¹ Ino mumazuba ayo, kwakasika kuti siza Augustus wakatuma basikubamba cibalebale ku bantu bonse bakala munyika . ² Eci cali matalikilo cibalebale kuzwa nakanjila Quilinias mubuleli boku Siria. ³ Mponya bonse bakainka kuma dolopo abo kuyolembisya cibalebale. ⁴ Josefa wakainka kuzwa ku Galili, kuzwa ku cisi ca Nazaleta, ku Judiya , ku cisi ca Davida itwa kuti Bbetelema, kambo wali wokuluzubo olunyungu lwa Davida. ⁵ Wakainka kuyolilembya antomwi o Maliya walikulibambila kukwatwa kuli nguwe ape waleda. ⁶ Mponya nibacili kuya, nako yokuntumbuka mwana wakwe yakasika, ⁷ Wakatumbuka mwana musyimani , wokusanguna, aku muvungaili mumasila malafu oku mubika mucilido kambo tikwalikwe cibaka munganda yabenzu. ⁸ Kwali bembenzi omo mu coko , balikukwabilila buvubi bwabo masiku. ⁹ Mugelo wa Leza wakalitondezya kulimbabo, bulemu bwa mwmi bwakali tondeya kulimbabo bakanjililwa buyofu. ¹⁰ Mponya mungelo wakabambila mutayowi, kambo ndamweta mulumbe mubotu utamwetela kupati nobantu bonse. ¹¹ Sunu mufutuli wakazyalwa mundolopo lya Davida ngu kilisito mwami, ¹² Eci cecitondezyo cimuyopegwa . Muyonjana mwana uvungidwe mumasila malafu ape ulazikidwe mucilido. ¹³ Cokufwambana bakazoba antomwi omungelo mupati, basinkondo bokunjulu kabalumbaizya Leza okwamba kuti, ¹⁴ Bulemu kuli Leza uli kujulu,ape akube lumuno kubantu bakwe ba anyika abo mbabotelwa. ¹⁵ Kwakazoba kuti bangelo nibakainka kujulu, bembezi bakamba kuli umwi oumwi, ino atwike ku Bbetelehemu, tukabone ezi zya citikana, zya tuzibya mwami, ¹⁶ Baka fwambana okujana Maliya o Josefa, bakabona omwana walazikidwe mucilido. ¹⁷ Nibakamana kumubona, bakaziba zyakambwa amwana oyu kuli mbabo. ¹⁸ Bonse bakavwa bakanonenwa kuli ezyo zyakambwa abaembezi. ¹⁹ Kono Maliya wakangama kuyeya zintu zyonse zyakavwa, zyakanonezya moyo wakwe. ²⁰ Bembezi bakapiluka, kabalumbaizya akutembaula Leza kuli zibakavwa okubona, mbuli mucakambwa kuli mbabo. ²¹ Nakakwana mazuba ali lusele, yakasika nako yokupalula, kambo bakamba kuti izina lya kwe ngu Jesu, izinz ndyakapegwa omungelo katana kumitwa mutumbu. ²² Nakamana mazuba abo oku lisalazya, kwinda mumulawo wa musa, Josefa o Maliya bakamutola ku tempele mu Jelusalema kuyomupa kuli mwami ²³ .Mbuli mukulembidwe mumulawo wa mwami, wonse musyimani mutazi uyo pegwa ku mwami. ²⁴ Mponya bakapa cipaizyo mbuli mucakambwa mumulawo wo mwami, inziba zyobile. ²⁵ Ino, kwali mwalumi mu Jelusalema , walikwitwa kuti Simioni wali muntu ululeme okulyaba. Wali kulangila kutontozigwa kwa Isilayile, muya usalala wali alinguwe. ²⁶ Cakatondezigwa kulinguwe omuya usalala kuti tayofwi katanabona mwami kilisito. ²⁷ Waka endelezigwa omuya, Simiyoni wakanjila mu tempele. Bazyali bakwe nibakamweta Jesu, muli mukwelede mucizo mu mulawo, ²⁸ Wakamubweza mumanza akwe okulumbaizya Leza okwamba kuti, ²⁹ Ino leka mubelesi wako ende mulumuno, mwami kwindila mumajwi ako. ³⁰ Menso angu abona lufutuko lwako, ³¹ Ndwakabamba mumeso abantu bonse. ³² Mumuni wako wali bonya kubamasi obulemu ku bana Izilayili. ³³ Baisi abanyina bomwana bakakomokwa kunkani zyakambigwa alinguwe. ³⁴ Simiyoni wakabaleleka, wakambila Maliya banyina kuti, langa, oyu mwana wabikilwa kuwa okubuka kwabanji ba Isilayili, ku citondezyo cakakakigwa. ³⁵ Iceba liyokuyasa kumizezo kuti miyeyo ili mumyoyo yabantu banji iyubununwe. ³⁶ Musinsimi mwanakazi walikwitwa kuti Ana wakaliwo . Wali mwana wa Faniwelo kumusyobo wa Asya , wali cembede. Wakakala amulumi awakwe kwa myezi yosanwe ayobile, ³⁷ Ape wali mukamufu kwamakumi osanwe ama kumi otatwe ama kumi obile. Talikuzwa mu tempele kono walikubeleka okulimya cokulya okukomba, sikati amasiku. ³⁸ Ali eco cindi conya nakasika wakatalika kulumbaizya Leza mponya okwamba zyo mwana kuli bonse balikulindila kunununwa kwa Jelusalema. ³⁹ Nibakamana kucita zyonse zibelende kucita kwindila mumulawo wo mwami, bkapiluka ku Galili, kutaundi lya ku Nazeleta, ⁴⁰ Wakakomena mwana okudiya wakadiya,wakayungizigwa mubusongo, oluzyalo lwa Leza lwali alinguwe. ⁴¹ Bazyali bakwe balikwinka mwaka omwaka ku Jelusalema ku pobwe lya paseka. ⁴² Mponya nali amyaka ili kumi eyobile, bakainka mbuli ciyaza ca pobwe. ⁴³ Nibakakala mazuba manji kupobwe , bakatalikizya kupiluka kungada . Pele Jesu wakasyala ku Jelusalema mponya bazyali bakwe sibalizi, ⁴⁴ Bakayeyela kuti wali akabunga kibali kombwenda akako. Bakenda musizo obuzuba omwi mponya baka muyandola akati kabo mukwasyi abezinina. ⁴⁵ Nibakamubula, bakapiluka ku Jelusalema okutalika kumuyandola , ⁴⁶ Nikwakainda mazuba otatwe, bakamujana mu tempele, ukede akati kabamaiyi, kabaswilizya okubabuzya mibuzyo. ⁴⁷ Bonse bakamuvwa bakakomokwa kuluzibo lwakwe oku taba kwakwe. ⁴⁸ Nibakamubona bakakomokwa . Banyina bakamwambila mwanangu, ino ninzi niwatucita namuya, swilizya , bauso amibo twabilaila kukuyandola. ⁴⁹ Wakabambila kuti, ndelede kijanika munganda yatata, ⁵⁰ Kono takwe nibakaziba zyali kupandulula kumambala ayo. ⁵¹ Mponya wakapiluka kungada ambabo ku Nazaleta ape wali elikute kuli mbabo. Banyina balikulumbaizya zyonse ezyo mumoyo wabo. ⁵² Kono Jesu wakaindilizya kukomena mubusongo omucimo, ape okuyungizizya mu colwe ca Leza.