¹ Lomba pamene Sanibala, Tobiiya, na Gesemu mu Arabu na adani basu onse becimvwa kuti tamanga soti mpanda na kuti kwenzeve mbali iliyonse yophwanyika yesala, olo kuti nenze nikaliyeika viseko pa mlyango, ² Sanibalati na Gesemu betuma mau kwa neo kuti, "wela, tiyeni tikumane payakine mu cigwa ca Ono." Koma benzofuna kuti banicite ciipa. ³ Netuma authenga kuli beve, kuti, "nucita nchito ikuleni, ndipo ningawele lini. Nchito ipaninamailenji panuisiya na kuza kwa mweo?" ⁴ Benitumira uthenga umozi na umozi kafolo, nebayankha cimozi-mozi nthawi yonse. ⁵ Sanibalati etuma wanchito mnjira imozi na imozi kwa nthawi ya faifi, na klata yosegula m'manja mwake. ⁶ Mkati mwake mwenzolembewa kuti, "kwamvwika mwa amitundu, na Gesemu naye olabila teeto, kuti weo na Ayuda mupangana kuukila, pakuti niye cifukwa cake mumanga soti mpanda. Mwazumvwekera, uli pafupi kunkhala mfumu yao. ⁷ Mwasakha sot aneneri kuti anenere mu Yerusalemu za weo, kuti, 'uyu niye mfumu ya Ayuda!' usimikizye kuti mfumu iimvwe za ici. Moteto wela tiye tikambirane nkhani yi pamozi." ⁸ Ndipo netuma mau kwake kuti, "kuliye citike cinthu coteto mwaunenera pakuti mweingo vipanga mumtima mwako." ⁹ Pakuti benzoigofuna kutiyofya, kuganiza kuti, manja bao balete nchito na nchito siicitika." Koma lomba, Mulungu, napapata limbikishani manja bangu. ¹⁰ Neluta kung'anda kwa Semaya mwana wa Delaya, mwana wa Mehetabeli amene enze ovaliliwa mng'anda mwake, eciti, 'tiyeni tikumane pamozi mu ng'anda ya Mulungu, mkati mu kacisi, tiyeni tivale viseko va kacisi, pakuti bakuza kuzokupaya. Usiku bakuzokupaya." ¹¹ Neyankha, "ko munthu monga neo ningathabe? ko munthu neo ningalute mu kacisi kungokuti apulumuse moyo wake? sinilobamo!" ¹² Nezindikila kuti ni Mulungu lini omutuma koma kuti onenera mosushana na neo. Tobiya na Sanibalati bemulemba nchito. ¹³ Bemulemba nchito kuti anicitishe mantha, koteto kuti nichite cenena kucimwa, koteto kuti anpase zina liipa na kunimvwisha nsoni. ¹⁴ Mukumbukile Tobiya na Sanibalati, Mulungu wangu, na vonse vibecita. Mukumbukile soti mneneri mwanakazi Nowadiya na aneneri onse benzoyesa kuniyofya. ¹⁵ Teto mpanda wesila pa siku la twenti faifi la mwezi wa Eluli, payepita masiku fifite thu. ¹⁶ Pamene adani basu onse becimvwa za ici, na vyalo vonse votizungulila becita mantha ndipo bepona ngako m'menso mwao. Pakuti beziba kuti nchito yecitika na thandizo la Mulungu wasu. ¹⁷ Pa nthawi iyi bakulu bakulu ba Yuda betuma makalata banyinji kwa Tobiya, ndipo na makalata ba Tobiya bewela kwa beve. ¹⁸ Pakuti benze banyinji mu Yuda benzomangika na lumbiro kwa beve, pakuti enze mkweni wa Sekaniya mwana wa Ara. Mwana wake Yehohanani elungula mwana mwanakazi wa Mesulamu mwana wa Berekiya. ¹⁹ Belabila soti na neo za nchito zake zabwino na kumuuzya mau bangu kwa eve. Makalata betumiwa kwa neo kucokera kwa Tobiya kuniyofya.