Ai tubutubu i Jisu, 1 - 17. A nona sucu mai vua na goneyalewa, 18 - 25.
1
Ai vola ni tubutubu i Jisu Karisito , na luve i Tevita, na luve i Eparama.
2
A tama i Aisake ko Eparama; ka tama i Jekope ko Aisake; ka tama i Juta ki iratou na tuakana ki iratou na tacina ko Jekope;
3
ka tama i Feresi ki Sera ko Juta, a tinadrau ko Tema; ka tama i Esiromi ko Feresi; ka tama i Erami ko Esiromi;
4
ka tama i Amininatapi ko Erami; ka tama i Nasoni ko Amininatapi; ka tama i Salimoni ko Nasoni;
5
ka tama i Poasi ko Salimoni, a tinana ko Reapi; ka tama i Opeti ko Poasi, a tinana o Ruci; ka tama i Jese ko Opeti;
6
ka tama i Tevita na tui ko Jese. Ka tama i Solomoni ko Tevita na tui, a tinana ko koya ka wati i Uraia eliu;
7
ka tama i Riopoami ko Solomoni; ka tama i Epaia ko Riopoami; ka tama i Asa ko Epaia;
8
ka tama i Josafati ko Asa; ka tama i Jorami ko Josafati; ka tama i Usaia ko Jorami
9
ka tama i Jocani ko Usaia; ka tama i Aasi ko Jocami; ka tama i Esekaia ko Aasi;
10
ka tama i Manasa ko Esekaia; ka tama i Emoni ko Mansa; ka tama i Josaia ko Emoni;
11
ka tama i Jekonaia ki iratou na wekana ko Josaia, ni sa yaco na gauna era yadi kinia ki Papiloni.
12
Ia ni sa yadi voki lia ki Papiloni, sa qai sucu ko Salacieli, a tamana ko Jekonaia; ka tama i Serupapeli ko Salacieli;
13
ka tama i Epiuta ko Serupapeli; ka tama i Elaiakimi ko Epiuta; ka tama i Asori ko Elaiakimi;
14
ka tama i Setoki ko Asori; ka tama i Akeimi ko Setoki, ka tama i IIiuta ko Akeimi;
15
ka tama i Eliesa ko IIiuta; ka tama i Macani ko Eliesa; ka tama i Jekope ko Macani;
16
ia ko Jekope na tama i Josefa na wati Meri, ko koya sa sucu mai kinia o Jisu, ko koya sa vatokai ko Karisito.
17
Sa qai mani tinikava nai tabatamata kece lia sa vatekivu vata ki Eparama ka yacovi Tevita; ia sai tabatamata e tinikava ko ira sa vatekivu vata ki Tevita ka yacovia na kena yadi ki Papiloni ka yacovia na Karisito.
18
Ia sa va koya voki lia na sucu i Jisu Karisito: Sa musu eliu ko Meri na tinana vi Josefa, ia ni rau sa yali mada lia ni viyacovi, sa votu na nona bukete mai vua na Yalo Tabu.
19
Ia sa yalododonu ko Josefa na watina, a sa yali ni via vavotuya, sa lomania me dai tu kinia ka vuni.
20
Ia ni sa vananumia tiko ko ikonu na ka koya, sa qai dua lia na agilosi ni Turaga sa rairai mai vua ena tadra, ka tukunia, I Josefa, na luve i Tevita , kakua ni rere ni yadi Meri na watimu: ka ni sa tubu mai vua na Yalo Tabu na ka sa kunekunetakia:
21
ia ena vasucumia ko ikonu e dua na gonetagane; ia mo vayacani ikonu o Jisu; ka ni sai koya lia ena vabulai ira na nona tamata mai na nodrai valavala ca.
22
Ia sa yaco lia na ka koya, me vayacori kinia na vosa ni Turaga ko ya sa tukunia na parofita, ka tukunia,
23
Raicia ena bukete e dua na goneyalewa, ka na vasucumia e dua na gonetagane, Ka na vayacani voki lia ko Immanueli: a kenai balebale, Na Kalou sa tiko vata ki ita.
24
Ia sa yadra mai ko Josefa ka sa qai laki caka na ka ka tukunia vua na agilosi ni Turaga, a sa yadia na watina:
25
a rau sa yali ni viyacovi, sa sucu mada na nona ulumatua na gonetagane; a sa vayacani koya ko Jisu.