¹ Yobu anayanka na kuti, ² "wamutandiza bwanji wamene alibe mpamvu! watandiza bwanji kwanja ilibe mpamvu! walimbikisa ³ bwanji wamene alibe nzelu na kumuuza mapunzilo yabwino! ⁴ na tandizo ya ndani yamene wakambila mau aba? ni muzimu wandani wamene wacoka muli iwe? ⁵ Bakufa bama njenjema, baja bali pansi pa manzi na zonse zonkala mukati. ⁶ Sheol ali cintaku pamenso pa Mulungu; cionongeko pa ceka ni cosabisika pa menso pake. ⁷ anapanga kumwamba pali malo yalibe kantu, na kufaka calo palibe ciliconse. ⁸ Amamanga manzi mu makumbi yake yotikama, koma makumbi siyamang'ambika pansi pake. ⁹ Amabisa pamwamba pa mwezi na kufakapo makumbi. ¹⁰ Anafaka malile yozungulila malo ya manzi monga mzela pakati pa kubala na mudima. ¹¹ Vibumba va kumwamba vinjenjema na kudabwa pa kuzuzula kwake. ¹² Amankazikisa bata pa msinje na mpamvu zake; pa kumvesesa kwake anavalilatu Rahabi. ¹³ Na mpamvu zake anapanga kumwamba kunkala kooneka bwino; kwanja kwake kunalasa njoka yotaba. ¹⁴ Yanganani, ivi ndiye koma kotela kwa njila zake; ni kung'ono bwanji kubelebesa kwamene timvelaza eve! ni ndani angamvesese kugunda kwa mpamvu zake?"