¹ Mumyaka eli kumi, emyaka yosanwe yo bwami bwa Tibeliyasi siza, Potiyasi pilato nali muleli wo ku Judiya, Helodi nali mwami ku Galeli, muzyalwanyina wa Filipo nali mwami ku coko coku Ituliya oku Tilakono, liteniyasi nali mwami woku Abeleni, ² Awo anasi o kefasi nibali bakmbausi bapati ,majwi aLeza akaza kuli Johani mwana wa Zakaliya munkanda. ³ Wakainka muzyoko zyomu Jodani, kuyokambauka mulumbe woku bizigwa ko kwempwa oku jatilwa zibi. ⁴ Mbuli mbocilembidwe mu bbuku lya majwi ngakamba musinsimi Izaya ijwi lya sikompolola musaka, Amu bambe nzila yo mwami, amuodolole nzila yakwe. ⁵ Tulindi tonse tuyovwikilwa, malundu ezwulu ziyo mwaisigwa, enzila zye zindi ziyobambwa kabotu, ⁶ Abantu bonse bayobona kufutulwa kwa Leza . ⁷ Johani wakambila mbunga wakalikuza kuzobbizigwa anguwe, nobana bacipile, ngwani waka mucenjezya kucija kubukali buyoza, ⁸ Amuzyale micelo itondezya kwempwa, pele mutambi mumyoyo yenu kuti Tulijesi tata wesu Abbulamu, ndi mwambila kuti Leza ula konzya ku bumba bana ba Abbulamu ku mabwe aya. ⁹ Einawa cileba cilalindila kumiyanda yemi misamu. Mponya yonse misamu itazyali micelo mibotu eyo temwa oku sowelwa mumulilo. ¹⁰ Mponya bantu bakamubuzya bati, ino tucite buti, ¹¹ Wakataba, kuti na muntu omwi ujesi ngubo zyobile, pele welede kupa utakwe, ape oyo ujesi zilyo welede kucita mbonyina. ¹² Basimitelo ambabo bakaza kozibbizigwa, bakamba kuli nguwe kuti, omukambausi, tucite buti, ¹³ Wakamba kuti, mutanotezya mali manji kwinda ngimwatumwa kutezya. ¹⁴ Bamwi basimpi bakabuzya, kuti ino swebo , tucite buti, wakati, mutabwezi mali kubantu munzila yoku songelezya, ape mutatamizi muntu zyobubegi. Amulamatwe amali ngomuhola. ¹⁵ Ino bantu nibalikulangilila kwa kilisitu, bonse baliku ziyelwa mu myoyo yabo kambo ka Johana, kuti na ngo kilisito. ¹⁶ Johanni wakataba wati ku bantu bonse, mebo lwangu ndimu bbabbatizya amanzi, kono kuli umwi ulye nguzu kwinda mebo, ape tandi elelwi okwangununa ntambo ye zikatulu zyakwe. Uyo uyo mubbabbatizya omuya usalala omulilo. ¹⁷ Ifoloko yakwe ili mujanza lya kwe kuti azo kukubule alubuwa lwakwe oku tebula maila kubika mu katombo. Kono uyo tenta bungu mu mulilo utazimwa. ¹⁸ Amajwi manji adisya, Johani waka kambauka majwi mabotu ku bantu. ¹⁹ Awo Heloda mwami naka patokilwa kambo koku kwatw mwanakazi wo mu zyalwanyina Helodiyasi, ezi zyonse zya kacita Helodi, ²⁰ Waka yungizigwa ,oku bika Johani mu ntolongo. ²¹ Ino bantu bonse nibaka bbizigwa, Jesu awe waka bbizigwa , awo naciliku komba , ijulu lyaka juka, ²² Mponya muya usalala mucilikukomba, ce mombo waka muwida, mponya kwa kazwa ijwi kuzwa kujulu, okwamba kuti, uli mwana angu , ngweyanda , ula ndikondya. ²³ Jesu nakatalika milimo yakwe, wale myaka isika ku makumi otatwe. Wali mwana mbuli mbo cakali kuyeyelwa wa Josefa, mwana wa Heli, ²⁴ Mwana wa Matati, mwana wa Levi,mwana wa Meleki, mwana wa Janayi, mwana wa Josefa . ²⁵ Josefa wali mwana wa Matatiyasi, mwana wa Amosi, mwana wa Nahamu, mwana wa Esili, mwana wa Nagayi, ²⁶ Mwana wa Semeni, mwana wa Joseki, mwana wa Joda. ²⁷ Joda wali Zelubabelo, mwana wa Salatelo, mwana wa Neli, ²⁸ Mwana wa Meleki, mwana wa Adi, mwana wa Kosamu, mwana w Josyiwa, mwana wa Eli, ²⁹ Mwana wa Josyiwa ,mwana wa Eliyaza, mwana wa Jolimu, mwana wa Matati, mwana wa Levi. ³⁰ Levi wali mwana wa Simiyoni,mwana wa Juda , mwana wa Josefa, mwana wa Jonamu, mwana wa Eliyakimu, ³¹ Mwana wa Melayi, mwana wa Mena, mwana wa Matatata, ³² Mwana wa Jese,mwana wa Obedi, mwana wa Bbowazi, mwana wa Salumoni , mwana wa Nasyoni. ³³ Nasyoni wali mwana wa Aminadabu, mwana wa Adimini, mwana wa Alini, mwana wa Heziloni, mwana wa Pelezi, mwana wa Juda, ³⁴ Mwana waJakobo, mwana wa Isaki, mwana wa Abbulamu, mwana wa Tel, mwana wa Naho, ³⁵ Mwana wa Selugo,mwana wa leu, mwana wa Syelayi. ³⁶ Syelahi wali mwana wa Kanani, mwana wa Afasadi, mwana wa Syemu, mwana wa Nowa, mwana wa Lameki, ³⁷ Mwana wa Metusela, mwana wa Enoki, mwana wa Jaledi, mwana wa Mahalaleli, mwana wa Kenani, ³⁸ Mwana wa Enosi, mwana wa Sefi, mwana wa Adamu, mwana wa Leza.