¹ patapita izi panali musokhano wa ayuda, ndipo yesu anapita kuyerusalemu. ² muyelusalemu polobela pa mupanda panali mukolo waukulu. umene mucitundu ca Aramaiki cuitiwa kuti Betiaida. Ndipo yenze na mitenje faive. ³ Unyinji wa bathu olwala, osalang, olemala olo ozizila mendo ezoikiwa mwamene mwala. ⁴ . ⁵ Muthu mu yakine eze olwala zaka feti-eiti yezi. ⁶ Yesu pemu ona alilele pasi, koma eziba kuti enze elwala kwaka thawi. eciti kwa eve, ''' ufuna kukhala bwino?.'' ⁷ Olwala eyakha, lidoda nilye muthu oniyika mu manzi mungelo akavundula. pala panukuya, muyakine walobamo kale''. ⁸ Yesu eciti kwa yeve, '' panama tola phasa pako, yenda. ⁹ Pamene apo lidoda yepola, ndipo etola phasa yake. loma yenze siku yasabaya. ¹⁰ Teto ayuda eciti kwa ula epoleshewa, "ni sabata lero ndipo ulolewa lini kunyamula mphasa yako." ¹¹ Eyankha, "wamene wanipolesha wanena kuti kwa neo, "nyamula mphasa yako uyende." ¹² Emkonsha, nibani uyu munthu wakuuzhya kuti 'nyamula uyende'?" ¹³ mwaico, epoleshewa enze aliye zibe kuti nibani pakuti Yesu ecokako mwacinsinsi, pakuti penze gulu likul pamalo apo. ¹⁴ Pasogolo pake, Yesu emupeza mkacisi nakuti kwa eve, " Ona, wankhala bwino osacimwa soti, koteto kuti ciipa copambana ici cisakakucitikile." ¹⁵ Ula munthu eluta nakubauzhya kuti ni Yesu emupolesha. ¹⁶ Lomba kamba ka ivi vinthu ayuda emlonda-londa Yesu, pakuti ecita vinthu ivi pa sabata. ¹⁷ Yesu ebayankha beve, "Atata okata nchito olo na lomba, na neo nane nukata nchito." ¹⁸ Kamba ka ici ayuda efunishisha kumupaya osati ndaba ephwanya sabata eka, koma ndaba soti enzoita Mulungu kuti na Awisi bake, kupanga eve eka kulingana na Mulungu. ¹⁹ Yesu ebankha kuti, "nchendi, nchendi, mwana angacite lini kanthu pa eve eka, peka-peka akaona vakucita awisi, pakuti ilivonse vakuta awisi, mwana naye ndiye vakucita. ²⁰ Pakuti awisi okonda mwana ndipo mlangizhya vonse vakuta beve, ndipo amlanizhye vikulu voposa ivi koteto kuti mkadabwe. ²¹ Monga Atata ousha akufwa na kubapasa moyo, na mwana naye opasa moyo ku aliyense wanfune. ²² Pakuti Atata oweeuza lini aliyense, koma epasa mwana kuweruza konse ²³ kuti aliyense akalemeke mwana monga mwakulemekezela awisi. Wamene olemekeza lini mwana, olemekeza emtuma. ²⁴ Nchendi, nchendi, wamene akumvwa mau bangu nakukhulupilila wamene enituma ali nao moyo ndipo akasushiwe lini, koma wapyola kufuma ku imfwa kuloba mu moyo. ²⁵ Nchendi, nchendi, nukuuzhyani nthawi ikuza ndipo nilomba pamene bakufwa bati bakamvwe bakabe na moyo. ²⁶ Pakuti monga Atata ali na moyo mwa beve beka, eto apasa soti na mwana kuti ankhale na moyo mwa eve eka. ²⁷ Ndipo Atata apasa mwana ulamulilo kuti acite ciweruzo pakuti nimwana wa munthu. ²⁸ osadabwa pa ici, pakuti ikuza nthawi pamene onse ali m'manda bakambwe lizu lake ²⁹ na kufuma: bala becita bwino bakaukile ku moyo, na bala becita viipa bakukile ku ciweruzo. ³⁰ Paliye cingacite pa neo neka, ikayamba kumvwa, nuweruza, na ciweruzo cangu nicolungama ndaba nufuna lini cifunilo cangu koma cifunilo ca wamene etuma. ³¹ Ngati nucitila umboni za neo neka, umboni wangu ube lini wa cendi. ³² Kuli muyakine ocitila umboni za neo ndipo nuziba kuti umboni wakunicitila ni oona. ³³ Mweo mwetuma kwa Yohane ndipo ecitila umboni oona. ³⁴ Koma umboni unulandila sufumila ku munthu. Nulabila ivi vinthu kuti mupulumusiwe. ³⁵ Yohane enze nyale yenzoyaka notubisha, ndipo mwenfuna kukondwela mu kutuba kula kwa kanthawi. ³⁶ Koma umboni wanilinao niukuleni kuposa ula wa Yohane, Pakuti nchito zanipasa Atata kuti nikwanilishe, ndiye zamene zanicita, citani umboni za neo kuti Atata ndiye anituma. ³⁷ Atata enituma beve beka banicitila umboni. mukaliye mwapo lizu nakuona mwakuonekela pa nthawi iliyonse. ³⁸ Muliye mau yamne enkhala mwa mweo pakuti mukhulupilila lini muli wamene wetuma. ³⁹ Musanthula mau a Mulungu pakuti muganiza kuti muli beve muli nao moyo, koma amene ocitila umboni za neo, ⁴⁰ Ndipo mufuna lini kuwela kwa neo kuti munkhale nao moyo. ⁴¹ Mulandila lini mayamiko ku banthu, ⁴² koma nuziba kuti muliye cikondi ca Mulungu mwa mweo mweka. ⁴³ Nawela mzina ya Atata koma mulandila lini. Ngati muyakine angawele mzina ya eve eka, mungalandile. ⁴⁴ Mungakhulupilile tyani, mweo mulandila mayamiko kwa m'mozi na muyake, koma musakila mayamiko ofumila kwa Mulungu m'mozi yeka? ⁴⁵ Osaganiza kuti neo ningakunizhyeleni pa menso pa Atata. Okunamizhyilani ni Mose. wamene mwa eve mweika ciyembekezelo canu. ⁴⁶ Ngati mwekhulupilila Mose, munganikhulupilile neo, pakuti elememba za neo. ⁴⁷ Ngati mukhulupilila lini vecilemba, mukhulupilile tyani mau bangu?"