¹ Icimonwa cakwa Obadia shikulu Yahweh alandile fi pabena Edomu: Tuli mukumfwe nsebo ukufuma kuli Yahweh napeka umulashi natumwa pamulandu fyalo, alimukulanda, ''ima pamulu! Aleni twime tulwe nao! ² Moneni, nebo nkamupanga ukuba abacepesha kufyalo; ukaba icakupapa icasulwa apakalamba. ³ Imisula ya mutima obe yakutumpika, mwebo mwebalimukwikala mu cakubamo ica mumpili, webo ubwikalo bobe buli mukuba pamulu; we uli mukulanda mumutima obe, ati nani wingamponesha panshi pa lukungu? ⁴ Nelyo ulimukulelemba pamuulu kwati nicembe napeka weo icinsa cobe wabika pamuulu w ntanda, ndi nokuponesha panshi ukukufumya palya-uku ekubikisha kwakwa Yahweh. ⁵ Nga abang'oo baisa kuli webo, ne mpupu baisa nabo ubushiku-kuti webatungulula-bushe teti bebe ukulinga nefyo balimukufwaya? nga bakakolonganika bafisabo baisa kuli webo, bushe teti bashe ifya kusota? ⁶ Cali shani kuli Esau ifyafitapwa, ifyuma fyakwe ifyafiswa fyali fwaikwe! ⁷ Bonse abaume bakubulwi bakusengauka bakusunkilisha ukukufishafye ku mupaka. Abaume abo mwali nabo umutende bali nokukubepa baba citeyo cobe. abalelya imikate pamo nobe bakupangila ulukose. Tapali kabili ukumfwana muli webo. ⁸ Bushe nomba nebo muli ubo bushiku- uyu ni Yahweh uuli mukubikisha- onauleni bonse abamano ku Edomu napeka umfweni kisheni monse mwempili shakwa Esau? ⁹ Abaume bena abamaka bakatenshiwa, Temani, ica kutila abaume fye bonse bali no kuputukako ukufuma ku lupili lwakwa Esau mukwipaiwa. ¹⁰ Pamulandu wacimfulunganya ico wacita kuli munonko yakobo, uli nokufimbwa ku nsoni, napeka uli no kuputulwako umuyayaya. ¹¹ Muli bulya bushiku ukemakana, muli bulya bushiku abeni, bakesasenda ifyuma fyebo, abeni bakesingila pamwinshi wakwe, bakapendula palwa Yerusalemu, nawebo nga umo uwa pali abo bene. ¹² Nomba webo ngatawatmbile ubushiku bwakwa munonko, mubushiku bwakwe ubweshamo, napeka ubushiku bwabo ubwa kumanama. ¹³ Mwiesha ukwingila pamwinshi iya bantu mu bushiku bwa kulanda; ngatamwatambalike ukuboko pa fikwatwa munshiku sha masanso. ¹⁴ Mwilaesha ukwiminina pamampatu ya nshila napeka mwilaesha ukuleta abalepusukafye mu bushiku bwa kumanama. ¹⁵ Pntu ubushiku bwakwa Yahweh nabupalama ukwisa pafylo fyonse. peka na efyo mwalicicita kuli webo; imicitile yobe ileba pamutwe obe. ¹⁶ Pantu apofye naunwa mulupili lwa mushilo, eco fyonse ifyalo bakalanwa mukutwalilila. Bakalanwa napeka ukunwa no kupempenuka bakalatwalililafye nga bashabapo. ¹⁷ Lelo mu lupili ulwa Sioni emuli nokuba abo bonse abakapusuka, napeka cikaba camushilo, naba mung'anda yakwa Yakobo bakasenda ifikwatwa fyabo. ¹⁸ Abamung'anda yakwa Yakobo ikaba mulilo, napeka ing'anda yakwa Yosefe nayo mulilo. Napeka ing'anda yakwa Esau bakaba ifisoso, napeka bakocewa ku mulilo, napeka bakaba pwishishisha. Takwakabe uwakupusukapo ku ba mung'anda yakwa Esau, pantu Yahweh nalanda ici.'' ¹⁹ Abantu bambi ukufuma ku Negebu ebakapoka mulupili kwakwa Esau napeka abantu baku mitentemuko bali no kwisapoka icalo bapelishiti. Bakesa poka icalo cakwa Eframu napeka icalo ca Samaria, napeka Benjamini alinokukwata impanga ya Gileadi. ²⁰ Bankole bonse aba aba bashilika aba bantu ba bana ba Isreali bakakwata icalo ca Kenani ukuya fika ku Zarephati. Bankole ba ku Yerusalemu, abo abali mu Sepharadi, bakakwata icalo ica Negebu. ²¹ Abalubulwa bali no kuya ku lupili lwa Sioni ku kutungulula icalo conse ica mpili sha kwa Esau, napeka ubufumu bwena kwa Yahweh.