¹ Ni sa tavari mai o Jisu, a sa dania a lia na tagwane a sucu matacika. ² A ru sa qei cacani koya na lea Tisaiveli" Vavuvuli, o ei re i valavala ca, na tagwane kwe se o tamaya se o mnaya, ni mai sucu matacika ka o koya? ³ Sa kwaya o Jisu," E i tam valavala ca o koya kwe, se o Tamaya qa mnaya, io me lei vatakei boto ka na cakacaka ni Kalou i na lea cola. ⁴ Ei dodonu me teva tara na vovoliu lei koya a vatalati au mai ni si cce. Sa valeke mai na bogi i na lala lia na tamata e i tara rewa ka ei lia na kwa. ⁵ "Ni qu sa no vali i vuravura, qi sa tia vuni cece i vuravura" ⁶ Ni sa kwaya rewa o Jisu na vikwa coko kwe, sa katasivitia na qwele a sa wakia vata na qwele qa na wale qa borotia ka e mata. ⁷ A sa kwaya i vua" Lai verau i na moto i Sailoama [Sa kea i balebale"vatala"] A sa qei laka yati i verau ci koya, qa lesu mai a sa tola i e mata. ⁸ A re sa qei vikwayayaki nia o kora na luwe ni koro qai kora na dani koya ni sa dau cacau qa re kwaya" Tam ni kwa kwe ko a dau gatule qa cacau?" ⁹ Sewa a re kwaya " Io o koya" a sewa a re kwaya "E i lala, i sa wetai du ti o koya." "A sa qei kwaya o au boto" ¹⁰ A re sa qei kwaya i vua," O tola rewa vakayava? ¹¹ Sa vecei kora" Na tamata ko e yaca o Jisu a ulia na dada qu mata, qa vecei au, Laka ki Sailoama qo verau, qu sa qei laka qa qu sa verau ,oti qu sa tola rewa. ¹² A re sa qei kwaya i vua ," I vei o koya?" Sa qei veceikora"Qi tam kilatia" ¹³ A re sa qei meya mai na tamata a matacika i vuara na Farisi . ¹⁴ A tia siga no ni vakacecegu ko sa wakia ka na qwele o Jisu qa dolavia ka e mata. ¹⁵ A re sa qei cacani koya leqwa na Farisi, o tola rewa vakayava. A sa qei kwaya i vuara " A borotia i qu mata na dada qu qei lei verau ia kwe qu qa sa tola rewa". ^{16 17 18} A re sewa na Farisi a re kwaya" Na tamata kwe a tam laka mai vua na Kalou baletia ni tam maroroitia na siga ni vacecegu" A sewa a re kwaya" I na rewa vaka yava vua e ilia na tamata i valavala cakaca me tara na cakacaka mana," A sa tase a lia na vidre ni numia. A re sa maci tarogia leqwa na tamata matacika " Na yava i na kwaya baleti koya i na lea sa dolavia mmata?" sa kwaya na tamata matacika, " O koya e i lia na Varovita"Ko kwe e re si tam vadunia ga mo na vikwa baletia ni a matacika qa qei tola me yacovia me lei comai o koru na Tamaya qa o Mnaya o koya a sa tola leqwa. ^{19 20 21} A re sa qei cacaniru na lea Vava qa le Nene"O luvei rumem ko kwe, o koya o ru kwaya a sucu matacika? A tara vakayavani sa tola? A ru sa qei kwaya na lea tuqwaqwa,"I ri kilatia ni o koya o luvei rukemam qa sucu matacika! " A tola rewa vakayava, iri tam kilatia, o ei a dolavia e mata, iri tam kilatia, cacania o koya sa tamata cola. I rewa ni kwaya a na kwa balia. ²² A ru sa kwaya na lea tuqwaqwa na vikwa kwe baletia ni ru sa matakuci kora na Jiu. A re sa liavata na Jiu ni maga ei lia ei tusanakinia ni sa Karisito, i na cabo dei mai were ni lotu. ²³ Me baletia na kwa kwe a ru sa kwaya o Tamaya qa o mnaya," O koya s tamata cola, ba cacani koya. ²⁴ Sa lei co leqwa i nei karua ni gauna na tamata matacika qa ere sa kwaya i vua vakarokorokotakinia na Kalou i ba kilatia na tamata kwe e i tamata i valavala cakaca. ²⁵ Sa qei vecei koya na tamata kwe" Qi tam kilatia i Tamata i valavala cakaca se i lala, ei lia ga na kwa qi kilatia ni qu matacika tu ia qi sa tola rewa. ²⁶ Qa re sa qei kwaya i vua," Na yava a tara i va iko? A dolavia vakayava mmata? ²⁷ Sa kwaya i vuara"Qu sa kwaya rewa i va vatikem qo ba tam varogo, Na yavamo ba mata rogo leqwaka? O ba tam kilatia mo ba lea Tisaiveli muni, sei kuya o vatikem? ^{28 29} A re sa qei varivarivaci koya qa re kwaya" O iko e lea Tisaiveli, o vatikemam i ba lei Mosese. Mam kilatia ni tata i va Mosese na Kalou, ia mam tam kilatia re na vanua a laka mai ka o kwa kwe. ^{30 31} A sa kwaya i vuara na tamata kwe, sa qei lia na kwa teni lia kwe ni oba tam kilatiase i vei a laka mai ka. Ia sa dolavia rewa qu mata. Mam kilatia ni Kalou i na tam varogoci kora na Tamata i valavala cakaca, Ia maga ei lia sa lotu qa tara na lea lewa, sa na varogoci koya na Kalou. ^{32 33 34} I si tam bau rogo vakalia mai na tautaula me lia a basukia e mata na sucu matacika. Maga ei sa tamlaka mai vua na Kalou, ei na tam tara rewa i lia na kwa. A re sa qei kwaya i vua o iko o cedre qaya du mai n valavla cs qo qei mai vaulici kemam no, A re sa qei viritakinia dei mai i tevai. ^{35 36 37 38} A sa rogo o Jisu ni ra sa vakatalatia dei mai i were ni lotu a sa qei dani koya qa kwaya i vua "E vakabautia na luve ni tamata". A sa kwaya o ei re o koya Momolevu , me qu na qei vakabauti koya?" Sa qei kwaya i vua o Jisu." O sa tolavi koya saraga o ru sa vitatani qa no". Sa kwaya i vua,"Momolevu qi sa vabautia " a sa rokovi koya. ^{39 40 41} Sa kwaya o Jisu, qi laka taki mai i vuravura mequ mai lewa me rewai vuara na tam tola me re tola qa o kora na tola me re matacika. A sewa i vuara na Farisi a re nodoki no muni a re rogo na kwa kwe qa ra tarogi koya, "Mum sa cika muni?" Sa qei kwaya i vuara o Jisu" Maga e cika, i na lala na vatilem i valavala ca, Ia ko kwe o ba sa kwaya i ba tola so kwe ei tau no na vatilem i valavalaca"