¹ Mumwaka wantashi wakwa Sailashi, imfumu yakupesha, ba Yawe kabafiklisha amashiwi yabo ayafumine mukanwa kakwa Yelemiya, kabili nekukosha umupashi wakwa Sailashi. Ishiwi lyakwa Sailashi kaliya mukyalo kyakwe kyonse. Ifi ifyalembelwe neku labilwa: ² ''Sailashi, imfumu ya Pesha, yalabila; bA yawe, ba Lesa ba mwiulu, nkabapela amafumu aya mukyalo, kabili nkabasala ukuba sompela inandamu Yelusalema mu Yuda. ³ Uyo onse ukufuma mubantu bakwe ( ba Lesa bakwe babe nakwe) nekuya ku Yelusama, ili mu Yuda, kabili ne ksompa inanda yaba Yawe, ba Lesa bakwa Isuleli, ba Lesa abali mu Yelusalema. ⁴ Abantu aba mupunsha yamu kyalo uko abapusukile aba muli kilya kyalo bakoikala nga beni bafwilwe ukubapela siliva na golide, nefipe kabili nefitekwa, nefya bupe fyakutemwa ifya nanda yaba Lesa mu Yelusalema.'' ⁵ Lomba imitwi yafikolwe nemikowa yakwa Yuda na Benjamini, aba papatilishi nebena Levi, kabili naonse uyo umupashi wakoseleshiwe kuli ba Lesa ukuya mu kusompa inanda yaba Yawe, ili mu Yelusalema, yaimine. ⁶ Nababo ababashingulukile aba kwashishe imilimo na siliva na golide ipangilwe, ifipe, inama, nafimbi, kabili nefya bupe ifyakupela abene. ⁷ Sailashi imfumu ya Pesha nayo kaipela ifipangwa ifya mu nanda yaba Yawe iyo Nebukadieza aletele ukufumya ku Yelusalema nekubika mumananda yatu ba Lesa twakwe. ⁸ Sailashi, imfumu ya Peshi, kafibika mumaboko yakwa Mitereda kasunga wafintu, uyo uwa fipende Sheshebaza, umwana umwalalume. ⁹ Neyi yali ependwa: 30 golide utubeseni, 1,000 siliva iya tubeseni, 29 utubeseni tumbi, ¹⁰ 30 utubeseni, 410 utubakuli twa siliva utunini, kabili na 1,000 ifyabikilwepo ifipangilwe. ¹¹ Kwali 5,400 golide na siliva ifipe muli fyonse. Sheshebaza kaleta fyonse ili abili mubusha baile ukufuma mu Babiloni ukuya ku Yelusalema.