¹ Hanima yebi byuma Paulu wa tundile ku Athnisi cho waile ku Kolinde. ² Akuje wali wanene naka Yunda wathzina lya Akwila, wa ku Pontasi, ou wethzile ololo kutunda ku itali na mwebwendi Pulisila, mwafwa kilaundasi wa shikile ba yunda boshe kutunda mu Loma. Paulu waile kuli bakebo, ³ cho mwafwa wakele na kulinga bipangi bino, wa kele nabo na kupanga, omu bipangi byabo bya pwile ku panga matenti. ⁴ Cho Paulu wa kel ha kulumbununa mu sinangonge ha sabata na sabata, kwetheka ku thindiya boshe ba Yunda na ba Ngiliki. ⁵ Cho omu Sailasi na Timoteo bethzile kutunda ku Makendeniya, Paulu wa lyanene ku lijwi, na bukahelo kuba Yunda nge Yesu wa kele Kilisitu. ⁶ Oloni omu ba Yunda ba kananganene na ku mutuka, Paulu wa totomwene buthzalobwendi na kwendeka kuli bakebo ngwendi, "Maninga eni akale ha mitwe yeni ba benya; yange nja jele. Kutunda hamo na kulutwe nji kaya ku ba njentile." ⁷ Watundileko kuje na kuya ku njubo ya Taitasi Njusitasi, munalume wa lemethele Njambi. Njubo yendi ya lyatele na sinangange. ⁸ Kilisipasi, ntwama wa sinangonge, wa kaluhelele muli Shukulu, hamo na nanga yendi yoshe; na bwingi bwa ba ka kolithiani obo ba bithzibile batabele cho ba bambwitikile. ⁹ Shukulu wendekele kuli Paulu na buthsiki muchimona, "Kethi uthzibe lyobe, oloni endeka cho kethi wokole. ¹⁰ Mwafwa njili nobe, cho kukwethi etheka ku kubulumuna, mwafwa njili na banu ba bengi amuno munganda." ¹¹ Paulu wa kele kuje mwaka na bingonde bitatu na imo, kulongetha lijwi lya Njambi mukati kabo. ¹² Oloni omu Ngalyo wa pwile ngubulu wa Akaiya, cho ba Yunda mubumo ba tengulukile Paulu na ku mutwala kumbanja ya kusompela; ¹³ bendekele, ngwabo, "Ou munalume ali na kuthindiya banu kulemetha Njmabi kujeneka ku kabangeya lishiko." ¹⁴ Oloni omu Paulu wa Shakele kwendeka, Ngaliyo wendekele ku ba Yunda, "Eni ba Yunda, ngwe chili ina pwile ñanda ya kubitha nambe bubi bwa kuthsiya, china telamo yange kwendeka neni. ¹⁵ Oloni hathimbu ebi ha kupwa bihula bya majwi na mathzina na lishiko lyeni, bimanethene yeni babenya. Kunjatha kupwa lyako wa byuma ebi." ¹⁶ Ngalilyo wa ba lekele kutunda mu mbanja yakusompela. ¹⁷ Cho boshe ba kwatele Sosithenesi, mukulunu wa sinangonge, na kumupupila ha lutwe lwa mbanja. Oloni ngalilyo wa tundithileko mangana kuli biba lingile. ¹⁸ Paulu, ha nina ya ku kala kuje matangwa a mengi, wa thethzela ba ndolome cho wa jabukile kuya ku Siliya na Pulisila na Akwila. Cho kanda laja a chitunde muchabu, cha senkileya, wa tewile biñambu byendi mwafwa wa ku lithinga cha lingile. ¹⁹ Omu bethzile ku Efesasi, Paulu wa thethzele Pulisila na Akwile kuje, oloni ikeye ibenya waile mu sinangonge na kuthimutwila na ba Yunda. ²⁰ Omu Paulu muba mulombele ngwabo a chitumameko nabo thimbu ya kama, wa byanene. ²¹ Oloni ha kutunda chendi kuli bakebo, wendekele ngwendi, "Oshe Njambi aka chitabetha njikeluka lalo kuli yeni." Wa katukile na kujabuka kutunda ku Efesasi. ²² Omu Paulu wetele ku Kaesaleya, wa kandukile na kukameneka chikungwilwilo ku Yelusalema cho lalo wa shelumukile ku Antiyoke. ²³ Hanima ya ku kalako kathimbu kuje, Paulu wa katukile na kwitila ku mutambela wa Ngalatiya na Fulingiya cho wa ba kolethele ba ndongethi boshe. ²⁴ Cho ka Yunda umo wa lithzina lya Apolosi, wa themukilile ku Alekizandiya wethzile ku Efesesa. Wa pwile wa kwendeka mwa mubwa cho wa mana aku lumbununa bithoneka. ²⁵ Apolosi ba munangwile mu bilongetha bya Shukulu. Ha kupwa wa ku kanyama musipilita, wendekele naku longetha muje mwa ku thungama bije byuma boshe bya pandamene kuli Yesu, oloni wa thzibukile lika ku mbwitika cha Yowano. ²⁶ Apolosi wa shangukile kwendeka kwa kuthzeneka lyoba mu sinangonge. Oloni omwo Pulisila na Akwila ba muthzibile, ba mutwalele kwa abolika na ku munangula mwaichili manene ngila ya Njambi. ²⁷ Omu wa shakele kwita mu Akaya, ba ndolome ba mu thzamekethele na kuthonekela bandongethi ba ku Akaya ku mutambula. Omu mwetele, wa kwathele manene baje ba kulahelele omu ngothzi. ²⁸ Apolosi na binthili wa byanene ba Yunda mu kulikanangana cha mbunga, kuba mwetha kwitila mubithona ngwe Yesu ikeye Kilisitu.