¹ Mwami wakati kuli Musa, wati, ² ''Kuti na umwi wabisya mponya wacita cakutasyomeka kutendelana o Mwami kwinda mukweenena mubambe wakwe kujatikizya cimwi cibajesi mulushomo, na cintu cakabbigwa, na kuti wapenzigwa omubambe wakwe, ³ na wajana cimwi cintu mubambe wakwe caswekelidwe mponya wabeja, na kuti wakonkezya co kubeja, na muliamwi makani mbuli aya omo bantu mubabisya, ⁴ mponya kuti wabisya mponya wajanwa omulandu, weelede kubambululwa kufumbwa cakabweza kwindilila mukubba bulanga kupenzya, na eco coshomezidwe mulinguwe, na eco caswekide pele cakajanikide. ⁵ Mukuyungizizya, kufumbwa mukambo omo mwakakonkezya cakubeja, welede kucibambulula kuzwide mponya ulelede kuyungizizya comwi-mumusanu cobulemu wancico okubbadela zyeense ku mukamwini mubuzuba mbwajana mulandu. ⁶ Mponya welede kweeta mulumbo womulandu wakwe ku Mwami. ⁷ Mupaizi ulapanga kulekelelwa kambo kanguwe kunembo lyo mwami, mponya uyolekelelwa kujatikizya kufumbwa cala mulandu ncacita.'' ⁸ Mponya mwami wakambola kuli Musa wakati, ⁹ ''Mwambile Aloni abana bakwe balumi,'oyu mulawo womulumbo wokutenta: Mulumbo wo kutenta welede kubawatala ecipaililo wamasiku eense kusika mujunzonza, omulilo we cipaililo unoyaka. ¹⁰ Mupaizi uyozwata zizwato zyakwe zisalala, ape uyozwata zizwato zyakwe zyokono zisalala. Uyobwezelela dota isyala mulilo wamana kutentwa mulumbo wokutenta acipaililo, mponya uyobika dota kumbali ecipaililo. ¹¹ Uyozununa zizwato zyakwe okuzwata zimwi zizwato kutola dota anze ezivuka kucibaka cisalala. ¹² Mulilo acipaililo uyosiigwa kuyaka. Tawelede kuzima, mponya mupaizi uyotenta nkuni alicico eense mujunzonza. Uyobamba mulumbo wokutenta mbuli mbuciyandikana alincico, mponya uyotenta alincico mafita olumuno emilumbo. ¹³ Mulilo welede kunoyaka acipaililo cokuzumanana. Tawelede kuzima.