¹ Unizho kaambo nku twaamba nkukaka, tulikwete mupayizhi mukando uu shite kwitashi lya lulyo ku chuuna cha shinsana wa mazeulu, ² musebezhi mu busena busalala, itente lini lini lelyo Mwami, ndyaakabika mwini, kutali muntu. ³ Kaambo woonse mupaizhi mukando u lasalwa kupa shipo alimwi u shipayizho, u bobo kulazandika kukwata chakupa. ⁴ Unizho naakuti Kilisito naakuli ano anshi, naatakaba mupaizhi naa shoonse, u kuti nkubali babo bapa shipo kwiingaina u mulawo. ⁵ Balasebeza ukoya chinhwule cha shintu sha mazeulu. Kachili ukoya Mozesi mbwaa kachenjezhewa kwa Leza lelyo naakaakuzanda kuzaka itente: Leza wakaamba ati, "Bona kwaamba ati washipanga shoonse shintu kwiingayina umbuchakaakubele checho nchiwakatondezhewa alupili." ⁶ Pele ninzho Kilisto wakatambula mulimo mubotu wa bupayizhi, mbubona mbwali kuti aze muzhiminizhi wa chihwuminano chibotu, checho chizhimine a shishomezhi shibotu. ⁷ Kuti chihwuminano chakutaanguna nichakaakwiina butongo, nikwaakwiina chabili chikonzha kukapulwa. ⁸ Ubobo lelyo Leza naakayana butongo ku bantu, wakaamba ati, "Bona, mazuba alakashika-- mbwaakaamba Leza-- Ume ndakabika chihwuminano uba ng'anda ya Izilayili alimwi uba ng'anda ya Juda. ⁹ Chechi chihwuminano tachikakozhani u checho nchindakapa ba shaakale babo ku buzuba mbundakababweza u kubasololela kuhwa munshi ya Ijipiti. Kaambo bayina nibakachilila kabotu kabotu chiwumunano changu, Ame ndakabalekelezha beni-- mbwaamba Mwami. ¹⁰ Chechi nchi chihwuminano checho nchinkaapanga uba ang'anda ya Izilayili ku mazuba azo --mbwaamba Mwami. Ndakabika milawo yangu mu mizeezo yabo, alimwi ndakayilemba a myonzo yabo. Ndakaba Leza wabo, alimwi abo balakaba bantu bangu. ¹¹ Kwiina naaba womwi uzandika kuya kuyiisha mweenzhiina naaba munina, kwaamba ati, 'muzhibe Leza,' boonse balakanzhiba, kuhwa ku mushoonto kushika ku mukandosha. ¹² Ubobo ndakabafwila luse ku michito yabo, alimwi shibi shabo tashikazhibalukwa linji." ¹³ Inzho naakachaamba chechi chihwuminano ati "nchipiya," wakabika chihwuminano chitaanzhi kuba chikulu kulu, alimwi checho chaba chikulu kulu alimwi u kuchembaala ati chaba afwaafwi u kuloba.