¹ Kengenim mu aje matangwa na ije thimbu, omu munjikelwitha bundungo waba Yunda na Yelusalema, ² Njikakungulula miyati yoshe, na kubanena ku mingulunga ya Josefati. Kuej bene njika bathompetha, mwafwa banu bange na buswana bwange mu Isalela, aba baba shadwela hakati ka mafuti, cho mwafwa balipangelele libu lyange. ³ Bakati lyongo habanu bange, balandelethele ba kwenje kubanakathzi babu kwithi na kulandetha lalo bambanda mukufweta kubinyu bya kunwa. ⁴ Cho, bikajo wanjilubalela, yeni baka Tile, Sindone na mafuti oshe aba Filisitiya? Mukanji fwetandi? Nameme mushaka kunji fweta, Nange bwathi bwathi njikelwitha fweto ha mutwe wobe babenya. ⁵ Yeni mwambatele siliba na ngolinde yange, cho yeni mwaneene mamanya amabwa abufuko mu tembele. ⁶ Mwalandethele banu bamu Yunda na Yelusalelma kuli ba Ngiliki, mangana mubatume kulako kubatunditha ku lifuti lyabo. ⁷ Kenga, njili kuyehi na kubabundula, kutunda ku mwela kuje ku mwabalandethele, cho njikelwitha fweto ha mutwe wobe babenya. ⁸ Njikalandetha bana bobe babanalume nabanakathzi, njikaba kundika kumaboko aba Yunda. Cho bakabalandetha kuli ba Sabene, kulifuti lya kulyala manene, yange Yehoba njinendeka." ⁹ Ambululeni echi hakati ka mafuti: "libwayetheni kulwa nthzita; indula banalume bakutakama; becheni beje kuyehi; echeni mashwalale boshe baye. ¹⁰ Fuleni matemo eni kupwa mikwale na bimoko byeni bifuleni makunga. Echeni bolwa balishashe ngwabo, njili na thzili. ¹¹ Thzambuleni na kwija, eni miyati yoshe mwathzengeleka kuno; likungululeni muba boshe. Yehoba, tumako maswalale bobe ba thzili. ¹² Echeni miyati yoshe bali thzange kwija ku chana cha Johosifati. Kuje yange njikatumbama na kusompetha miyati yoshe ina thzengeleka. ¹³ Neneniko chekethi, omu bimbuto binete ha thimbu ya kuteja, ijeni muthene mangelepu, omwo bushuka bwa binyu bwa shulu, milondo ya shulu, omwo bubi bwabo bwa tumu. ¹⁴ Kuli kuluwangana, mu mungulunga wa kusompetha. Omwo litangwa lya Yehoba lili muyehi mumingulunga ya kusompetha. ¹⁵ Litangwa na ngonde bikathzibala, bingongonothi kubikakala na cheke lalo. ¹⁶ Yehoba endeka na lijwi lya kukangwoka kutunda mu Siyone, na kutambeka lijwi lyendi ku Yelusalema. Lilu na kaye bikaninganga, oloni Yehoba akamena banu bendi, na chipaka ku banu ba Isalela. ¹⁷ "Athinoni mukathzubuka ngweni yange Yehoba Njambi yeni ou akala mu Siyone, mu lilundu lyange lya kujela, cho litangila kaketimo lalo nawa. ¹⁸ Lije litangwa likaija omu malundu akandweka na binyu bya kutobala, minnkinda iteeta mashwe, bindonga bya Yunda bikeeta meema. Cho kabwelubwelu kutunda ku njubo ya Yehoba na meema a mumingulunga ya Shitimu. ¹⁹ Ingito ikapwa ngundu, cho Endome ikapw maambo ya kuthethza ngachije, mwafwa wabukenye balingile ku banu ba kujeneka mulonga mulibu lyabo. ²⁰ Oloni Yunda akakala na banu hayayee cho na Yelusalema mukakala banu kutunda ku chikota na ku chikota. ²¹ Njikelwithila maninga abo baje kanda njilwithile, omu Yehoba akala mu Siyone.