¹ Banji bakasola kupandulula mu zintu zinji zinji zyakacitikana mumaumi esu, ² Mbuli mbubakazipa swebo, mbuli mbuzyakasigwa kuliswebo kuzwa kumatalikilo, ombu zyaka tondezigwa kubabelesi bamajwi a Leza. ³ Kambo kuli mebo ndakatatuba mbuzyenda zintu zyonse kuzwa kumatalikilo okukulembela mbuzyakenda zinut yebo wokutekwa Teofilasi. ⁴ Kucitilakuti uzibe masimpe ezintu ziwaka isigwa. ⁵ Mumazuba a Helodi , mwami woku Judeya, kwali mwalumi wali mukambausi izina wali Zakaliya, kuzya kucibela ca Abija. Mwanakazi wakwe wali mwana wa Aloni, izina lyakwe wali Elizabbeta. ⁶ Bonse bali bantu basalala kuli Leza, okukuteka malailile o mwami. ⁷ Kono tibalikwe mwana, kambo Elizabbeta talikuzyala, ape bonse bobile balicembede aleci cindi. ⁸ Ino kwakacitika kuti Zakaliya nalikubeleka mulimo wakwe wobo kambausi kumenso kambo bwalibuguwu bwakwe. ⁹ Kwendalanya mucizo cokusala mukambausi uzobeleka mutempele ya Leza, wakasalwa abantu banji kuti ajile mutempele abeleke mulimo wa Leza. ¹⁰ Embunga ya bantu bonse yalikukomba anze cindi nikwalikutentwa tunukilizo. ¹¹ Mungelo wa Leza wakasika okwma ambali akasanza pubatetela tunukilizo. ¹² Zakaliya nakamubona wakanjilwa buyofu okuyowa. ¹³ Pele mungelo wakati utayoywi , Zakaliya, kambo nkombyo yako yamvwika. Mwanakazi wako Elizabbeta uyoba omwana musyimani, uyoitwa kuti Johana. ¹⁴ Uyoba oku kondwa oku sekelela, ape banji bayo kondwa azo zyalwa. ¹⁵ Uyoba mulemu mumenso omwami. Atakanwi bukoko olo zilula, oyu zuzigwa omuya usalala kacilimwida lya banyina. ¹⁶ Bunji bwa bana Izilali bazopiluka ku mwami Leza wabo. ¹⁷ Uyoima amenso omwami Leza mumuya omunguzu zya Elija. Uyocita eci kuti akasandule myoyo yamaisi kubana,kuti abo batasyomi bayo enda mumano aba songo bwa basalali kuti bantu bali bambile kutabulwa ku mwami. ¹⁸ Zakaliya wakambila mungeli ino ndilaziba buti kuti ziyo citika, kambo mebo ndacembala ape omwanakazi wangu wakacembala. ¹⁹ Mungelo wakataba okwamba kuti, ndime Gabuliyeli wima kubusyu bwa Leza, ndatumwa kuli yebo kuti ndikkwetele majwi mabotu. ²⁰ Swilila ula umunina, ulaba siatambi, wasyoma majwi angu aya ayo zuzikizigwa mucindi celede. ²¹ Ino bantu balikulindila Zakeyo kambo bakakomokwa kuti wakatola lwecindi mutempele. Kono nakazwida anze, takwe nakakozya kwambola ambabo. ²² Mponya bantu bakabona kuti wabona cilengano nalimutampele. Wakayindiliza kutambayika manza kulimbabo okumunizya. ²³ Mponya mazuba akwa nakasika okumanisya musebezi wakwe, wakayinka kunganda yakwe. ²⁴ Nakainda mazuba aya, mwanakazi wakwe Elizabbeta wakamita okulisisa kwa myezi yosanwe. Wakamba kuti, ²⁵ Eci candicitikila mwami nandilanga ecolwe kuti agwisye mause angu amenso abantu. ²⁶ Mu myezi yosanwe omwezi omwi, mugelo Gabbuliyeli wakatumwa kuzwa kuli Leza ku Galileya kucibaka citwa Nazaleta, ²⁷ Kumusimbi wa salidwe kukwatwa kumwalumi witwa Josefa. Walikuzwa kunganga ya Davida, musimbi wali Maliya. ²⁸ Wakaza kulinguwe okwamba kuti kolumela, yebo . ²⁹ Kono wakalyangana okukomokwa kuti ino mulumelesizyo nzi oyu. ³⁰ Mugelo wakamwambila kuti, uta yowi, Maliya, wajana colwe muli Leza. ³¹ Bona, uzo mita , oku zyala mwan musyimani. ³² Uyo mwita kuti Jesu. Unoli mulemu ape uzoitwa kuti mwana a Leza. Ape Leza uzomupa bwami bomuzyali wakwe Davida . ³³ Uzo endelezya munganda ya Jakobo mane kukabe kutamani , ape bwami bwakwe tabuyobi bukamane. ³⁴ Maliya wakambila mugelo, ino eci cilicitika buti nketa lede omwalumi neba omwi , ³⁵ Mugelo wakataba okwamba kuti, muya usalala oyoza aliyebo, ape inguzu zyo mwami Leza ziyo kuvwika. Oyu usalala oyu zyalwa uyoiywa kuti mwana wa Leza. ³⁶ Bona , bazyalwanyoko Elizabbeta wamita anguwe mubu cembele bwakwe. Oyu mwezi wobusnu owumwi, kono walikwambwa kuti tauzyali. ³⁷ Kambo takwe ciyosyupa kuli