¹ A sa vatekivu ko koya me tukunia vi ira ena vosa vatautauvata, Sa dua na tamata sa tea e dua na were ni vaini, a sa viribaitia vavolivolitia, a sa kelia na keli ni waini, a sa tara na nodra vale nai vatawa, a sa lisitakia vi ira eso nai vatau ni were, a sa qai qai ki na vanua tani. ² Ia ni sa yaco na kena gauna sa tala ko koya e dua na tamata vi ira nai vatau ni were, me yadia mai vi ira nai vatau ni were eso na vua ni were ni vaini. ³ A ra sa tauria, ka yaviti koya, ka tovocia tani loa lia. ⁴ Sa qai tala voki vi ira ko koya e dua na tamata tani; a ra sa vamavoatakia na uluna, ka vacacania valevu. ⁵ A sa tala voki ko koya e dua tani; a ra sa vamatei koya, kei ira na lewe levu tani; eso era sa yavitia, ka so era sa vamatea. ⁶ A sa vo lia e dua loa lia na luvena, na nona gone ni toko, a sa talai koya voki lia emuri vi ira, ka tukunia, Era na varokorokotakia na luvequ. ⁷ ko ira nai vatau ni were koya era sa tukunia vakai ira, O koya koya nai taukei emuri; tou mai vamatea, ena qai noda lia na were ni vaini. ⁸ A ra sa tara, ka vamatea, ka dainia ki taudaku ni were ni vaini. ⁹ A cava beka ena qai caka na turaga ni were ni vaini? ena qai lia mai vamatei ira nai vatau ni were, ka solia na were ni vaini vi ira na tani. ¹⁰ Dou sa yali beka ni wilikia na tiki ni Vola Tabu koya? A vatu era sa besetakia ko ira na matai ni vale, sa yaco me kenai vadei ena tutu ni vale: ¹¹ koya na cakacaka i Jiova, A sa ka e vivakurabuitaki vi ita? ¹² A ra sa via tauri koya, ka ra sa rerevaki ira na lewe levu; ni ra sa kila sa vosataki ira ko koya ena vosa vatautauvata ko ya; a ra sa qai daini koya, ka qai yani. ¹³ A ra sa tala vua eso na Farisi, kei nai tokani i Eroti, me ra coriti koya ena nona vosa. ¹⁴ Ia ni ra sa yaco mai, era sa tukunia vua, Vavuvuli, kitou sa kila ko sa dina lia, ka sa yali ni rerevakia e dua; ni ko sa yali ni doka na matadra na tamata, ia ko sa vatavuvulitakia vaidina lia nai valavala sa vinaka vua na Kalou: sa tara me da soli ka ni matanitu vi Sisa, se yali? ¹⁵ me da solia, se me da kakua ni solia? Ia sa kila ko koya na nodrai lawaki, a sa tukunia vi ira, Dou sa dauveretaki au ena vuku ni cava? Yadia mai vi au e dua na pene, meu raicia. ¹⁶ A ra sa yadia mai. A sa tarogi ira ko koya, A mata i cei koya, kei na yaca i cei sa volai tu? A ra tukunia vua, A nei Sisa. ¹⁷ Sa qai tukunia vei ira ko Jisu, Mo dou solia vei Sisa na ka sa nei Sisa, vei koya voki lia na Kalou na ka sa nona na Kalou. A ra sa kurabuitaki koya. ¹⁸ Era sa qai qai mai vei koya eso nai tokani i Setoki, ko ira era sa daukaya ena yali ni tu cake voki na mate: a ra sa tarogia, ka tukunia, ¹⁹ Vakavuvuli, sa vola vei ita ko Mosese, Kevaka sa dua na tamata sa mate na tuakana se tacina, ka dainia na watina, ka yali na luvena, me rau qai viwatini kei na nona yada na tacina se tuakana, me vaivakawa kinia vua na tuakana se tacina. ²⁰ Sa tiko na matavitacini eratou lewe vitu: a sa vawati ko koya sa matua, a sa mate, ka yali na luvena: ²¹ erau sa qai viwatini kaya nai karua, a sa mate lia, ka yali na luvena: sa va voki lia kinia nai katolu: ²² ia eratou sa viwatini kaya ko iratou na lewe vitu, ka yali na luvedratou: sa qai mate voki lia emuri na yalewa: ²³ ia ni sa tu cake voki na mate, ena wati i cei vi iratou ko koya? ni ratou sa curumia ko iratou na lewe vitu. ²⁴ A sa vosa ko Jisu, ka tukunia vi ira, Sa yali ni vu ni nomudou sese koya, ni dou sa yali ni kila nai Vola Tabu, se na kaukauwa ni Kalou? ²⁵ Ni ra na tu cake voki mai na mate, era na yali ni vawati, se vimusumusukitaki me ra vawati; era na vataki ira na agilose mai lomalagi ²⁶ .  