¹ Omo vacisakuile ngua vatele kuzavula hakuya mu Itali, va hele Paulu na tuyili vamo kuli kapitau ualizina lia njulisi ua civunga ca masualale. ² Tualondela muuato kufuma ku Andamatimo ovu uakele na kuya mukulo ya Asia.Sikaho tuayile ku cisali.Alisitasa uakufuma ku Teselonika mu Mesondone tuayile neni. ³ Omu mukuacele tuahetele kumbaka ya Sindone, kuze njulisi amulamv Paulu muacili na kumutavesa aye kuli masepa zieni atambuele ukuasi. ⁴ Kufuma haze tuaile ku cisali na kuzauka kukulo ya sipulu, ku hiehi na cikuli, momo luhundzi luezile kulietu. ⁵ Omo tuazaukile cisali na ku heta kue Silisia na Pamefilia, tuahetele ha mila, mbaka ya lisia. ⁶ Haze vene, kapitau auanene vuato uakufuma ku Alesandeliya uze uakele nakuzauka kuya ku Itali. A tuhakelomo. ⁷ Omo tuakuya ma cindende ha matangua a yengi tuahetele unoni naukalu kuhiehi na kenindu kaha na luhuzi lue cele kutuitavesa yetu kuya kuze, tuakulisile muvilombo sinya lia kelete,ha sungamaa salemone. ⁸ Tuakulisile kucikulo navukalu, ajo mu tuezile kungalila imo vavuluka nguavo mu cikuma cakuviuka, yakala ku hiehi na mbaka ya laseya. ⁹ Tuambatelet simbu yayingi cikuma, tsimbu ya va Yundeya iye yakulikela kulia yahitile, kaha cezile na kupua cacikalu kuya na vuato. Sikaho Paulu avahuhumuine, ¹⁰ kaha ahandekele ngueni,"Vamala, njamona nguange ovu vungezi ualaha tuli na kutonda kuya ukukula uakuvulumuka na kuhona, keti lika citeli na vuato, olondzo na miono yetu." ¹¹ Olondzo kapitau aliungumikile cikuma na mezi a mukulutu na kuli ivene ua vuato kuhambakana vize viuma via handekele Paulu. ¹² Muomuo mucavu kamuakele muamuasi kutumamamo tsimbu yamasika, vavengi vaze vakele muvuato vava kuasele nguavo va zauke kufuma kuze, menga kuakele mukuavo muakulingila menga va hetele kumbaka ya Fuenise, va kumanese masika kuze vene. Fuenise iti mucau ca kaleta, kutalekesa kuose kuvali musamukoua mulahako na vuhili ua kulahuko. ¹³ Kaha omo luhundzi lua putukile kuhuhumuku kufuma kumusako, na va kaku zavula vuato vasi nganyekele nguavo vana viuana vi vatondele. Sikaho va kutile ntambo kuvuato na kuzavuka muaya kelete, kuhiehi na kusinya ¹⁴ Unone ha kuhita tsimbu yayi ndende luhundzi lua mankanya azindzili, veku sana nguavo vuhili ua kumuntuntuko lua putukile ku sikumuka cindende cindende kufuma ku cikuli. ¹⁵ Omu vuato vaukuatile kumanokanya kaha tuecele na kuya muluhundzi, tuahanene ndzila kuma kanya kaha va tuendesele kuluhundzi. ¹⁶ Tuahitile ku hiehi na cikulo cacikuli cacindende vekusana nguavo kahundi, na ukalu tuakele navo tuahasele ku uana vizalo viamuvuato. ¹⁷ Omu valingile vali navio viakuzala viamu vuato va zatesele zintambo ziazino kukuta kuitsiya vuato. vakele na kuivia vuoma, nguavo vakantutila kuntunda ya Silitisi, sikaho vasikumuile zitambo mu cisali na ku tuendesa mukulo. ¹⁸ Tumbatele luze luhuli lia kulipika na mankanya ngue tangua likuavo vakaputuka kumbila viuma helu lia vuato. ¹⁹ Ha litangua lia mu citatu vaze vakele muvuato vambilile vikungo viaku vuato nama voko avo. ²⁰ Omu litangua na vatangatanga vecele ku tamuka halietu ha mantangua aengi, namankaya akama acele kutuveta, na lutsilielo tuakele nalo nguetu tukovoka tualuecele. ²¹ Omu vendele ntunda yilako cakuhona via kulia kaha Paulu amene hakati ka vaze