¹ Kufumbwa wezo ushoma ati Jeso inguwe Kilisito ulizhelwe kuvwa Kwa Leza, alimwi kufumbwa ufna ushi ulimufwini umwana ngwazhele. ² Bobo imbubo mbutukonzha kuzhiba ati tulibafwini banakwe Leza: kuti tuli mufwini Leza ukutobela milawo yakwe. ³ Ukuti lolu indulo luzando kwa Leza: kwaamba tukwate milawo yakwe. Alimwi milawo yakwe tauli mukuli ulema. ⁴ Ukuti woonse uzhelwe kwa leza ulaluzunda Luundu. Alimwi koku inkuko kuzunda luundu,alimwi u lushomo lwesu. ⁵ Nguni wezo uzunda Luundu? Nguwezo ushoma ati Jeso Mwanakwe Leza. ⁶ wezu inguwe wakeza u menzhi alimwi u bulowa: Jeso Kilisito. Wina kukeza bulyo u menzhi, pele u menzhi u bulowa. Moza inguwe upa bumboni, nkaambo Moza mbubwini. ⁷ Ukuti kuli shotatwe shipa bumboni: ⁸ Moza, meenzhi alimwi u bulowa. Shintu sheshi shotatwe shili muchivuminano. ⁹ Kuti twatambula bumboni bwa bantu, bwalo bwa Leza mbukandosha. Ukuti bobu imbubo bumboni mbwapa Leza ubwaamba Mwanakwe. ¹⁰ Kufumbwa wezo ushoma mu Mwanakwe Leza ulikwete bumboni muli nguwe. Kufumbwa wezo utashomushomi Leza walipa kuba mubeshi, nkaambo tabushomi bumboni Leza mbwapa ubwaamba Mwanakwe. ¹¹ Alimwi bumboni mbubobu: Leza wakatupa bumi butamana, alimwibumi bobu buli mu Mwanakwe. ¹² Wezo umukwete Mwanakwe ulikwete bumi. Wezo utakwete Mwanakwe Leza wiina bumi ¹³ Ndamulembela shintu sheshi kwamba muzhibe ati mulikwete bumi buteeli - kuli umwe nimushoma mwizhina lya Mwanakwe Leza. ¹⁴ Alimwi, lolu ndulushomo ndutukwete kwakwe, kwaamba kuti twalomba kufumbwa chintu ku Luzando lwakwe, ulatutelela. ¹⁵ Alimwi, kuti tulizhi ati ulatutelela - Kufubwa checho nchitwalomba kwakwe - tulizhi kwamba tulikwete kufumbwa nchitwalomba kwakwe. ¹⁶ Kuti umwi wabona munina wachita chibi chitaleti lufu, wezo ulyelele kukomba, amana Leza ulamupa bumi. Ndaamba kuli babo bakwete shibi shalo shitaleti lufu, Kuli checho chibi chalo chileta lufu; nshaamba ati ulyelele kukombela chili bobo pe. ¹⁷ Boonse busofwaazhi nchibi, pele kuli chibi chitaleti lufu. ¹⁸ Tulizhi kwaamba ati woonse uzhelwe kwa Leza tachiti chibi. Pele wezo wakazhalwa kwa Leza ulamukwabilila, alimwi wezo mubiyabi tamuchisa. ¹⁹ Tulizhi kwaamba twakavwa kwa leza, tulizhi kwamba lundu luli munsana shabachita shibi. ²⁰ Tulizhi ati Mwanakwe Leza washika alimwi watupa luzhibo kwaamba tumuzhibe walo wezo utabeyi. Alimwi, uswe tuli mwakwe wezo utachengi, mu Mwanakwe Jeso Kilisito. Wezu inguwe Leza mwini mwini alimwi u bumi buteeli. ²¹ Nubana amulisosolole kushibumbwa.