¹ Mufilifili no kulihanda eyo ili mukaci kenu ya tunda kupi? kaitndile kukuhima kuya kulwisha mukaci ko ilama yenu? ² Mwa hima, ne kamulineshi mweya. Mwa pa no shipululu, kalo kamutwesha kuwana. Mwala no kuli anjipela . Ka mwa kuwana mukonda kamulombile. ³ Mwalomba kalo kamu tambula mukonda kamulombile shiwa, mukufota ci mukwame koi munahimi. ⁴ Amwe akwa luthzio! Muna limuka ci kuli mbusheka nei yo kaye po kulwisha Nyambi? Ne yomuhe fota ci akale umbusha okano kaye alikwama aye shenda shitothzi kwa Nyambi. ⁵ Nji mwaanekela ci lin'olo lya amba yo kwithsa, "Ci mupepo ou analeta kukwenu wa lifupa?" ⁶ Unone Nyambi apa shihemo, lin'olo lya amba ci, "Nyambi akanena ao aliyuvishisha, uno apa shihemo kwao alihusha pashi." ⁷ Nehoni mulipake kwa Nyambi Mukanene Diyavulosi, ne kenge amishiya. ⁸ Mukeye popepi kwa Nyambi, naye kenge akeya pepi nenu. Mukenishe mako enu, amwe akwa shivi, no kukenisha micima thzenu, amwe muli no maayalo oangi. ⁹ Mulishoshomwe, mulile, no kuteta! Tuheko twenu tu piluke uwa kalo kunyanyuka kwenu kupiluke kulila,. ¹⁰ Mulipake pashi pameho aFumu, ne kenge ami kulisha. ¹¹ Lelo mwa amba kuli alukela munu na mwenjenji, apange. Munu oyu amba kualukela mwapenji shaanga kuatula mwa penji a amba kualukela mulao no kuatula mulao. Kumona wa atula mulao, kali omukwami o mulao, unone omuatuli. ¹² Yofoci pohuma muka mulao no kuatula. Yoliyo twesha kuyoisha no kwipisha. Yowe elye atula mwa poe? ¹³ Honi mutelele, amwe mu amba, "Lelo inji peunja kenge tuthza mumbongi, kukamana mo mwaka, kuulisha, no kukwama sho peulu." ¹⁴ Elye limuka ei ikwamahala peunja, no kulimuka moyo woe? Mukonda mwa pitula ci mbundwi thziya thzimonahala mushikati sho shionye kalo no kuthza. ¹⁵ Unone, mwaloela, "Kumona Fumu ahima, ne kenge tuyoya no kukwama eshi inji shiya." ¹⁶ Unone honi mwa liyuvishisha no maayalo enu otumbako. Kuliyuvishisha ko kengeyo po kumango. ¹⁷ Nehone yomuhe limuka kukwama uwa uno kau kwama, ku kwenji po shivi.