vakuzauka na kuhandeka ngueni, "vamala, muatelele kunjivuilila yange, menga kamuatumine vaka kuzavula kufuma kukalete, sikaho hakumbata eci kuvulumika na ku honoua nganyalo. ²² Sikaho njinakumilekaenu mu hamuke, kakuesi kupua kuzimbalesa miono hakati kenu unone mukuzimbalisa lika vuato. ²³ Utsiki uazau kangelo ua Njambi ou inja pandama, ou caka njeku zumbangela- kangelo keni emanine kuhiehi nange kaha ²⁴ hahandekele ngueni,'keti uivue vuoma, Paulu. Uatela kumana kumeso a Sezale, mumone Njambi muviuke vueni na kuhie vose vaze vali nakuzavuka nove.' ²⁵ Ngecizevene puenu vakuhamuka, vamala! Omo njatsiliela Njambi nguange viku lingika ngece muze vanjilekele. ²⁶ Olondzo tutela kuntuta hamavu na kuheta kucikuli." ²⁷ Omu tuahetele muutsiki ua mu likumi na a uana, omu vakele naku tuendesela muli eyi njila na mbengue mu cisali ca Andeliya, omu ya hetele mu kati kautsiki vakele muvuato vasinganyekele nguavo vali nakuheta kuntunda imo. ²⁸ Vatualele viakuvuilako kaha vauanene makumi avali a mapeka, omu hahitile kasimbu kakandende, vambatele viakubuilako vikuavo kaha va uanene likumi na uatanu amapeka. ²⁹ Ve vuile vuoma nguavo vakulipupa mumavue, sikaho va sikumuisile zintambo ziuana kufuma kutongo ya vuato kaha valombele nguavo cimene cize vuasi. ³⁰ Vaka kuzavula vakele nakutonda zila yakuseza vuato kaha va sikumuisila vizalo viamu vuato mu cisali, kaha valiongele nguavo vakumbila hamavu zintambo zua muvuato kufuma kutongo ya vuato. ³¹ Olondzo Paulu hahandekele kuli kapitau na kuma sualale, "kuvanga ava vamala va fumame muvuato, ngue cahi kamu kuovoka." ³² Kaha masualale vambituile zitambo zia kuvuato kaha vecele una kuhungumuka. ³³ Omu mutana uakele nakuiza, Paulu ava kolesele vose kumbata viakulia. Ha valuekele ngueni, "Eli lingua lia mu likumi na liuana muli lika hamo ngue malonda kaha munende cakuhona vuakulia- kaha nevimunali viahi. ³⁴ Kaha njinakumileka muli pangele viakulia vimo, eci cikeko kuovoka cenu. Na umo uahi halienu uka zimbalesa kufuma kumutue ueni." ³⁵ Omuo ha handekelevi, ambatele muka uavundilile kuli Njambi ku meso a vose kaha ua puzuile muka na ku putuka kulia. ³⁶ Sikaho vava kolezesele vose kaha valile via kulia. ³⁷ Tuakele 276 vantu mu vuato. ³⁸ Omu vakumisile kulia viavingi, va lingisile vuato kuleluka hakumbila tiliku mu cisali. ³⁹ Omu kuacele, kavamuene kuntunda, olondzo va muene cavu na muava, kaha valiyonguele ngue vakuhasa kutuala vuato haze vene. ⁴⁰ Kaha vazituile zintambo ziakukuatesa vuato na kuziseza mu cisali. ha tsimbu imo va kasuluile zintambo zia kuntongo na kuimika ntanga kutalekesa kuze kuakele nekuiza luhuzi; hakulinga ngoco vatalekesele kumuava. ⁴¹ Olondzo vuato uakaketelele ha muava kaha uahonene kuenda. Ntongo yakaketelele kuze kaha ya honene kuenda, kaha na ntongo ya pokokele na zindili zia makanya. ⁴² Masualale vasinganyekele kutsiha tuyili mangana naumo uahi akuhasa kuhala na kutina. ⁴³ Hunone kapitau azangele kupuluisa Paulu, kaha uava vianesele visinganyeka viavo; kaha ava lekele vaze vaku hasa kuhala vatumbuke kufuma muvuato cakatente na ku heta kuntunda. ⁴⁴ Mangana va mala vakusalaho vatela kukavangeya, vakuavo ha mapulanga, kaha vakuavo ha viuma vikuavo viafumine kuvuato. Hakulinga ngoco tuvose tuahetele muacili kuntunda.