¹ Ngalelolanga lengoma lena itawuhlatjelwa eveni laka Juda: Sinelidolobha lelinemandla; NKulunkulu wente emabondza alo insinsdziso nemincele. ² Vula emagede, kute lesive lesilungile lesigcina kukholwa sitawungena. ³ Lengcondvo lehlala kuwe, utawumugcina endzaweni lekahle, ngoba wetsembele kuwe. ⁴ Yetsembela kuSimakadze phakadze; ngoba kuSimakadze, Simakadze, ulidvwala laphakadze. ⁵ Ngoba utawuletsa phansi labo labaphila ngekutigcabha; Lelidolobha leliphakeme utalilalisa phansi, utawulala phansi emhlabatsini; utalilinganisa nemhlabatsi. ⁶ Litawunyatselwa phansi tinyawo talabahluphekile nalabamphofu. ⁷ Indlela yalabalungile icondzile, lolumngile; indlela yalolungile uyenta icondze. ⁸ Yebo, endleleni yetincumo takho, Simakadze, siyakumela wena; ligama lakho netento takho tingulesikufunako. ⁹ Ngikulangatelele wena ebusuku; yebo, umoya wami ngekgatsi kwami ufuna wena ngeliciniso. Ngoba uma tincumo takho tita emhlabeni, labantfu balomhlaba batawufundza ngekulunga. ¹⁰ Umusa awukhonjiswe kulababi, kodvwa angeke akufundze kulunga. Eveni lalabacotfo wenta bubi futsi akaboni bukhosi baSimakdze. ¹¹ Simakadze, sandla sakho siphakamiselwe etulu, kodvwa ababoni. Kodvwa batawubona inshisekelo yakho yebantfu besebabekwa ehlazweni, kodvwa umlilo wetitsa takho utawubadla bona. ¹² Simakadze, utawuletsa kuthula kitsi; kod wa mbamba, utawube uyifeze yonkhe imisebenti yetfu. ¹³ Simakadze nkulunkulu wetfu, labanye baphatsi ngaphandle kwkahe babuse etukwetfu; kodvwa sidvumisa ligama lakho kuphela. ¹⁴ Bafile, angeke baphile; abasaphili, angeke bavuke. Ngicinisile, ufike ngesimcumo wababulala, wenta sonkhe sikhumnuito sabo sabhubha. ¹⁵ Ukhulise lesive, Simakadze, ukhulise sive; Uyadvunyiswa; wandzise yonkhe imincele yalelive. ¹⁶ Simakadze, enkingeni babuke kuwe; bahlebile emithantazweni uma kucondzisa kwakho bekukubo. ¹⁷ Njengemfati lotetfwele sekusondzela sikhatsi sakhe sekutsi atale, uma sekasetinhlungwini akhala tinhlungwini takhe tekutala, sibenjalo natsi phambi kwakho, Simakadze. ¹⁸ Sike sakhulelwa, sike sahelwa, kodvwa kungatsi sibeleke kuphela umoya. Asikayiletsi insindziso emhlabeni, nebantfu belive abakawi. ¹⁹ Bakho labafile batawuphila; imitimba yabo lefile itawuvaka. Vukani nimemete ngenjabulo, utawuphila elutfulini; ematolo akho ngematolo ekukhanya, nemhlaba utawuletsa kufa kwawo. ²⁰ Hambani, bantfu bami, ngenani emagumbini enu nivale iminyango emvakwenu; bhacani kancane kute lokukwata kwendlule. ²¹ Ngoba, buka, Simakadze sewutaphuma endzaweni yakhe atojezisa bantfu balomhlaba ngekona kwabo; umhlaba utawumbula kucitseka kwengati yawo, angeke asafihla lababulawo bawo.