¹ Mukuthokoka Kilisitu na tupilisitu ba kuthokoka. Imanena kukoletha, cho oni, cho kethi lalo mukale mutumametho ya bundungo. ² Kengeni, yange, Paulu, njendeka kuli yeni ngechi ngwange oshe mulyechela yeni ba benya ku tuka, Kilisitu ka mikwatha mungila ili yoshe. ³ Yange njili na kwambulula bushunga lalo ku munu woshe ou a lyechelela ibenya kutuhuka ngechi ngwange mashiko oshe a mutunu. ⁴ Muna litungithako kuli Kilisitu, yeni mu kononokela mashiko; ku mu kawana ngothzi. ⁵ Mwafwa kwitila mu Sipilitu, na ku kulahela, yetu tuna bwahelela manene muku bandamena chinyangabili cha ku kupuka mwoshe. ⁶ Muli Yesu Kilisitu tu huka mabe ku wa tuhukile ku cha lemene, oloni ku kulahela lika chipanga kwitila mu chithzemo. ⁷ Munashatukile bwino. Iya jo na myonowetha mujeneke kwononokela bushunga? ⁸ Echi kumithindiya kuchethina kutunda kuli ou mukakumithana! ⁹ Muthima wa undondo uka lingitha mukasha woshe wa chishingo kufutunuka. ¹⁰ Nja kulahela muli Shukulu ngwange kumu ka thinganyeka byeka bya ku lithethza. Ou umo ali na kumiyandetha yeni a kayanda kayando ka kumu batwila mulonga, nambe apwe iya. ¹¹ Bandolome, oshe nji chili na kwendeka bya kutuhuka, bakajo ba chilina kunji yandethela? Hamulonga wechi chimbundi cha kutanukako cha chilindakano ba chi tunditha. ¹² Cho mwabaje bali na kumitanganetha, njili na kuthinganyeka ngwe ba litangule babenya! ¹³ Omu yeni ba mi thanenene ku kuthokoka, bandolome. Oloni kuthokoka cheni mu chipangethe kupwa ngila ya ku mibila; oloni, likwatheni umo na mukwabo kwitila mu chithzemo. ¹⁴ Mwafwa mashiko oshe ba ashulitha mu lijwi limo: "Watela kuthzema mukweni nge omu wa lithzema yobe babenya." ¹⁵ Oloni oshe muli Shumanga na ku libulumuna umo na mukwabo thzangameni mangana mweneke ku linyongetha umo na mukwabo. ¹⁶ Oloni njendeka ngwange, endeni mu Sipilitu cho kumu kashulitha bithinganyeka by a mubila. ¹⁷ Mwafwa biwashaka mubila bika lwitha Sipilitu, cho bya shaka Sipilitu bika litha mubila. Mwafwa ebi byakala mu kulilwitha chimo na chikwabo, mangana mwonowe kulinga byuma bi mushaka. ¹⁸ Oloni nge Sipilitu imi twamenena, kumwethi mwithi ya mashiko. ¹⁹ Hano bipangi bya mubila bya limwetha: bupangala, mathzilo, bubi, ²⁰ kulemetha tumponya, kutaha, kulithzinda, bimata, lifuwa, matoto, kulyametha, mungungu, kahandu, ²¹ Chipululu, Kupenda, bilika bya ma bwala, na byuma bya chifwa echi. Nji mithinika, ngechi mu nja mithinikile ha kulibanga, ngechi boshe baka kulinga ebi ku baka swana bumwene bwa Njambi. ²² Oloni bushuka bwa Sipilitu bwafwa chithzemo, kubwahelela, kuhunda, kuthimpa chishemo, bubwa, lukulahelo, ²³ kujeneka njangu njangu, na kuli thzilika; kulwitha byuma bya chifwa echi ku mwethi lishiko. ²⁴ Boshe aba bakundama kuli Kilisitu Yesu bana shukika mubila hamo na bilinga na bithinganyeka byao. ²⁵ Oshe nge tuyoya mu Sipilitu, tuyeni lalo twendele mu Sipilitu. ²⁶ Tuyeni tweneke kupwa baka kulyametha, ku lishangumuka umo na mukwabo, kuthzila chipululu umo na mukwabo.