¹ Mozesi wakataba, '' pele na tabandisyomi ma kundivwinda okwamba kuti,'' Mwami takwe nakalibonya kuli yebona'?'' ² Mwami wakati kuli nguwe,'' cinzi eco cili munza ako?'' Mozesi wakati, '' nkoli.'' ³ Mwami wakati,' ''ifusile ansi .'' Mozesi wakaifusila ansi, mponyina yakaba nzoka. Mozesi wakasosoloka kuzwa kulingiwo. ⁴ Mwami wakati kuli Mozesi, ''swena mponyina wibeze ujatile kumucila.'' Mponyina wakaswena okwijata nzoka. Yakaba nkoli mumanza akwe ape. ⁵ ''Mbonya obu bayokazya kusyoma kuti Mwami, Leza wabensiku babo, Lezawa Abbulamu, Leza wa Isaka, ape o Leza wa Jakobo, walibonya kulinwe.'' ⁶ Mwami ape wakati kulinguwe,'' ino bika janza lyako mucizyato cako.'' Mponyina Mozesi wakabika janza lyakwe mucizyato cakwe. Nakaligwisya, langa, janza lyangu lyaba icinsenda, buu mbuli sikunkwe munji. ⁷ Mwami wakati,'' bika janza lyako mucizyato cako ape. ''Mponyina Mozesi wabika janza lyakwe mucizyato cakwe ,mponyina nakaligwisya anze, wakabona kuti lyakaba munseba llilikabotu ape,mbuli nyama yakwe. ⁸ Mwami wakati,'' na nataba yokusyomi-natabakobikila mano kucitondezyo cangu cokusaanguna cenguzu na kusyoma muli eco, ponyina bayosyoma citondezyo cabili. ⁹ Natabakasyomi nikuba muzitondezyo ezi zyobile zyenguzu zyangu, na kukuvwida, monyina bweza manzi kuzwa mumulonga okutila anyika njumu. Manzi ngotabweze alaba malowa anyika njumu.'' ¹⁰ Mponyina Mozesi wakati ku Mwami,'' Mwami, tandina buzuba ndambola kabotu, nokuba mucindi cakamana na kuzwa nwakambola kumubelesi wako. Ndilacedwa mukwambola omu mululimi.'' ¹¹ Mwami wakati kulinguwe,'' nguni wakapanga mulomo womuntu? nguni upanga muntu kumunana mpulukutwi na kubona na kofwala? tainsi me na, Mwami? ¹² Ino koya, mponyina ndiyoba omulomo wako ukukwisya zyokombola.'' ¹³ Pele Mozesi wakati,'' Mwami , ndakomba tuma umwi, kufubwa ngoyanda kutuma.'' ¹⁴ Mponyina Mwami wakanyemena Mozesi.Wakati,''ino Aroni,muzyalwanyoko,mu Levi? ndilizi kuti ulakonzya kwambola kabotu.Nikuba namu wobuza kuzoku swangana,mponyina okubona,uyokondwa mumoyo wakwe. ¹⁵ Uyoambola anguwe okubika majwi okwamba mumulomo wakwe.Ndiyoba omulomo wako ape omulomo wakwe,mponyina ndiyomutondezya,nyeense zyokucita. ¹⁶ Uyokwabilila kubantu.Uyoba mulomo wako,mponyina uyoba kulinguwe mbuli me,Leza. ¹⁷ Uyobweza mujanza lyako eyi nkoli. Anjiyo uyocita zitondezyo.'' ¹⁸ Mponyina Mozesi wakapiluka kuli Jetulo ba isi zyala okuti kulinguwe,''ndileke ndipuluke ndinke kumabbululu bangu bali mu Igipiti ndikabone na bacili baumi.''Jetulo wakati kuli Mozesi,''koya mulumuno.'' ¹⁹ Mwami wakati kuli Mozesi midiyani,''koya puluka ku Igipiti,kambo bense balumi balikusola kukujaya bakafwa.'' ²⁰ Mozesi wakabweza mwanakazi wakwe abana balumi okubabika ambongolo. Wakapiluka kunyika ya Igipiti, ukobweza nkoli ya Leza mujanza lyakwe. ²¹ Mwami wakati kuli Mozesi,'' wapiluka ku Igipiti, ubona kuti wacita zyense kenembo lya Fawolo zikomosya zindabika munguzu zyako. Pele ndiyoyumya moyo wakwe, mponyina tayobaleki bantu kuti bainke. ²² Welede kwamba kuli Falawo , 'zezi zyamba Mwami: Isilayili Mwana wangu mwalumi , wokusanguna. ²³ Mponyina ndati kuliyebo ,'' muleke mwanaangu ainke, kutegwa akakonzye kundikomba.'' pele kambo kuti wakaka kumuleka kuti ainke , kakutakwe kuzumbozya ndilajaya mwana ako mwalumi, okusanguna.'' ²⁴ Ino muzila, nibakaima kambo kamasiku, Mwami wakaswana Mozesi okusola kumujaya. ²⁵ Mponyina Zipola wakagwisya bbwe libosya okupalula mwana akwe. Okumugumya kumalu akwe mponyina wakati, masimpe ulisibwinga kuli mebo kwindila mubulowa.'' ²⁶ Mponyina Mwami wakamileka alike. Wakati,'' ulisibwinga wobulowa'' kambo kakupalulwa. ²⁷ Mwami wakati kuli Aloni,'' koya munkanda ukaswangana Mozesi.'' Aloni wakainka wamuswangana acilundu ca Leza, okumunyonta. ²⁸ Mozesi wakambila Aloni eense majwi omwami ngakamutumide kwamba mponyina ezyitondezyo zyense zyenguzu zyomwami zyakamwambilide kucita. ²⁹ Mponyina Mozesi o Aloni bakainka okubunganya bense antomwi bapati-pati ba Isilayili. ³⁰ Aloni wakamba ense majwi Mwami ngakabilide Mozesi. Wakatondezya ezitondezyo zyenguzu zyo Mwami mubusyu bwabantu. ³¹ Bantu bakasyoma. Nibakavwa kuti Mwami walibalangilide bana bai Isilayili okuti walibwene kudyaminina kwabo, mponyina bakafungama ansi okumukomba.