¹ Kwase kuyafika kutsi Nahashi, inkhosi yebantfu base Amoni, yafa, yase indvodzana yakhe iba yinkhosi endzaweni yakhe. ² Davide watsi, '' ngitawukhombisa sineke ku Hanun indvodzana ya Nahashi, ngoba babe wakhe wakhombisa sineke kimi.'' Ngako Davide watfumela titfunywa tiyomudvudvuta mayelana nababe wakhe. Tisebenti ta Davide tangena eveni lema Amoni taya ku Hanun, kute titamudvudvuta yena ³ Kodvwa letinkhosana tema Amoni tatsi ku Hanun, '''Nawucabanga Davide uyamhlonipha yini babe wakho ngoba utfumele emadvodza atokudvudvuta? Letisebenti atiti kutowubuka lelive kute titalibhubhisa?'' ⁴ Ngako Hanun watitfumba tisebenti ta Davide, wabahhula, wajuba tingubo tabo kuya elukhalweni, etulu etibunu tabo, wase uyabahambisa. ⁵ uma bachaza loku kuDavide, watfumela kuhlangana nabo, ngoba lamadvodza abehlazeke kakhulu. Lenkhosi yatsi, ''Hlalani eJericho kute tilevu tenu tikhule, bese niyabuya.'' ⁶ Uma ema Amoni abona kutsi abesaliphunga kuDavide, Hanani nema Amoni atfumela inkhulungwane yemathalente esiliva ayocasha tinkalishi tase Aramea nemadvodza elihhashi eNahariyami, Maacah, nase Zobah. ⁷ Bacasha tinkhulungwane letimashumi lamatsatfu nakubili tetinkalishi nenkhosi yase Maacah nelibutfo lakhe, labeta bahlala ngase Medeba. Ase ema Amoni ahlangana kanyekanye kusuka emadolobheni abo baphumela ngaphandle emphini. ⁸ Uma Davide eva ngako, watfumela Joab, nelibutfo lakhe lonkhe liyohlangana nabo. ⁹ Labantfu base Amoni baphumela ngaphandle balayinela imphi ekungeneni kwelidolobha, ngesikhatsi emakhosi lebekatile beka odvwa ensimini. ¹⁰ Uma Joab abona lamalayini emphi amhlasele embili nasemuva, wakhetsa labanye labalwa kahle baka Israyeli wabalungiselela kulwa nema Arameniya. ¹¹ Ngayoyonkhe lemphi, wayinikela endvuneni yase Abhishayi umnakabo, wababeka emalayinini batokulwa nelibutfo lase Amoni. ¹² Joab watsi, ''Nangabe ema Aramiya acine kakhulu kunami, utawubese wena, Abishayi, uyangikhulula. Kodvwa nangabe lomubutfo wa Amoni ucine kakhulu kunawe, Mine ngitawuta ngitakukhulula wena. ¹³ Cina, asitibonise sicinile kulabantfu betfu nasemadolobheni etfu kuNkulunkulu wetfu, ngoba simakadze utawukwenta lokuhle emehlweni akhe.'' ¹⁴ Ngako Joab nelibutfo ahamba ayolwa imphi yabo nema Amariya, baphoceleleka kutsi babaleke phambi kwelibutfo laka israyeli. ¹⁵ Uma lelibutfo lema Amoni libona kutsi ema Aramiya asabalekile, nabo babaleka kumnakabo Abishayi Joab babuyela emuva edolobheni. Wase Joab ubuyela kubantfu base Amoni wabuyela emuva eJerusalema. ¹⁶ Uma ema Amariya abona kutsi abesahlulwa ngema Israyeli, atfumela kutsi kulandvwe labanye kusukela ngesheya kwemfula i Yuferatsi, na Shofakhi indvuna yelibutfo lase Hadadezera. ¹⁷ Uma Davide atjelwa loku, wabutsisa onkhe ema Israyeli kanyekanye, wewela iJodane, weta kubo. Wahlanganisa libutfo lelitokulwa nema Aramiya, base bayamulwisa. ¹⁸ Ema Aramiya abaleka ka Israyeli, na Davide wabulala tinkhulungwane letisikhombisa tebagibeli betinkalishi base Aramane netinkhulungwane letingemashumi lamane temasotja etinyawo. waphindze wabulala Shophak, indvuna yelibutfo. ¹⁹ Uma onkhe emakhosi labekatisebenti tase Hadadeza abona kutsi bebahlulwe ngu Israyeli, benta kuthula naDavide ase akhonta bona. Ngako labantfu base Arami bebangasafuni kusita ema Amoni.