvalemesa vakeko. vingahi vituatela kutuala kuli Ise ya vimbembesi kaha tuka yoyo ni! ¹⁰ Tata uatu longesele etu hatsimbu ya indende ngue omu muva singaniekele muacili. Vunoni Njambi uatulongesele etu kukuviuka cetu, mangana tuase kulipangela muvuviuke vueni. ¹¹ Kulongesa cose kacekutu zolesa hatsimu, vunoni cekutu vavalesa. Vunoni kutuala muze cekutuhula kuunda na muhako ya vuololoke kuli vaze vava longesa muli cikeko. ¹² Sikaho kolesenu mavoko enu akundzela na muvuli. ¹³ Sungamesenu zindzila zia vilioto vienu, mangana citondi kati citanguke vunoni cakuhona kukanguka. ¹⁴ Kavenu kuunda kuli vose, na kulela, muomu cakuhona eci kamukamona Muangana. ¹⁵ Zangamenu mangana muhone kuzimbalesa ngozi ya Njambi, kaha kakukala muzi usasu ukakola ukaneha vukalu, mangana vavengi vakahone kuvapihisa kuli ukeko. ¹⁶ Zangamenu kakukakala vupangala cipue muntu uakuhona muzimu ngue Esau, uze umo alandesele vukuluntu vieni. ¹⁷ Muomu muantantekaya nguenu kufuma haze, tsimbu itukuzanga kusuana civezikiso vatukanene, muomu kauanene lesesa lia kukonekela, amba tuhu ngoco uaci lengeleye namasozi. ¹⁸ Muomu enu kamuezile kumuncinda kuze kuvakuasa kukuata, uncinda uakuuema na tuhia, milima, kulema, na luhundzi. ¹⁹ Kamuezile kukundenda ca luneta, cipue kuli lize liekuhandeka mezi vaze vakakuivua valambelelele nguavo kati mezi akuavo ava handendekele kuli vakeko. ²⁰ Muomu kavahasele kukolesako kucize civasikile: '' ngue tuhu kusitu akukata hamuncinda, vate kumuasa mavue.'' ²¹ Sikaho vuoma vuakeleho ovu kutala Mosesa uahandekela ngueni, '' Ange njali izuzukila na ku zaza.'' ²² Vunoni, uneza kumuncinda ua Siono naku mbaka ya Njambi muka muono, Yelusalema ya muilu, na mukulukazi likumi avivunga via tungelo muku viukilila. ²³ Uneza kucikunguluilo ca muana ua vakatete, ou ivasonekesa muillu. Uneza kuli Njambi, ngandzi ua vose, nakuvi mbemesi via vuololoke vaze valingi muacili. ²⁴ Uneza kuli Yesu, lihoko ua civuasiono cacilha, kaha naku muania maninga kuhambakana aze ahandekele muacli kuhambakana maninga a Avele. ²⁵ Tata kaueku viana kuli uze anakuhandeka. muomu ngue kava tinine tsimbu ivakele naku viana kuli uze akele nakuvaleka vakeko hamavu, ni tukuovoka vati ngue tukutalesa nima kuli ou akutuleka via muilu. ²⁶ Hatsimbu imo, lizi lieni lia ndundumuisile mavu. Vunoni natusika naku handeka ngueni, ''tsimbu imo Ange njika ndundumuisa kati mavu kaha cahi, vunoni naua na lilu.'' ²⁷ Aua mezi, ''hatsimbu imo,'' kulumbununa kufumisa vize viuma vize vikuasa kundundumuisa, vikeko, haviuma viva panga, mangana viuma vize viukuhona kundundumuisa vikasale. ²⁸ Ngecize, kutambula muangana vuze vukuhana kundundumisa, tukalenu vacili mumangana akuzumbageya Njambi na kukomoka. ²⁹ Muomu Njambi yetu ikeye tuhia va kuenieka.