¹ Eli likelyo lijwi lya Yehoba lije lyethzile kuli Yowele muna Putuwele. ² Thzibeni echi, yeni bakulunu, na kutolilila, yeni batungithi boshe ba lifuti. Nkuma kwasholoka laja chuma cha chifwechi mu matangwa eni nameme mumatangwa a bakulu beni? ³ Chilekeni bana beni, na kwechela bana beni bakaleke bana babo, na bana babo chikota chikaija. ⁴ Bije banathethze byendo bya bimbimba makumbi, baje banali bimbimba makumbi; bije banathethzeho bimbimba makumbi bakama, bimbimba banali; cho bije banathethzeho bimbimba, mongu banali. ⁵ Toneni, yeni baka kupenda, na kuthikwoka Lileni, yeni baka kunwa binyu boshe, mwafwa binyu byakutobala bana bibatulako kuli yeni. ⁶ Mwafwa lifuti linatuhuka ha lifuti lyange, na bithzili bya kujeneka kulaba. Mayo endi anapu mayo a ndumba, cho ali na mayo a ndumba wa chinakathzi. ⁷ Natenge mahya ange kupwa mwela wakwonowa banu cho nashulula chiti change cha mukuyu kupwa changocho. Natubula byula byawo nakubyumbila kuti; minango inathala ya kujela to. ⁸ Lila ngwe munbanda nalithzeengeleka buthzalo bwa masaka hamulonga wa kuthsa cha munalume wendi wabwanike. ⁹ Mulambu wa mbuto na mulambu wa kunwa bana bibatulako kutunda ku njubo ya Yehoba. Baje tupilisitu, bingomba ba Yehoba, banakulila. ¹⁰ Aje mahya banawapangetha; mabu anakulila mwafwa mbuto banainyongetha. Bije binyu byabiha binomu; cho mathzi anonowa. ¹¹ Kaleni na shwamwa, yeni bindimi, nakulila, yeni bakakukuna mibinyu, hamulonga wa tiliku na mbali. Mwafwa kutaja chamu mahya chinanongo. ¹² Mibinyu inajujumana na miti ya mikuyu inomu; ije miti ya mapomogilande, hamo na miti ya mushakabale, na miti ya bushuka bya apo— miti yoshe ya mumahya yajujumana. Mwafwa njolela injujumana kutunda ku chithemunwina cha munu woshe. ¹³ Lithzitikeni yeni babenya na buthzalo bwa masaka na kulila, yeni tupilisitu! Tuhuleni mbimbi, yeni bingamba ba mutula. Ijeni, laleni buthsiki bwoshe mubuthzalo bwa masaka, yeni bingamba ba Njambi yange. Mwafwa mulambu wa mbuto na mulambu wa kunwa bana bikwata kutunda mu njubo ya Njambi yeni. ¹⁴ Thaneni ba myane kulikela kulya cha kuthzila, na kuthana kulikungulula cha kuthzila. Kungululeni bakulunu na batungithi boshe ba mulifuti baije ku njubo ya Yehoba Njambi yeni, na kulilila kuli Yehoba. ^{15 16 17} Chinyengo cha litangwa! Mwafwa litangwa lya Yehoba linete muyehi. Hamulonga walyo kukaija kuthzilumuna kutunda kuli ou wa binthzili byoshe. ¹⁶ Kulya kuba chibatwileko kutunda ku mesho etu, cho njolela na kubwahelela kutunda ku njubo ya Njambi yetu ndi? Mbuto ikabolela mwithi ya biteke byayo, na bi njubo bya kutumbikila binapu bya mupolongwa, cho na bishete baka bipapwila hathi, hamulonga wa mbuto inajujuala. ¹⁸ Omu bakatete bingombe! Mabutanga abo akalumbwangeya muliwayanga mwafwa kubethi na mwila.Nmbe matanga a bimaanga akayanda. ¹⁹ Yehoba, Njililila kuli yobe. Mwafwa yuhya tunanyongetha mwila wa mumabmo, na milangi inenyeka miti yoshe yamu mahya. ²⁰ Nambe tuthitu bamu mahya bakaku hwimathanenenako, mwafwa tundonga twa meema tunomu, cho na tuhya tunanyongetha mwila wamu mambo.