¹ Muomu mezi alusimbi aliko nacimbembesi caviuma via cili vize vikeza, kati viuma vene vize viavusung vize viuma vivene. vaze vekusuana kuhiehi na Njambi kavakahona kupanga cipangi cacili kuhitila mukukombeleya ca va sasendote kutualelelaho nakuneha ha muaka ha muaka, ² Ngecize vene, vize vikombeleyo kavikahasa kuvavukisa cakuhona cikombelo? muomu vaze vakakulemesa vatela kukala vakakuliviukisa hatsimbu imo nakumona nguavo kavesi navize visinganieka via vupi. ³ Vunoni kumutula kuli kuanukisa ca vupi muaka ha muaka. ⁴ Muomu kacikuasa maninga ngombe nava mpembe kavakuasa kufumisa vupi. ⁵ Ngoco Yesu uezile hano hacifuti cahamavu, uahandekele ngueni, ''Mutula navi kombelo vimuahonen kutsila, vunoni muvila umua njiviukisila ange; ⁶ Navikombelo via kutsimika nevi via vupi kavia kulemene. ⁷ Kaha njahandekele nguange, 'Talenu, Yange umo - ngue omu muvasoneka muvanjisoneka hamukanda ualusimbi - nakulinga, cizango cove.''' ⁸ Cakatete uahandekele ngueni, '' cipue mutula, cipue cikombelo, cipuecikombelo cakutsimika, cipue vupi vuakutsimika vimuatsila. vimuahonene kulema. ''Eyi mitula ikeko ivakombeleleye kueseka na lusimbi. ⁹ Kaha uahandekele naua ngueni, ''Tala, yange uno njinakulinga cizango cove.'' kaha ufumise cize cikombelo, nakulinga ngoco linga utsimike cize camucivali. ¹⁰ Kaha cizango cize vene, etunalele ha kukombeleya muvila ua Yesu kilisitu lumo kutsimbu yoseisa vupi. ¹¹ .Hatangua ngue hatangua sasendote va mene nakupanga, na kukombeleya zisimbi zia zingi - Cikombelo cize kacikuhasa kufumisa vpi. ¹² Vunoni ikeye Yesu uakombelele cikombelo cimo lika camutula uavupi, uatumama kulivoko liacilio lia Njambi. ¹³ Ikeye vene ali nakuvandamena vitozi vene avaliate na viliato vieni. ¹⁴ Muomu na cikombelo cimolika cakuputuka naku miaka kuli vaze vaiukisisa. ¹⁵ Ksha muzimu uakulela na ikeye naua uali zimbuile vukaleho kuli etu. hakatete uambele ngeni, ¹⁶ ''Eci cikeko civuasiano cize cinjikalinga navo kufuma hamatangua aze, ngueni muangna. Njikahaka mezi a lusimbi mukati kamitima yavo, kaha njika soneka mezi aua havisinganieka viavo.'' ¹⁷ Kaha ngueni, ''Kaha zisili ziavo navi navipangi viavo via vipi kanjikavianuka.'' ¹⁸ Vuno kze kuli kukonekela viuma evi, kaha kakuesi naua cikombeleya va vupi.'' ¹⁹ Ngoco vene, vamuanetu, omu tunakusimpa linga tukakevele muze muakulelela ha maninga a Yesu. ²⁰ Munjila ize ikeye uatumininine ikeye njila ya iha yamuono yakupulasana ntanga, yize, ukeko muvila vueni. ²¹ Muomu tuli na sasendote uakama mundzivo ya Njambi. ²² Tusuenenu namitima yavusunga mukusula naku tsiliela, namitima yetu vana yisampuila kufuma kuvisinganieka via vandemona muomu mivila yetu vai kusu laza na mema acili. ²³ Tukakatelenu kulilavelela cakulilavelela cetu kutina kulinienga, muomu uze uatusikile ikeye muka kucilinga. ²⁴ Tulisuenenu hamo navakuetu linga tusangumune cilemo vavi pangi via cili. ²⁵ Kati tuece kunguluka hamo, ngue muvekulinga vamo. cakuhona, kulikolesa umo namukuavo, nakuhianamo ngue mumukumona litangua linakuiza kuhiehi. ²⁶ Muomu ngue tukulingila hano kaha vupi okuni tuatambula nama avusunga, mutula ua vupi kaukasalaho. ²⁷ Vunoni, kuasala kuvandamena navuoma vuakuhisa vitozi zia Njambi. ²⁸ Muntu uze akukana lusimbi lua Mosesa natsi cakuhona ngozi havukaleho vuavavali cipue vatatu vakalaho. ²⁹ Enu mua singanieka vati cihiso cakupulakana cikuma uze naliatangela muana Njambi, kaha natambula maninga aze a civuasiano ngue cakuhona kulela - ngue maninga aze avukisile nakufuka muzimu uacikeketima? ³⁰ Muomu tuamuntantekeya uze nahandeka ngueni, ''Milingu yapandama kuliange; njikafueta, ''Kaha ceka, ''Muangana akusompesa vantu zieni.'' ³¹ Cikeko cuma cakuzuzukile cikuma kuma calahukile mumavoko a Njambi! ³² Vunoni anukenu matangua alaza, muze muua mituililile mutana, muayandele na ndzita yakama cikuma yatuyando. ³³ Muakele hamavu kuvavengi nakumisula hakumituka nakumiyandesa, kaha muakele muakele nakuliavele navaze vahitile mutuyando. ³⁴ Muomu muatelelele vaze vakele mucindzinda, mua zolelele omu muvamitambuile vitenga vienu. omu muantantekeyele ngecize muli navufuku vienu namuono uahaya miaka. ^{35 37} Ngoco vene kati mumbile lutsilielo, cenu cikeco mukatambuila vufuko vuakama cikuma. ³⁶ Muomu lukakatela lua mipande linga mulinge cizango ca Njambi, muomu mukatambule lusiko. ³⁸ ''Muomu kualitulu katsimbu kakandende, kaha uze ali nakuiza cili vene anakuiza. Vakavuololoke vange vakayoya nalutsilielo. ngue akahiluka hanima, muono uange kauviukisile na ikeye,'' ³⁹ Vunoni etu kati tuvaze vakuhona kutsiliela vakaya kukunonga, vunoni tuli vamo vaze vakutsiliela kaha nakulama miono yavo.