¹ Mozesi wakababunganya besne bembunga yaba Isilayili ape okwamba kuli mbabo,'' ezi zezintu Mwami zyakamwambila kucita. ² Mumazuba osanwe akomwi mulimo welede kubelekwa, pele kuli yebo buzuba botusanu otubili bewlede kuba buzuba busalala, buzuba botusanu otubili bumaninide kupumona, busalala ku Mwami. ³ Tamwelede kuyasya mulilo kufumbwa mumanda enu mubuzuba botusanu otubili.'' ⁴ Mozesi wakambola kumbunga yense yabana ba Isilayili, kati,'' eci cecintu Mwami cakamulalila. ⁵ Tola cipego co Mwami, nwense nomujesi moyo ulyabide. Mwete cipego kumwami-ngolida, nsiliva, mukuba, ⁶ Cijulu-julu, cisombo,ape cisalala cisila ape ezisila zyandekelela, aboya bwe mpongo, ⁷ Zikutu zyabagutu zyakanikwa mucisila, zikutu zyakasukwa kabotu; mapulanga omulombe; ⁸ Mafuta asalala omu kampalamba, tununkilizyo tulelekide twamafuta mponya otokusingaba tununkilizyo. ⁹ Mabwe amakwalala ape amabotu mabwe elede kubambwa kubapaizi mponya akasila kacamba. ¹⁰ Kufumbwa bankutwe bantu akati kenu belede kuza ape okucita zyense ezyo Mwami zyakalailila- ¹¹ Busena busalala etente, ecivunisyo, engobyobyo, ezicida, ezipinzyo, zitondezyo mponya ezikalilo; ¹² Alyo bbokisi amasamu alyo, ecesitikizyo cokuvumba, mponya esila lyokuvumbya. ¹³ Baketa tebule amasamu ayo, zyense zyibelesyo, mponya ecikwa ceitwa kubusyu bwakwe. ¹⁴ Cikalilo cakampalamba ce mimuni, ezibelesyo zyaco, amalampi, mponya amafuta omulambi; ¹⁵ Otunukilizyo acipaililo amasamu aco, alelekidwe mafuta mponya otokusingaba tununkilizyo, ezi lengelela abusena busalala amanjililo; ¹⁶ Acipaililo cokutentela zipego cijesi embaula yamukuba mponya amasamu ape ezibelesyo,mponya ebbavu pati ecikalilo caco. ¹⁷ Baketa zilengelela zyolu kwakwa ezitondezyo zyaco ape acikalilo,ape esila kumanjililo elamba; ¹⁸ Mponya ezyanzyo zyazyo zyamatente zye cikombelo ape olukwakwa, antomwi ezyo kwazya. ¹⁹ Bakekezya zibotu zyokuzwata zyokubelesye mucibaka cisalala, lisalala jansi lya Aloni mupaizi ape abana bakwe, kuti bakabaleke mbuli bapaizi.'' ²⁰ Ape bense bomukowa wa Isilayili bakazwa mponya bakaya kule kuzwa kuli Mozesi mpabede. ²¹ Kufumbwa oyo walo omoyo upya wa kanyamuka ape oyo walo omuya waka musunwazya wakeza mponya wakota cipego ku Mwami kumayake e cipaililo, kuli zyense zibelesyo zyokubelesye muli cico,ape amajansi asalala. Bakeza bense balumi apa abanakazi, besne balomoyo okupa. ²² Baketa mpande zyokubotya, macoco, nwenwe, ape otuwenge, yense misyobo ye ngolide yenkabisa.Bense bakapa zipego zye ngolida mbuli cilengwa ku Mwami. ²³ Kufumbwa oyo wajesi cijulu-julu, cisombo , na bwanda busalala, cisila citete,boyabwe mpongo, zikutu zyabagutu zisalala ape baketa ezikanda zibotu. ²⁴ Kufumbwa abo bense balikupa zipego zye nsiliva na mukuba bakazyeta kuba zyipengo ku Mwami, ape kufumbwa wajesi musamu omukuba okubelesya musebezi waketa. ^{25 26} Kufumbwa mugwala mwanakazi wakasuma zyobwanda amanza akwe mponya waketa ezyo zyakasuma-cijulu-julu, cisombo, nacisalala, nacisila citete. Bense banakazi balemyoyo ipya ape abo balo bugwa bakasuma tobolye mponya.