Icipandwa 40
1
Yawe alitwalilile ukulanda kuli Yobo; ena alyebele ati,
2
"Bushe uyo onse uwukofwaya ukupililika engesha ukupindululula uwamaka yonse? Ena uyo uwulempakana na Lesa, lekeni ena asukw."
3
Nolu Yobo alyasukile Yawe no kweba ati,
4
"Moneni, nebo ntali kantu, musango ndo ningakwasukilamo webo? Nebo nabika ukuboko kwandi pakanwa kandi.
5
Nebo ndilandile limofye, kabili nebo nta asukile, libili, cinefye, lelo nebo ntakotwalilila nakabili iyoo."
6
Nolu Yawe alyasukile Yobo ukufuma mu cipupu cakutinya no kweba ati,
7
"Nomba kaka umusana ngo mwaume, ico nebo nalakwipusha amepusho webo, kabili webo ungasuke nebo.
8
Bushe kwena webo kuti waeba ati nebo ntaba nabololoke? Bushe webo juti wa nseja nebo pakweba ati webo umoneka ngo mololoke?
9
Ulikwete ukunoko kunati kwa kwa Lesa, kabili kuti wa pangalakata ne shiwiw kubati lyakwe?
10
Nomba ifwike we mwine mu basambashi no mucinshi; ufwale we mwine mu bucindami na bukatebebe.
11
Salanganya impusho ya bukali bobe; uloleshe pali onsefye uyo uyitumike no kumutentemuna panshi.
12
Loelsha pali onsefye uyo uyitumike no kumuleta pe samba: unyantaule abantu babifi epo beminina.
13
Ubashike [pamo bena mwiloba; ufunge ifinso fyabo muncende ya disama.
14
Nolu nebo nkasumina palwa webo ukwebati ukuboko kobe ukwa kulya kuti kwa kupususha.
15
Lolesha nomba pa mubu, iyo napangile ulo nakulengele webo; yena ilya icani kubati ni ng'ombe.
16
Mona nomba, amaka yaiko mu musana waiko; ubulamba bwaiko bwaba mu minofu ya lufumo lwaiko.
17
Yena icita umucila waiko kubati citi ca seba; ne mishipa sha matanta ya iko yalundwa pamo.
18
Amafupa ya iko yaba kubati ni ncelo sha mukuba; amolu ya iko kuabati ni mbulo sha cela.
19
Yena yaba ya ntasnhi ya fyabumbwa fya kwa Lesa. Kuofye Lesa uyo uwaipangile yena, eungaicimfya.
20
Ico imilundu iyipa ifyakulua yena; ne finama fya mpanga fyangalila mupepi.
21
Yena isendama mwisamba lya matuwa mu mansansa ya matete, mu matafu.
22
Amatuwa yaifimba yena ne cintelelwe ca yako; imango sha ku nika shinse shaishinguluka yena.
23
Mona, umfwa inika ubunshe ululamba lwa iko, yena taitutuma; yena ilaba iyakushipa nangu Yodani yaposa ukufika na ku kanwa ka iko.
24
Kwingabapo uyo uwingaikata ku ndobo, nangu kuitula imyona ya iko ne cikobelo?