¹ Tupã, ihẽ ruwanhã ta ke heta te'e oho ixo! pe heta ngã pu'ã parahyk ehe. ² Heta amõ ta pandu ihẽ pyhuha namõ: Tupã ke rehe pyhu ym rahã mupyrata ym ta.'' ³ Tupã nde, nde jõ riki upa itapirer ke ihẽ kupe'a rupi remu'ĩ ta. ihẽ ma'e katu te hũ ame'ẽ ke nde, aja ihẽ akã ke mupu'ã katu. ⁴ Tupã ihẽ je'ẽha ke emupu'a, aja a'e ihẽ pe pandu'y ywy'ã ar pe. ⁵ Ihẽ aninõ pe aker tĩ; ihẽ apak, rahã Tupã ihẽ ke wyhu katu. ⁶ Pe kyje ym hetaha ta ngi, upa ihẽ rake pu'ã ame'ẽ ta ihẽ rehe parahy ihẽ kupe'ar rupi aja tĩ. ⁷ Tupã, nde jõ katu ihẽ ke remupu'ã ha! remuhẽ ta tĩ, aja ta ky nde atu remukatu ta ky upa hajy ke remupẽ ta ihẽ ruwajã ta ke, nde atu upa parahy wa ta ra'i ke remupẽ ta. ⁸ Aja Tupã ngi katuha uwyr, nde koty har ta katu ta ngã ixoha'y nde kotyha ta ke.