¹ Mwami wakati kuli Mozesi, ''bona, ndacita kuti ube mbuli Leza kuli Falawo . Aloni mwami nyoko uyoba musinsimi wako. ² Uyomba zyense zyetaka kulailile kwamba. Aloni mwana nyoko uyoambola o Falawo kuti aleke bantu ba Isilayili kuzwa munyika yakwe. ³ Pele ndiyoyumya moyo wa Falawo, ponya ndiyovuzya zyitondezyo amalele,enguzu zyangu, ezyikomosya zinji munyika ya aiajipiti. ⁴ Pele Falawo tayomuswilizi, ponya ndiyobika janza lyangu mu Ijipiti ape ndiyoeta tubunga twabalumi basi kondo, bantubangu, bantu boku isilayili, ndiyobagwisya munyika ya Ijipiti kwindila muzicito ecisubulo cipati. ⁵ Bana Ijipiti bayoziba kuti ndime Mwami ndakutambika janza lyangu kuba Ijipiti ape ndakugwisya bana Isilayili kuzwa akati kabo. ⁶ Mozesi o Aloni bakacita mbonyina namu: cita mbonyina mbwakaba lalila Mwami. ⁷ Mozesi wajesi myaka ili makumi ili musanu eyo tatwe, ape Aloni wajesi myaka ili makumi ili musanu yotatwe otutatu nibakambola o Falawo. ⁸ Mwami wakambila Mozesi o Aloni,'' ⁹ Ino Falawo wakamba kuti,'' amucite malele mponya mukamwambile Aloni,'' bweza nkoli yako mponyina uyifuse ansi kunembo lya Falawo, kuti ikasanduke nzoka.'' ¹⁰ Mponyina Mozesi O Aloni bakainka kuli Falawo mponyina bakacita mbonyina Mwami mbwakabambila . Aloni wakafusa nkoli yakwe kunembo lya Falawo, ape okubabelesi bakwe. ¹¹ Mponyina Falawo anguwe wakaita balumi basogo ape abasondi. Mponyina bakacita cintu ciswana mumabibo. ¹² Umwi oumwi wakafusa nkoli yakwe ansi. Mponyina nkoli zyakaba nzoka. Pele nkoli ya Aloni yakamina nzoka zyabo. ¹³ Falawo wakaumya moyo, ape takwe nakaswilizya , mbuli mbwakambide Mwami. ¹⁴ Mwami , wakambila Mozesi, ''moyo wa Falawo muyumu, ape wakaka kuleka banntu kwinka. ¹⁵ Koya kuli Falawo kuseni ino akwinka kumanzi ukaime kumbali amulonga mukaswanane, mponyina ukabwezye nkoli mumanza yako eyo yasandukide kuba nzoka. ¹⁶ Ukamwambile kuti,''Mwami,Leza waba Hibbulu wandituma kuli yebo ndikwambile kuti,'' leka bantu bangu bainke, kuti bakandikombe munkanda. Ombulino tona kuswilila.'' ¹⁷ Mwami wamba eci: ''kuli eci uyoziba kuti ndime Mwami. Ndiyouma manzi omumulonga wa Nilo enkoli ili mumanza angu. Mponyina mulonga uyosanduka malowa. ¹⁸ Enswi zili mumanzi ziyofwa. mponyina mulinga oyunuka. Bana Ijipiti tabayo konzi kunywa manzi azwa mumulonga.'' ¹⁹ Mponyina Mwami wakambila Mozesi,'' Ambila Aloni,' bweza nkoli yako ponyina utondeke ejanza lyako kumanzi abana Ijipiti, ape okumilonga yabo, okutulonga, mumaziba, omuzikala zyabo zyense, kuti manzi abo akabe malowa. Cita eci kuti kukabe malowa kwense munyika ya Ijipiti, nikuba zinywido zyesisamu ape omuzinyido zyamabwe.'' ²⁰ Mozesi o Aloni bakacita mbonya mbuli mbwaka balailela Mwami. Aloni wakanyamuna nkoli okuma manzi mulonga, mumenso a Falawo ababelesi bakwe. Manzi onse mumulonga,akasanduka bulowa. Ababelesi bakwe. Manzi ense mumulonga akasanduka kuba malowa. ²¹ Inswi mumulonga zyakafwa, ponyina mulonga wakatalika kununka. Ba Ijipiti takwe nibaka konzya kunywa manzi azwa mumulonga. Ponyina amalowa ali kwense kwense munyika ya Ijipiti. ²² Pele basimabibo bomu Ijipiti bakacita cintu ciswana amabibo abo. Mponyina moyo wa Falawo wakayuma . Ape wakakaka kuswilila kuli Mozesi o Aloni, mbuli Mwami mbwambide kuti zikacitike. ²³ Mponyina Falawo wakafutata okunjila munanda yakwe. Takwe nakabikila muzezo kuli eci. ²⁴ Bense bana Ijipiti bakasya mumbali o mulonga kumanzi okunywa, pele takwe nibakakonzya kunywa manzi omumulonga. ²⁵ Kwakandide mazuba ali musanu otubili Mwami nakagondide mulonga.