Leza. ³⁸ Maliya wakamba kuti, bona ndili mwanakazi mubelesi wo mwami. Akube mbuli mbuwakamba mu majwi ako. Mponya mugelo wakamusiya. ³⁹ Mponya Maliya wakanyamuka kufwambana okwinka kunyika yamalundu, kudolopo kuya ku Judeya. ⁴⁰ Wakainka ku nganda ya zakaliya, oku lumelesya Elizabbeta. ⁴¹ Mponya Elizabbeta nakamvwa maliya wamulumelisya , mwan mwida lyakwe wakanyanyala, mponya Elizabbeta wakazuzigwa omuya usalala. ⁴² Wakongolola ejwi mujulu , walelekwa abanakazi bonse, ape mbuto yentumbu lyako ililelekidwe. ⁴³ Ino kwacitika buti kuti ba nyina bomwana wangu baze kuno kuli mebo, ⁴⁴ Bona, ninda mvwa buyo jwi lyo kulumelesya kwako mu matwi angu, mwana uli mwida lyangu wanyanyala mukunonenwa. ⁴⁵ Ulelekwidwe ngoyo usyoma kuti kuzoba kuzuzikizigwa. kwe zintu zyonse zyakamba mwami Leza kulinguwe. ⁴⁶ Maliya wakamba kuti, moyo wangu ulumbaizya mwami, ⁴⁷ Muyawangu wanonenwa muli Leza mufutuli wangu. ⁴⁸ Kambo wayeya bucete bwangu mumenso akwe ndemuzike wakwe. Amubone, kuzya sunu lunyungu lwabantu bonse luyondita kuti ndilileleekidwe ⁴⁹ Kambo oyo singuzu wandicitilila cintu cipati, inzila lwakwe lilasalala. ⁵⁰ Luzyalo lyakwe lunoli olunyungu kulabo bamuyowa. ⁵¹ Watondezya nguzu ejanza lyakwe , wasabalanganya abo balikulinvwa mumizezo yomu mwyoyo yabo. ⁵² Wasowa bami ansi kuzwa azibula zyabo okusumpula bapengide. ⁵³ Walisya bafwide nzala ezintu zibotu , kono bavubide waba pilusya cinkwa manza. ⁵⁴ Wapa lungwasyo kuliIzilaili mubelesi wakwe, kuti kayeya kutondezya luzyalo lwakwe. ⁵⁵ Mbuli mbwakamba kumatata kuliAbbulamu. ⁵⁶ Maliya wakakala o Elizabbeta kwa mwezi yotatwe okupiluka kunganda yakwe. ⁵⁷ Ino nako niyakasika kuti Elizabbeta watumbuka mwna musyimani. ⁵⁸ Benzyinyina abazyalwanyina bakwe bakamvwa kuti mwami watondezya luse lyakwe mponya bakasekelela antomwi anguwe. ⁵⁹ Ino nikwakainda nsunda yomwi obuzuba bomwi bakazoza kuzopalula mwana. Nibaka mubika zina kuti Zakaliya, izina lya baisi. ⁶⁰ Mponya banyina bakataba kuti ne. Unoitwa kuti Johani. ⁶¹ Bakamwambila kuti takwe wecibbululu witwa elyo zina. ⁶² Bakatambayika manza kuli bayisi bomwana kuti abatondezye mbwalikuyanda kuti mwana awuzikwe. ⁶³ Bayisi bakakumbila mpensulu okulemba, zina lyakwe ngu Johani. Bonse bakakomokwa. ⁶⁴ Mponya awo mulimo wakajuka olulimi lwakwe lwakangunuka. Wakambola oku lumbaizya Leza. ⁶⁵ Bonse balikukala afwi ambabo bakazoba obuyofu. Zyonse ezi nkani zyakazo mwaikana konse kumalundu a Judiya. ⁶⁶ Bonse bakamvwa ezi bakabikilila mumyoyo yabo, kabamba , ino oyu mwana akomena uzoba buyeni , janza lya Leza lyali anguwe. ⁶⁷ Wakwe zakaliya waka zuzigwa omuya usalala okusinsima, kwamba kuti, ⁶⁸ Alumbayizigwe mwami, Leza wa Izilayili, kambo wakaza kuzovuna okuzozuzikizya kufutuka kwa bantu bakwe. ⁶⁹ Waimika luja lwakwe lolufutuko kuli swebo mu nganda yo muzike wakwe Davida, ⁷⁰ Mbuli mbwakamba kwinda mumilomo yaboa sinsimi bakwe kucindi. ⁷¹ Uzo eta lufutuko kuli swebo kwindila mumanza abo batusulaika. ⁷² Zocita ezi kutondezya luse lwakwe kumatata oku kuyeya cizuminano cakwe cisalala, ⁷³ Cipangano cakamba kuli tata wesu Abbulamu . ⁷⁴ Wakakonka kutupa lufutuko kuzwa mumanza aba lwani besu, kuti tukamubelekele katutakwe kuyowa, ⁷⁵ Mubusalali omu bululami amenso akwe mazuba esu onse. ⁷⁶ Eii, ape mwanako , unoyitwa kuti musinsimi woyo sijulu wama julu, uyoyinka amenso o mwami okumubambila nzila yo kubola kwakwe , ⁷⁷ Kuzibya bantu bakwe lusupmuko oku jantilya kwe zibizyabo . ⁷⁸ Cizocitika kambo ko luse lyakwe Leza wesu, kambo bucedo buyotwetela lugwasyo , ⁷⁹ Kuzomunikila abo bakede mumudima aba bakede mumwevwule yolufu. Uyo cita ezi kututondezya nzila yolumuno. ⁸⁰ Mwana nakakomena wakazokomena mumuya , mponya wakazoinka munkanda kusikila ayo mazuba nakaboneka mu Izilayili.