¹ Umuntfu lotfole kuhlukubeteka lokunengi kodvwa locinisa intsamo yakhe angeke aphuke ngalokungeke kuphiliswe. ² Uma bantfu labalungile bakhula, labantfu bayajabula, kodvwa uma umuntfu lomubi angumbusi, labantfu baya memeta. ³ Nomangubani lotsandza kuhlakanipha wenta babe wakhe ajabule, kodvwa loyo logcina umkhabhatsi wetingwadla ubulala lifa lakhe. ⁴ Inkhosi yakha live ngekulunga, kodvwa loyo lofuna imali uyalidzabula. ⁵ Indvodza leyenga makhelwane wayo yandzisa linetha etinyaweni tayo. ⁶ Esonweni semuntfu lomubi kuyatsiya, kodvwa lolungile umuntfu uyahlabela phindze ajabule. ^{7 8} Lolungile umuntfu uyawati emalungelo alohluphekile; lomubi umuntfu akacondzi lwati lolunjena. Labahlekako basusa umlilo edolobheni, kodvwa labo labahlakaniphile basusa kukwata. ⁹ Uma umuntfu lohlakaniphile asekuphikisana nesilima, uyakwata futsi ahleke, futsi kutawuba bete kuphumula. ¹⁰ Labomele ingati bayamunyanya longenakusolwa futsi bafuna imphilo yalabakahle. ¹¹ Silima siyakubonakalisa kukwata kwaso, kodvwa lohlakaniphile uyakubamba futsi atehlise phansi. ¹² Uma umbusi anaka emanga, tonkhe tindvuna takhe titawuba tibi. ¹³ Umuntfu lohluphekako nalocindzetelwe bayafana, ngoba Simakadze unika kukhanya emehlweni abo bobabili. ¹⁴ Uma inkhosi incuma labahluphekako ngeliciniso, bukhosi bakhe butawakhiwa phakadze. ¹⁵ Luswati nebufakazi bunika kuhlakanipha, kodvwa umntfwana lokhululwe ekucondzisweni ubeka makwakhe ehlazweni. ¹⁶ Uma bantfu lababi basemandleni, tiphambuko tiyekhula, kodvwa bantfu labalungile bataweubona kuwa kwalabo bantfu lababi. ¹⁷ Condzisa indvodzana yakho utawunika kuphumula; utawuletsa kujabula emphilweni yakho. ¹⁸ Lapho kute khona umbono wekupholofitha ebantfwini ugijima ehlatsini, kodvwa loyo lobeka umtsetfo ubusisiwe. ¹⁹ Sigcila angeke silungiswe ngemagama, naloku acondza, kutawuba bete imphendvulo. ²⁰ Uyayibona indvodza lekhuluma iphangise emagama ayo? Likhona litsemba lesilima kunaye. ²¹ Loyo lophatsa kahle sigcila sakhe ebusheni,ekugcineni kwako kutawuba bete inkinga. ²² Umuntfu lokwatile ususa lutfutfuva nemphatsi lonetfukutselo wenta tono letinengi. ²³ Kutigcabha kwemuntfu kumuletsa phansi, kodvwa loyo lonemoya lotfobekile utawuniketwa kudvunyiswa. ²⁴ Loyo lophana nelisela unyanya imphilo yakhe; uva sicalekiso angasho lutfo. ²⁵ Kwesaba kwemuntfu kwenta lugibe, kodvwa loyo lotsembela kuSimakadze utawuvikelwa. ²⁶ Labanengi balabo labafuna buso bembusi, kodvwa kuSimakadze kulunga kwemuntfu. ²⁷ Umuntfu longakalungi ulihlazo kubantfu labalungile, kodvwa loyo tindlela takhe tilungile tiyanyanyisa kubantfu lababi.