¹ Nga kinshi turetira kuri Abrahamu, uuri shifwe kubuntunse? ² Pantu nga Abrahamu arungamikirwa ku kubmba imirimo, ninshari napakutakishisha, rero tekuri Resa iyo. ³ Pantu irembo ritira shai? Ryatira "Abrahamu atetekere Resa, neki kyaringirwe kuri wene." ⁴ Nomba umuntu uubomba, amaripiro tayabona ukuti bupefye, rero ayamona ukuti kufuta pa misha. ⁵ Rero umuntu ushitetekera mu mirimo yakwe nga atetekera uurungamika abashipepa ikitetekero kyakwe ekirenga ukuti arebonwa umurungami. ⁶ Davidi nao asosere aaparo pao Resa atira murungami ukwabura imirimo. ⁷ Atire, "Bariparwa abererwa pari bumpura mafunde bwabo, kabiri imembu shabo shafimbwapo. ⁸ Ariparwa umuntu uo Shikuru takaroreshe nangu panonopa rubembu rwakwe." ⁹ Eikyo bushe ukuparwa kwisa pa basembururwa, nangura mukukana sembururwa? Pantu turetira "Ikitetekero kyapenderwa kuri Abrahamu ngo uburungami." ¹⁰ Ni munshi amwene? Bushe niryo Abrahamu asemburwirwe, nangura mukukana sembururwa? Takyari mukusembrurwa, rero mu kukana sembururwa! ¹¹ Abrahamu apokerere akeshibiro ka skusembururwa nge kikakatikiro kya burungami ikyo akwete iryo ari tarasembrurwa. Uyu wari murimo wakuti engaba wishi wa bonse abasumina rero abashasembururwa, pakutira bengapenderwa pa barungami. ¹² Iki ikirepiribura ukutira Abrahamu aishireba wishi wa basembururwa tekuri abofye abashasembururwa rero nakur abo abakonka intampuro sha kitetekero sha kwa shifwe Abrahamu eyo ninshi tarasembururwa. ¹³ Uburayo kuri Abrahamu nakunko shakwe ukuti ari no kupyana ikyaro takwaishire ukupitira mwifunde rero mukupitira mu burungami bwa kitetekero. ¹⁴ Kuri abo abekarira mwifunde bari no kupyana, nga takuri ikitetekero, ikyaro kyafye. ¹⁵ Pantu ifunde ringareta ubukari, rero ukushiri ifunde takwingaba bumpura mafunde. ¹⁶ Pa murandu waiki kitetekero, pakutira uburayo bwingaba pa kusenaminwa no kushininkishiwa pa nko shonse sha kwa Abrahamu tekuri abafye abekarira mwifunde rero na kuri abo abakwata ikitetekero kya kwa Abrahamu. Shifwe wesu bonse, ¹⁷ nga firya kyarembwa, ati "Nakusonta ukuba wishi wa nko ishingi." Abrahamu ari mukyeni kya kwa uyo akyetekere, uwari ni Resa, upera umweo ku bafwa eryo uwita ifintu ifishabako ukubako. ¹⁸ Taskwete isubiro, ukuti aba wishi wa nko ishingi, ukuringana nefyo bamwebere, "Ifyo inko shobe shikaba." ¹⁹ Ukwabura ukuba uwanaka mukitetekero, asendere umubiri wakwe ukuba uwafwa(pantu ari ne myaka umwanda umo)-kabiri aroereshe napari bungumba bwa kwa Sara. ²⁰ Rero pamurandu wa burayo bwa kwa Resa, Abrahamu ari ne kitetekero. Kabiri tatenderwe rero ari koshiwe, mu kitetekero no kupera amarumbo kuri Resa. ²¹ Arishininkishe ukutira efyo Resa araya kuti afikirisha. ²² Eikyo Resa abwene ukutira murungami. ²³ Rero takyaremberwe ukuti engasekeramofye eka, ukutira kyapenderwe kuri bo. ²⁴ Kyaremberwe na kuri fwebo, uko kikapenderwa, fwebasumina muri uyo uwabushishe Yesu Shikuru wesu ukufuma ku bafwa. ²⁵ Uyo uwatufwirire pa membu shesu no kubka pakurungamikwa kwesu.