¹ Kaha kutsiliela cinapu cuma cakulavelela nakutava vize kanda tumona. ² Vunoni muomu yava vantsekulu vantantakeyele lutsilielo luavo. ³ Mulutsilielo tuantantekeya nguetu lilu a mavu vavi tangele mukusindiya ca Njambi mangana ngecize vize via kuhona kumona kava vipangele kufuma kuviuma vize via soloka. ⁴ Haku tsiliela Avele ua kombeleye Njambi cikombelo kuhambakana cize ca Kaina, kuhitila mukuzimula vokaleho vieni uakele muka vuololoke, kaha Njambi uahandekele hali ikeye muomu ya kukombeleya ceni , kaha mu kutsiliela Avele acili na kuhandeka, amba tuhu ngoco atsa laza. ⁵ Kakele kuhitila mukutsiliela Enoke vamu mbatele mangana akahone kumona kutsa. ''Kava muuanene, muomu Njambi amumbatele ikeye.'' Te kanda vamumbata muilu, vamuene vukaleho vueni nguavo ua santsulusuile Njambi. ⁶ Kaha cakuhona lutsilielo cikukala cacikalu kumu santsuluisa ikeye. Muomu cikukala cacili ngue uose akuiza kuli Njambi atela kutsiliela ngueni kukalako ceni kaha ikeye napu mukakuhia kuli vaze vakumu lengeya ikeye. ⁷ Cakele kuhitila mukutsiliela Noa, vamuhiele kunangula haviuma ntsa kanda amona, navuoma via Njambi uatungile vuato nakuohiela vaka ndzivo yeni. Mukulinga eci, ua hisile cifuti na kukala suana ua vuololoke vuze kueseka na lutsilielo. ⁸ Haku tsiliela Avilahama, tsimbu ivamusanene, ivuililie kaha uaile kucihela cize catelele kutambula ngue vusuana. Uahile, cakuhona kuntatekeya kuze kuakele na kuya. ⁹ Haku tsiliela cize ua yoyelele muci futi ngue kati ceni. Akele nakuyoyela mumbalaka na Isake na Yakomba, musepa zieni muci tavasiona. ¹⁰ Vunoni ikeye atalele halutue ya mbaka ya muono, mukaku itunga ikeye Njambi. ¹¹ haku tsiliela, amba tuhu ngoco sala ivene uakele ntsimpi, Avilahama ua tambuile ndzili kukala navana. Eci casolokele amba tuhu ngoco uakolele cikuma, kuesekesesa akele nakuli tandela ngue mukakutsiliela uze umo uahanene citavasiono. ¹² Kaha, kufuma hali ou - kaha akele mukatsilo - uasemukile kucikota ngue tuntangantanga vamu muilu na kulana cavo ngue musekeseke uakumukulo. ¹³ Cakele muku tsiliela vaze vose vatsile cakuhona kutambula citavasiona. Cakuhona, Hanima yakumona na kumeneka vakeko kufuma halako cikuma, vatavele nguavo vakele vangendzi va viendangona hano hamavu. ¹⁴ Vunoni vaze veku handeka viuma nkana vekuviolola nguavo vanakutonda limbo. ¹⁵ Ngue vakele vakele naku singanieke lifuti kufuma kuze kuvaile, menga vakele na lusesa lua kualumuka. ¹⁶ Vunoni ngue omu mucili, vazangele lifuti, lize lia, melu. Kaha Njambi kakele na tsoni ya kusana Njambi, kueseka naviukisa mbaka yavo. ¹⁷ Cakele kuhitila mukutsiliela cize avilahama, tsimbu ivamuesekele, akombeleyele Isake. Ikale umolika muana ua yala ikeye yakombeleyele, ikeye atambuile litavasiono. ¹⁸ Ikeye akele Avilahama kuli uze yakele nakuhandeka, ''kuhitila muli Isake uze enu cikota vaka miluka mazina.'' ¹⁹ Avilahama uasinganiekele ngueni Njambi nahase kukatula Isake kufuma mukutsa, kaha nakuhandeka, ca fumine kuli vakeko nguevo uamutambuile. ²⁰ Cakele naua kuhitila haviuma vikeza vezi Isake uavezikisile Yakomba na Esau. ²¹ Cakele kuhila mulutsilielo luze Yakomba, ha tsimbu yakela mukatsilo, kuvezi hali vose vana va Yosefe. ²² Hakuhitila mulu tsiliela luze Yosefe, tsimbu yakukumisa yakele kuhiehi, uahandekele kuli muania cavana va Isaleli kufuma mu Ingito kaha nakuvaleka vakeko ha vitsiha vieni. ²³ Haku tsiliela cize Mosesa, tsimbu ya semukile, vamu suekele muzingonde zitatu kuli visemi zieni muomu vamuene uakele muana uacili. kavakele navuoma via kukuhandeka ca muangana. ²⁴ Cakele kuhitila mulutsilielo Mosesa, muakolele, akanene kumusana muana Falao ua mpuevo. ²⁵ Uasakuile kukala uakuyandesa lika kuvantu va Njambi kuhambakana kuviukilila na viuma via vupi via tsimbu yai ndende. ²⁶ Ua singaniekele ngueni ngue akuyandela Yesu kilisitu, cikulema kuhambakana vumpiti vuamu Ingito Muomu atalele meso eni hali muono uahahia miaka. ²⁷ Haku tsiliela luze Mosesa uasile Ingito. kakele na vuoma via kutenuka ca muangana, muomu ualikolesele ngue vamu muene uze umo uakuhano kumona. ²⁸ Ha kutsiliela cize asuekele pasovala na kusampuila maninga, mangana hakuenieke vantuantua vakahone kukuata vana vava mala vavantuantua. ²⁹ Ha kutsiliela cize vahitile ha Cisali caku Tila ngue ha ntunda. Tsimbu va Ingito vesekele kulinga evi, vazimininine. ³⁰ Ha kutsiliela cize mbango ya Yeliko ya puzukile, hanima ya ku i zingilika matagua atanu nava vali. ³¹ Ha kutsiliela cize Lahave lihule katsile navaze vahonene kuivuilila, muomu uatumbuile vundondzi na ciyulo. ³² Vika via vingi vinjikuhandeka? Muomu tsimbu njikahona Ange kuambulula via Ngilione, Mbalake, Samusoni, Yefeta, Ndaviti, Samuele na via kapolofeto. ³³ Kuhitila mulutsilielo va pokuesele ma viangana, vapangele vuviuke, na kutambula matavasiona. Vakanene tunua tuavandumba, ³⁴ vazimine ndzili ya tuhia, vovokele kuvutuesi via mukuale, vakangukile kumisongo, yezile nazindzili mu vukalu, kaha vahonouesele musualale vava ngendzi. ³⁵ Va mpuevo vatambuile vatsi vavo muku sanguka.vakuavo vava vetele, vahone kutava kufumisa, mangana hamosi vakakale na cisangukilo ca kuhiana. ³⁶ Vakuavo va vesekele kuyandangela na kulila, kaha na mumalenge na tumenga. ³⁷ Vava sele mavue. vava tavuile na ziselalo. Vava tsihile na mukuale. Vaile mu navilambu via mikoko na vilambu via va mpembe. vayandele,na vuhutu, kayando. ³⁸ Cifuti kaca lemene hali vakeko. Vakele vakuli komokela tsimbu yose mu zindinda na mincinda, namu miandzi namu vina mu mavu. ³⁹ Amba tuhu viose evi vantu vasinganiekele Njambi muomu ya lutsilelo luavo. kavatambuile litavasiona. ⁴⁰ Njambi uasinganekele viuma vimo viacili halietu, mangana cakuhona etu, manga tsa kavakele vakukola.