¹ Bamo banalume bethzile kutunda ku Yundeya naku Antiyoke naku longetha bandolome, mgwabo, "Kubanga munatuhuka kwetheketha muchi themwa cha Mosesa, kumwatha kwoboka." ² Echi chanenelele Paulu na Mbanambase kwonowa litabathanano na kulikanangana mwakama nabo. Cho Paulu dnaMbanambase, nabamo bakwabo kufuma hakati kabo, baba shakwile kuya ku Yelusalema na kuliwana na Miluwa na bakulunu hali ei ñanda. ³ Cho nawa, haku batuma kuchikungulwilo, betile mwoshe mu Fonisiya na mu Samaliya na kwambulula kutenguluka cha ba Njentile. Bannenele kubwahelela kwakama kuboshe ba ndolome. ⁴ Cho mu bethzile ku Yelusalema, baba tambwile kuchikungulwilo na miluwa naba kulunu, cho bambulwile byoshe byuma bije Njambi waba lingilile. ⁵ Oloni bamo banu baje bakulahelele, ba kundamenene kumungu wa ba Faliseo, bemanene na kwendeka ngwabo, "Chinafwilamo kuba tuhula na kubashika banyunge lushiko la Mosesa." ⁶ Cho mluwa naba kulunu bakungulukile hamo kumona mwakulinga echi chiñanda. ⁷ Hanima yakulikananga nabo mwakama, Petulu wemanene na kwendeka kuli bakebo, "bandolome, mwathibuka ngwe matangwa akunima Njambi wangwile bamo hali yeni, ngweni kutunda mukanwa kange ba Njentile banapande kuthziba majwi amabwa na ku kulahela. ⁸ Njambi, ou wathzibuka mbunge, na mbulula bukaleho kuli bakebo hakubana muthzithzime wakujela, ngwe omu wanene kuli yetu. ⁹ Ikeye ka handunwine mukati ketu nabo, hakukusha bimbunge byabo na lukulahelo. ¹⁰ Cho lalo bika mwethekela Njambi, chonawa muchishaka kwaka mukole habithingo bya bandongethi oyo ba ishetu nambe yetu kutwathele kwambata. ¹¹ Oloni yetu twakulahela ngwetu tukoboka kwitila mungothzi ya Shukulu Yesu, ngwe omu bakele bakebo." ¹² Yoshe mbunga yolokele kulu oku balinakutolilila kuli Mbanambase na Paulu muthzimbu wa bithzibukitho na bikomowetha Njambi wapangele hali ba Njentile kwitila muli bakebo. ¹³ Hanima ya kwechela kwendeka, Yakomba wakumbulwile, ngwend, "Bandolome tolilileni kuli yange. ¹⁴ Simona na lumbununa omu Njambi hakulibanga washolwele ngothzi kukwatha ba Njentile mangana kufuma muli bakebo bambatemo banu hali thzina lyendi. ¹⁵ Majwi a tupolofita ali tabathana, ngwe omu chathokewa, ¹⁶ 'Hanima yebi byuma njileluka, cho njikatunga lalo Tambanako ya Ndabiti, ei inau hathi; njiakaitungulula na kuyilwitha lalo, ¹⁷ mangana banu boshe bakashaketheka Shukulu, hamo naba Njentile ba banathana hali lithzina lyange.' ¹⁸ Omu mukemo nendeka Shukulu, ou nalinga ebi byuma biba thzibuka kufuma kthañulu. Kuli amo mabulu akuthañulu bili nabithoneka mu Ngiliki Mbathzubwila ina lihandununako kabundondo. Ebi bikebyo Shukulu nendeka, kuli aba buthzibuka bilinga byabo byoshe kufuma kuthimbu yakuthañulu. ¹⁹ Oloni, nja thinganyeka ngwe kutwapandele kuyandetha ba Njentile baje batengulukila kuli Njambi. ²⁰ Oloni tuba