¹ Nguloku Inkhosi Simakadze lengikhombise kona. Buka, wakha libulu lwetintsetse mzukwana silimo sentfwasahlobo sicala kumila, bese, buka, kwakusilimo lesiphutile emvakwekutsi inkhosi ivunile. ² Nasebacedze kudla letilimo talendzwo, base batsi, "Nkhosi Simakadze, ngicela ungicolele; Jakobe utosindza kanjani? ngoba muncane kakhulu. " ³ Simakadze washintja ingcondvo kuloku. "Angeke kwenteke," washo loku. ⁴ Ngunaku Inkhosi Simakadze lengikhombe kona: Buka, Inkhosi Simakadze ubite umlilo kutsi atohlulela. Komisa indzawo lenyenti, emanti lasekhatsi ngephasi kwemhlaba phindze bekungawucedza wonkhe umhlaba, futsi. ⁵ Kepha ngatsi, "Nkulunkulu Simakadze, ngicela ume; utosindza kanjani Jakobe? Ngoba muncane kakhulu." ⁶ Simakadze washintja ingcondvo ngaloko, "Naloku angeke kwenteke," Kwasho Inkhosi Simakadze. ⁷ Ngunaku langikhombise kona: buka, Inkhosi yema ngasebondzeni, nelusinga esandleni sakhe. ⁸ Simakadze watsi kimi, "Amosi, ubona ini?" Ngatsi, "Lusinga." Yase Inkhosi itsi, buka, Ngitofaka lusinga ebantfwini bami iIzrayeli. Angeke sisabashiya baphila. ⁹ Tindzawo letisetulu ta Isaya titobhidlitwa, tindzawo tekukhontela taka Izrayeli titowonakala, ngitophindze ngimelelane nendlu yaJerobhami ngenkemba." ¹⁰ Bese Amaziya, umpristi waseBetheli, watfumela umlayeto wawuyisa ku Jerobhomi, Inkhosi yakaIzrayeli: "Amosi sokujikele wena ekhatsi endlini yaIzrayeli. Lendzawo angeke iwakhone onkhe lamagama. ¹¹ Ngoba nguloku Amosi lakusho, 'Jerobhomi utofa ngenkemba, naIzrayeli utobaleka kulendzawo yakhe." ¹² Amaziya watsi kuAmosi, "Mpholofethi, hamba, gijima ubuyele endzaweni yaJuda, lapho ufike udle sinkhwa upholofethe. ¹³ Kepha ungasapholofethi lana eBhetali, ngoba yindzawo yeNkhosi yekukhonta futsi yindlu yebukhosi. ¹⁴ Wase Amosi utsi ku Amaziya, "Angisuye umpholofethi noma indvodzana yempholofethi. Ngingumelusi, futsi ngiphindze nginakekele netihlahla temakhiwa. ¹⁵ Kepha Simakadze wangisusa ekuluseni tinkhomo watsi kimi, 'Hamba, pholofetha kubantfu bami iIzrayeli. ¹⁶ Nyalo lalela livi laSimakadze. Utsi, 'Ungapholofethi umelelane ngaIzrayeli, futsi ungakhulume umelelane nendlu yaIsaya.' ¹⁷ Ngakoke nguloku Simakadze lakushoko, 'Umfati wakho utoba yingwadla edolobheni; emadvodzana akho kanye nemadvodzakati akho atowa ngenkemba; Umhlaba wakho utokalwa aphindze ahlukaniswe; nitokufa endzaweni lengakahlanteki, ngako Izrayeli noma kanjani utobaleka kulomhlaba wakhe."