Ia ni ra na tu cake voki na mate, dou sa yali ni wilikia enai vola i Mosese, ni sa vosa na Kalou vi koya, mai na kau, ka tukunia, Koi au na Kalou i Eparaama, kei na Kalou i Aisake, kei na Kalou i Jekope? ²⁷ Ia sa yali ni nodra Kalou na mate ko koya, a nodra Kalou lia era sa bula tiko: dou sa sese valevu kinia. ²⁸ Ka sa dua na vunivola, ni sa rogocia na nodra vileti, a sa raicia ni sa vosa vavuku vi ira ko koya, sa qai qai mai ka tarogi koya, Ai varo cava sa kenai matai e nai varo kece lia? ²⁹ A sa tukunia vua ko Jisu, Sai matai ni varo kece lia, Mo rogocia, na Isireli: O Jiova na noda Kalou Ko Jiova sa dua bau: ³⁰ ia mo lomani Jiova na nomu Kalou e na lomamu taucoko, kei na yalomu taucoko, kei na nomu nanumia kece lia, kei na nomu kaukauwa kece. ³¹ Na kenai karua koya, Mo lomania na kai nomu me vaka ko sa lomani iko. Sa yali e dua nai varo sa uasivi enai varo ruarua koya. ³² A sa tukunia vi koya na vunivola, E vinaka, Vavuvuli, ko sa tukunia dina ni sa dua bau lia na Kalou; a sa yali voki e dua me rau lewe rua kaya; ³³ ia me da lomani koya ena lomada taucoko, kei na noda vakasama kece, kei na yaloda taucoko, kei na noda kaukauwa kece, ka me lomania na kai noda me vaka eda lomani ita, koya na ka levu, ia na ka lailai nai soro kama kece lia, kei nai soro kece lia. ³⁴ Ia ni sa raicia ko Jisu ni sa vosa vavuku ko koya, sa tukunia vua, O sa yali ni yawa ki na matanitu ni Kalou. A sa yali e dua sa doudou emuri me vatarogi koya. ³⁵ A sa vosa ko Jisu ni sa vatavuvuli tiko ena valenisoro, ka tukunia, Sa vaevei ni ra tukunia ko ira na vunivola sa luve i Tevita na Karisito? ³⁶ Ni sa tukunia ko Tevita, ka sa vuna na Yalo Tabu, Sa tukunia ko Jiova vua na noqu Turaga, Mo tiko ena ligaqu i matau, Meu vamalumalumutaki ira mada na nomu meca me ra sai tutu ni yavamu. ³⁷ Sa vatokai koya ko Tevita me Turaga; sa qai luvena vaevei? A ra sa lewe levu vi ira na tamata, sa vinakatia me ra rogoci koya. ³⁸ A sa tukunia vi ira ena nonai vavuvuli, Dou qarauni ikodou mai vi ira na vunivola, era sa vinakatia me ra qai voli enai sulu balabalavu, kei na vikidavaki ena rara ni vivoli, ³⁹ ki nai tikotiko ni matua ena vivalenilotu, kei nai tikotiko vaturaga e na kana magiti; ⁴⁰ era sa kovea na nodrai yau na yada, a ra masu vabalavu tiko me vivakaisini; ko ira koya era na cudruvi valevu. ⁴¹ A sa tiko ko Jisu ena yasana sa donuya na kato ni lavo, a sa raici ira na lewe levu ni ra sa dainia nai lavo kei na kato ni lavo: ka lewe levu era sa vutuniyau era sa dainia valevu. ⁴² A sa qai mai e dua na yada dravudravua, a sa dainia kinia e rua nai lavo lalai sara, sa rautia e dua na facigi. ⁴³ A sa kacivi ira na nona tisaipeli ko koya, ka tukunia vi ira, Au sa tukunia sara lia vaidina vi ikodou, Na yada dravudravua koya sa dainia valevu ki na kato ni lavo, ko ira kece lia era sa dainia valailai lia: ⁴⁴ ni ra sa dainia kinia eso ko ira kece lia mai na nodra ka e levu: ia ko koya koya, sa dravudravua, ka sa dainia na nona ka kece lia, io na nona ka kece e bula kinia.