¹ Oloni echi echi kucha bwahethele Yona cho cha mulubalethele manene. ² Cho Yona walombele kuli Yehoba nakwendeka ngwendi, "Aa Yehoba, kethi echi chikecho njendekele omo njichili mu lifuti lyange babenya ndi? Mukemo njalingile akulibanga na kwetheka kuya ku Tashishi— mwafwa njathzubukile ngwange yobe Njambi wa ñeke, na bupau, ukathimbula kulubala na kushaula na bithzango, cho ukechela kutuma bukalu. ³ Nameme ngocho oloni, Yehoba nji kulomba, ambata monyo wange kuutunditha muli yange, omo chinapu chachibwa yange kuthsa kutubakana yange kuyoya." ⁴ Yehoba wendekele ngwendi, "Chinapu chachibwa muje unalubala manene?" ⁵ Cho Yona watuukile anja ya nganda na kukatumbama kumutambela waku ngengela wa nganda. kuje wakapangele chipundo na kutumbamamo mumunthzithze mangana amone bika binapande kwija munganda. ⁶ Yehoba njambi wabwahethele mbuto nakuipanga kukola bwathi ali Yona mangana ipwe chimbembethi elu lya mutwe wendi akali katuyando lwendi. Yona wabwaaelele manene mwafwa wa mbuto. ⁷ Oloni Njambi lyamukwabo wabwahethele kushalwitha akutuhuka chalitangwa, Cho lyalukukile mbuto na mbuto yomine. ⁸ Chethzile nakupwa muje lyamukwabo omwo litangwa lya shwenene, Njambi wabwahethele lihunthzi kungangela lya kushaluka. Cho lalo, mutanya watwililile a mutwe wa Yona cho walethzumukile. Cho Yona wakulaelele ngwendi amo athsa. Wendekele kuli ikeye babenya ngwendi, "Chachibwa yange kuthsa kutubakana kuyoya." ⁹ Cho Yehoba wendekele kuli Yona ngwendi, "Chachibwa muje yobe una lubala ali mbuto ndi?" Cho Yona wendekele ngwendi, eyo chachibwa muje njalubala, nameme kubuthsi." ¹⁰ Yehoba wenedkele ngwendi, "Uli na ñeke ya mbuto, ije kwahonenene nameme kuikoletha. Yakolele mathsiki na kuthsa ikathsa mathsiki. ¹¹ Ngwe muli yange, kunjatha kyhziba ñeke ali Ninibe, ije nganda ya kama, muje muli banu batubakana chita chimo na makumi abali amakulukathzi baje kubathzubukaakati kwakusebuka kwa maboko abo akuchilyo na akuchimoshwe cho lalo na tuthitu babangindi?"