thonekele ngwe batunde kuku kombelela tumponya, kubukwithi, nathitu ya tuthitu baku tikinya, na maninga. ²¹ Mwafwa Mosesa bana mwambulula mubi nganda byoshe kufuma kubikota bya kuthañulu nawa bakele naku mwambulula muma Sinangonge hama Sabata oshe." ²² Cho chabwahele kumilua na bakulunu, nakuchikungulwilo, kwangula njundasa batumbwile Mbanambase, na Silasi, aba bakele antwama baba ndolome, nakuba tuma ku Antiyoke na Paulu na Mbanambase. ²³ Kuthonekela twitila mumaboko abo: "Kutunda ku miluwa na bakulunu, bandolome beni, kuli bandolome kuli ba Njentile mu Antiyoke, Siliya, na Silisha: Mitende! ²⁴ Mwafwa twathzibi ngwe bamo banu banai kutunda kuno kuli yetu, cha kujeneka kubatuma yetu, banatutanganetha yobe na majwi akubabaletha myonyo yeni, ²⁵ cho sholokele bubwa kuli yetu, tuneja na mbunge imo, na ngwangula banu tubatume kuli yeni, namu kachithemo, Mbanambase na Paulu, ²⁶ banu byalyanene myonyo yabo ha lithzina lya Shukulu yetu Yesu Kilisitu. ²⁷ Ngachije tu natumu Yundasi na Silisi, aba akambulula kuli yeni, byuma bimo mu majwi abo babenya. ²⁸ Mwafwa cha sholokele bwino ku munthzimenthzime wakujela na kuli yetu, kuhona kumikambeka chiteli chakama nebi byuma byafwila: ²⁹ Cho muka fume ku byuma bya kukombelela tumponya, maninga, byuma bakutikinya, na kubukwithi. Nga muli tunditha yeni babenya kuli ebi, chikala bwino neni. Thaleniho." ³⁰ Cho mu babechele, bethzile ku Antiyoke; hanima ya kungulula mbunga hamo, cho babanene mukanda. ³¹ Omu bakaundandele, babwahelelele mwafwa waku bathameketha. ³² Njundasi na Silasi, tupolofita bathamekethele ba ndolome na majwi amengi akuba takametha. ³³ Hanima ya kutumbamako thimbu kuje, cho babechelele ku ya mu kuthimpa kufuma kuli ba ndolome kuya kuli baje babatumine. ³⁴ Mabulu amabwa kuthuñulu kuwakele na mbathzubwila makumi atatu na biwana (34) (Taleni; Bilinga likumi na bitanu: Mbathzubwila makumi awana (15:40), oloni cha sholokele bwino kuli Silasi kuthala juje.) ³⁵ Oloni Paulu na Mbanambase batumamene ku Antiyoke, kulongetha na kwambulula (hamo nabakwabo babengi) lijwi kya Shukulu. ³⁶ Hanima ya matangwa amo, Paulu wendekele kuli Mbanambase ngwendi, "Twiluke oni tuka mone bandolome mubi mbaka byoshe omu twambulwile lijwi lya Shukulu, nakumona omu bali." ³⁷ Mbanambase washakele bambate nawa Yowano ou bakele na kuthana nawa Mako. ³⁸ Oloni Paulu wathinganyekele ngwe kucha bwahele kwambata Mako, ou wa bathzethzele mu Pamefiliya nawa kaile halyala nabo mubipangi. ³⁹ Cho kwandundile kuhona kuli thzibathana, cho hajebene balihandunwine umo na mukwabo, mukemo Mbanambase wambatele Mako wajabuka nendi kuya ku Sepulise. ⁴⁰ Oloni Paulu wangwile Silali nakuya, hanima ba ndolome bamukulahelele mungothi ya Shukulu. ⁴¹ Cho waile wetile mu Siliya na mu Silisha na kutakametha bikungulwilo.