¹ Emagama enkhosi Lemuel- umyalo kumakwakhe wamufundzisa. ² Ini, indvodzana yami? yini, indvodzana yesibeletho sami? Ufunani, ndvodzana yetifungo tami? ³ Unganiki emandla akho ebafatini, noma tindlela takho kulabo lababhubhisa emakhosi. ⁴ Akusiko kwemakhosi, Lemuel, akusiko kwemakhosi kunatsa liwayini, noma kwebabusi kukhanuka sinatfo lesidzakako, ⁵ ngoba uma banatsa bayakhohlwa ngemtsetfo, futsi bakhohlakalise emalungelo abo bonkhe alabalinyetwe. ⁶ Niketa sinatfo lesidzakako kumuntfu lofako neliwayini kulabo labasebumunywini. ⁷ Utawunatsa akhohlwe ngekuhlupheka kwakhe angeke akhumbule inkinga yakhe. ⁸ Khuluma kulabo labangakhoni kukhuluma, ngetiimbangela tabobonkhe labafako. ⁹ Khuluma uhlulele ngalokuhle bese uncusela imbangela yalabahluphekako nebantfu labaswele. ¹⁰ Ngubani longatfola umfati lokhonako? uligugu kwengca ematje eligugu. ¹¹ Inhlitiyo yendvodza yakhe yetsembele kuye, futsi angeke ahlupheke. ¹² Umentela tintfo letinhle hhayi letibi onkhe emalanga emphilo yakhe. ¹³ Ukhetsa kahle intsambo nakotini, nemisebenti ngekujabula kwetandla takhe, ¹⁴ Ufana netisebenti temikhumbi; uletsa kudla kwakhe kubuya khadhane. ¹⁵ Uvuka kusesebusuku anikete kudla kwendlu yakhe, bese wabela umsebenti etisebentini takhe letinsikati. ¹⁶ Uyayibona insimu ayitsenge; ngemisebenti yetandla takhe uhlanyela sivini. ¹⁷ Utigcokisa ngemandla futsi ente imikhono yakhe ibe nemandla. ¹⁸ Ubuka lokutamentela inzuzo; busuku bonkhe sibane sakhe asicimi. ¹⁹ Ubeka tandla takhe ekulukeni, futsi ubamba umtiya logucukako. ²⁰ Ufika nesandla sakhe kubantfu labahluphekile; ufika ngesandla sakhe kubantfu labaswele. ²¹ Akayesabeli indlu yakhe sitfwatfwa, ngoba indlu yakhe imbatsiswe timbatfo letishisako. ²² Wenta kwekubatsisa umbhedze wakhe, futsi ugcoka timpahla letentiwe ngakotini locasakele lobukhwebeletane. ²³ Indvodza yakhe iyatiwa emagedeni, uma ihleti nalabadzala belive. ²⁴ Wenta tingubo ngakotini atitsengise, futsi utsengisele labasebentako ema seshi. ²⁵ Umbatsiswe ngemandla nenhlonipho, futsi uhleka ngesikhatsi sekuta. ²⁶ Uvula umlomo wakhe ngekuhlakanipha nemtsetfo wekulunga kwelilwimi lakhe. ²⁷ Ubuka ngetulu kwetindlela kwenlu yakhe futsi akasidli sinkhwa sebuvila. ²⁸ Bantfwabakhe bayavuka bamubite lobusisekile, nendvondza yakhe iyamudvumisa, itsi, ²⁹ Labanengi bafati bente kahle, kodvwa ubendlule bonkhe. ³⁰ Kulunga kuyakhokhlisana, buhle bunemanga, kodvwa umfati lowesaba Simakadze, utawudvunyiswa. ³¹ Muniketeni umsebenti wesandla sakhe nimyekele imisebenti yakhe imdvumise emagedeni.